¹ Vaidiiya koroosa yoketaiva tama yeena kokoora kuaikio saakosaako kuaivaatama koke kuai Angeeraiya mmannammanna roosiva iimakia buruqa yaaku vaitanaadiri sudaqannau iikiannaiva yuunna vareera kegiaiva yauvaki rau suvuai kianee. ² Ii buruaqa iyaiuva udiyai yauva mmataino (28) kubita (12mita) vaino pannaivo (4)kubita (2mita) vakiaivee. Ii buruqa yuunna vareera kegiai yau vaki rau suvuakuai yauvo safuuma mmuakara kiaivee. ³ Yuunna vareera kegiai yau vaki rau suvuaikiai yaaku saivai buruqaiya safuuma yuunna vareera kegiaivaki rau suvuaira yaaku sai buruqaiya ngiariya mmuavau rau suvuakuatee. ⁴ Aataruu yauva hatoka rovekama rugooqa kianee. Ii aataru iyauvo kokoora kuaiyauvai yuunna vareera kegiayauvaki rau suvuaira buruai yauva mmanainnigiata toyai yauvunu vakiaivee. Ii buruqa iyauvo nnagiai vainara buruqaiyauva vaini giata vakiaivee. Taura ikiannanema yunna vareera kegiaiyau vaki rau suvuaira nnagia vainara buruai yauvunu mmuaikarama iikianee. ⁵ Yuunna vareera keegiai yauvaki rau suvuaira tauura buruai yauvunu taara vaidi yuku yaku taikanai voovai yaaku vaitana aataru yauva rovekama hatoka rugooakie yuunna vareera keegiaiyau vaki rau suvuaira nnaagiai buruai yauvunu mmuaikaarama taara vaidi yuku yaaku taikanai vo vaidi vai yaaku vaitana aataruyauva rovekama hakoka rugooqane. Suai itaama ima kino,fai aataru roovekama hatoka rugooqai yauvo saivau vai yauvootama sainai vai yauvotama safuuma mmuavau dida vakiaravai. ⁶ Taara vaidi yuku yaaku taika kio voovai yaaku vaitana taikai gooraivadiri vaidiiya iima kiaivadiri vara nuunama kino sudaqa nnauvo mmuavai roosima nnasu vakiaive. ⁷ Saasaya nnauvo sudaqa nnauva akiai vaki vaiva yuunna vareera keegiaiyauva meme yaasivadiri varee yuunna vareera kegiai yauvaki rau suvuaira buruaiyauva roosima rau suvuai kiaane. Eeno yaakuvaitana yuku kidi mmuavai yuunna vareera kegiaiyau vaki rau suvuaira buruai yauva iikiane. ⁸ Yuunna vareera keegiaiyauvaki rau suvuaira buruaiyauva udiyaivo mmua vaidivai yuku yaaku taikakio voovai yaaku vaitana kiubita (yaakuvaitana yuku kidi taaravooma mita) vainotoo paannaivo taarama taarama kiubita (taara mita ) vakiaivee. ⁹ Yunna vareera keegiai yauvaki rau suvuaira buruai yauvo mmuaakarai yauvai safuuma vakiaive. Yuunna vareera keegiai vaki rau suvuaira burua yaaku vaitana mmaaraama nuunama yapakie yaaku saivai karasaidiri mmuavai mmaraama nuunama yapanee. Karasai buruai vau yagueqa kiaiveera voovata raubaatama yapaane. ¹⁰ Yuunna vareera keegiai yau vaki rau suvuaira tauraana buruai yauva tooyai yauvunu taara vaidi yuku yaaku taikano vo vaidivai yaaku vaitana aataruyauva rovekama hatoka rugooqama kie taara vaidi yuku yaa taikano vovaidi vai yaaku vaitana nnagiai yunna vareera keegiai yau vaki rau suvuaira burua tooyai yauvunu aataruyauva rovekama hatoka rugooqanee. ¹¹ Taara vaidi vaitana yuku yaaku taikano vovaidivai yaaku vaitana karaama baroonasai vadiri iimakiai yau vaa vare aataru rovekama rugooai yau vaki yapaane. Sasaaya nnauuva tooyaiyauva tuqiinnama nuunama kino fai aikiooma mmuavai nnaasu vainaravai. ¹² Ii kiisa burua yuunna vareera keegia yauvaki rau suvuaira kati yapa kiavo vai iyauvaadiri ngia varaada sasaaya nnauva yuunna vareera keegia yauvaki raduuda hiri suvuaida oqokia nnau akiai vaki mmookai nnigiata raduuda hiriate. ¹³ Ii burua yuunna vareera keegiai yauvaki rau suvuaira kati vaiva vara mmataino mmua kiubita (50 sedamita) vaino saivaata mmataino mmua kiubita (50 se damita ) vainai ivaadi vare sudaaqa nnauva rummua apue yukua taikanee. ¹⁴ Sudaaqa nnauva rummua apiranaiva meme nnaakara nnabaiva ima kiavo koke kuai vaadiri arinaima rummua apukie vo rummua apirana vovai yoketa fayai nnabai yauvadiri ima kiaiva vera tuanaya apuanee. ¹⁵ Sudaqa nnauuva tuunnaiyauva yatari akasiai vadiri hanu haranee. ¹⁶ Tuunnaiyauva mmaataino udiyai yauvo yaaku vaitana kiubita (taarama taarama mita) atau vainoo paannai yauvo mmuavai voovai raraangia sai kiubita (66 sedamita ) vakiaivee. ¹⁷ Taara yatari vaitanadiiri tuunna taara vaitana haara suvuaikinai raubaatama dida vakiate. I aataru ivau giatama sudaqa nnau tuunna mmuakia yauvai iitama ikianee. ¹⁸ Suai sudaqa nnauva heekanara, tooya sainai vainara tuunnaiyauvo mmua vaidi vai yuku yaaku taikaivee. ¹⁹ Tuunnaiyauva utuaiveera taara vaidi yuku yaaku taikai sikau yauva varee yapano manuuva roosima raataru kio vainai mmua vaidivai yuku yaaku taikai tuunnaiyauva iyauvunu hanu haraane. Taara sikau vaitana vara nuunama kino fai mmua sikauvai roosiima vaino mmua tuunnavai ivau dinaravai. ²⁰ Sudaqa nnau saivai,sai tooyanni ,mmua vaidi vai yuku yaaku taikai tuunnaiyauvotama ²¹ taara vaidi yuku yaaku taikai yaague aivotama tuunnaiyauva siriivai vaki utuaive. Tuunnai yauva puaisakama hadauuma utuaiveera yaagueqa taarama vara nuunama kino mmuavai roosima vainai taarua tuunnaiva ivau hanu harakie saiyauvatama mmuaikarama ikianee. ²² Suai hatapeeranni sudaqa nnau mmookaivau yaagueqa mmuyai yaaku saivai saivai sainai diri mmuavai vakiaive. ²³ Sudaqa nnauva mmookai nniigiata tooyai vau taara mmuyai vaitana ikiane. ²⁴ Sudaqa naau mmuyai iikiannai yauva oyaiyauvo sa ngiari tasipama mmua vaki vakiate, iitama vaino nnata aruo aataru roovekama vaivaki iyauvo nunama mmua vaki vakiate. Nnauva taara tooyai ranerai vaitana itama ikiane . ²⁵ Yaaku saivai sainaidiri taaravooma mmuyai yauvo siriivai vadiri tuunnaiyauva hadauma utuaiveera sikau ima kiaiyauva tasipama vakiaivee. Mmuakiayauvai nuunama vakiaivera, sikaudoo yaaku vaitana yuku saivai sainai diri mmuavai tuunnaiyauva hadauuma utuai veera siriivai vaadiri ima ima kiaiyauvo vainaite taurana tuunnaiva oyai mmata mmemmai vaki hadauma utuaiveera taara sikau vaitana nuunama yapakie kava taarama vuai tuunnai vaata oyai mmata mmemmai vaki yapakie itama mmuaikarama saiyauuvatama iikianee. ²⁶ Yatari akasia vadiri hana hatataakie yukuare kuane. Yaaku sai sagadadiri sudaqa nnauva mmua yaneennigiata yukuakie, ²⁷ yaaku sai sagadadiri tusinnaasinna sudaqa nnauuva suai viranniigiata mmookaiva yukuane. ²⁸ Yatari saga tusinnaasinna sudaqa nnau vuutaiva yukuerai yauvo saitoya vaudi sai toyavau kuaivee. ²⁹ Sudaqa nnau yaannapa rauruuva goorai vadiri huda ravivieta rummua apu kiane. Iya aataru rovekama rugoaiyauva gooraivadiri ima kianee. ³⁰ Sudaqa nnauva taapivau atee mmannammanna varannaiva ariinaima heeka kino diaivee. ³¹ Yeenaiyauvo kokoora kuaikio, saakosaako kuaikio ,kooke kuaivaatama uyu rammuateera buruqa yoketa iimakiaivootama ari vookaraiatau mmannammaanna vaivadiri varee yuunna vareera keegiaiva buruqaiva iinna angeera roosi mmannammannaiva iikianee,inna vaidi tinni ruaiya iima kioo mmooriiva saiivove. ³² Kie aiyauva yatari akasivadiri taarama taarama tuunna iima kiada goorai vadiri rummua apu kiaiyauvunu hirianne . Goorai vadiri oovi tuunnaiyaunu iim akiai yauva yaaguea yuunna sirivai vadiri iimakiaiva veraivau hara kino diaive. ³³ Yuunna vareera kegiaki rau suvuaira buruai vadiri karamaiva mmemmai vaki hirikie kua yeena raukiaivo vai nnaamuruuva varee akiai vaki kuane. Ii burua yuunna vareera kegiaki rau suvuairai voono ooqoo kia nnau aakiaiva kava hara hatoka rau suvuai nnau aakia ooqoo kia tuanaiiva hataiinaravai. ³⁴ Kua mmanna yeena raukiaivo vai nnaamuruuva avuuvo taipinnai rummua apu suvuaikie Anutuuqo mminnamminna maisarugeera aataruva ima rukia kinai fai ta innata mmua ausa varaaravai,ivaa iyaa gooraivadiri iima kiavoo ooqoo kia tuana nnauva aakiai vaki vainoo. ³⁵ Yuunna nnira keegiaivaki rau suvuaira buruaiva mmanaivau tapaiva ikianee. Toobaiva seeraiva gooraivadiri imakiaiva sudaqa nnauvaa miainnigiata tooyaivau yapaane. Ii tapa ivo viyainnigiata safuuma vakiaivee. ³⁶ Sudaaqa nnauva keegia vida nnidairaivaki buruqa voovaadiri sipu roosima raduuda hiri rau kiane. Ii buruqa iva seena buruqa vooyauvai kokoraa kuaikio, saakosaako kuaiyauvoo inna tinni rua vaidi iyauva iirai yaano iimakiavai. ³⁷ Buruqai vaadiri keegiai vaki raduuda hiri rau suvuainekia, yaaku sai tuunnada yatari akasiai vaadiri iimakie goorai vaadiri rummua apu kianee. Iya ooviyauva goorai vaadiri iimakie iya yaaku sai tuunna yaagueeqa sikau boronaasai vaadiri iima kiaivau yapaane.