¹ Aagini Anutuuqo Musiinna ataakua tinoo," ² Gioonna kiaapu Isarairaya kianee, ngia mminna nimiaraiyauva nunama kiada nimiatee. Ngi ausai yauvoo ngi yurunnai sirigai vaudiri ni miatee. Ii mmirana ivoo inna ninivai. ³ Aqa mmirana mminna ayauva inna immiatee. goraivo sirivuaivo burunosaivoota kokora kuaivota sakosako puapusuaivota. ⁴ kokekuai korosaivoota vaa puara meme yausivau imakiaivata. ⁵ Ii mminna iyauvoo puara sipisipa nnabai yauvunu kooke ataunnaadiri yapaiyauvoota puara burimakau sorovuarai vaki nnai nnabaivata yatari akasia vaata, ⁶ nnammari suuya yeena tapivau subinaraivaara yama suuda viranaivaa nnammari suuyaiva tasipama kiaatee. ⁷ Arivookarai sikau yama tuana iyauva kieetaiya uyira rairaiyauvunu yapatee. ⁸ Teeda pikikiai iya ni nnauva heeka kikiai fai na tuma iyia vutaki varinaravai. ⁹ Fai na ikia immiau kuaiva safuma tuinnama vatee, arinai sudaqa nnauva heekanara mminnai yauvaata ikia imminaravai. ¹⁰ Yaagueqa yatari akasiaivadiri pukisa ikiate. Inna hokobaivoo (2.5)kubika inna pinaivo (1.5)kubika,na rummua rummua apiraivo (1,5)kubika. ¹¹ Inna rummua apiraivoo mmanai aakiaivo gooraivaadiri yapanee, tooya sai tooya saiyau vakiaatama yapanoo, pukisaiva rummua apiraivaunnata kuaivee. ¹² Gooraivaa huda kiee taarama taarama mmuakaram ikianee. Varee pukisaiva yuku tarama tarama ivau yapanee. ¹³ Yaaguea yatari akasai vaadiri tuunna apiraiva iima kiee gooraivaadiri rummua apukiaanee. ¹⁴ Iimakiee iitunna iva mmakarannaiva aakiaivaki yapano vinai ivaudiri apuaravai. ¹⁵ Tunnaivo mmakarannaiva aakiai vaki nnaasu vainai sa varainnakio vakiaivee. ¹⁶ Fai mmanna kua yeena rau kiau kuaiva imminai pukisaiva aakiaivaki yapano ivaki vakiiaivee. ¹⁷ Rummua apiraiva goorai vadiri nnaasu rummua apuanee. Iva hokobaivo (2.5) kubika vai, inna pinaivoo (0.5)kubika. ¹⁸ Gooradiri taara angarai vaitana iimakiee pukisaiva rummua apiraiva saitooya saitooyai vaitanau yaanee. ¹⁹ Taara angara ivaitana gooradiri iimmakiee pukisaiva rummua apiraiva saitooyaivau vuaiva yapee vuaiva sai tooyaivau yapaano ngiariya ngiariya tasipama vakiaivee. ²⁰ Angaraivo ari haayaiva radudano pukisaiva rummua apira aqaraiva rummua apuaivee. Pukisaiva rummua apira pukisaiva vuutaivau goora angarai vaitana ngiariya avu virivaitana kiaatee. ²¹ Pukisaiva rummua apiraiva vararukiee kua yeena rau mmaanna kuaiva akiai vaki yapaanee. ²² Pukisa ivaa yadiri fai na iita nunainna aita kuatinaravai. mmata varinaraivoo, pukisa rummua apiraivau angera goorai vaitana vuutaivaki gioonna kiaapu Isarairaya kiaa mmianeera mmanna kua ikia immiauava aita kua tinaravai. ²³ Mmaata voovai yatari akasia vaadiri ikianee. Inna hokobaivoo 2kubikavai, inna pannaivoo 1kubikavai, inna ngiau nnannuma vaivoo inna voo kubikavai. ²⁴ Ii mmaata iva gooradinnasu rummua apuanee, immaata iva tooya sainai tooya sainai gooradi nnaasu rummua apuane. ²⁵ Mmataiva yaagueeai naraivoo 705 sedimita fai ivoono mmataivau yukuvaitanau yaguee ainaravai, iva gooradiri yukuvaitanau ututuma kiaanee. ²⁶ Tarama tarama mmakarana gooraiyau vaa imakiee mmataiva tooya sai tooya sai yauvunu yapatee. ²⁷ Ii mmakarana idoo mmaataiva tasipama varinoo iyauva yaperaiyauvo fai aikiooma vainaravai. Fai itaama iikio mmataiva vareraivoo fai safuuma vainaravai. ²⁸ Fai a yagueeqa yatari akasia nnadii mmaataiva apira tuunnaiva goorai vaadiri rummua apu kianai ii tuunna ivaadiri mmataiva varaaravai. ²⁹ Pina yapa nneraivoota kiisa yapanneraivoota supiya vita nneraivota nnoori viteeraivaata. Ii mmuakia mminna iyauva gooradi nnasu ikianee. ³⁰ Mmuakia suai beretaiva yapeeraiva mmaatai kio ivau nnasu vakiaivee. ³¹ Toobai yauva gooradiri iikianee. Toobaiva yauva oyaivoota ari yaaku hammaraivoono toobaiva yagueeqama utinaravai. Gooraivaadiri nnaasu maura ii mmakiada, toobaivata yauvata funnukama kiaatee. ³² Yaaku saivai sainaidiri mmuavai seeraida toobaiva yaanenni vakiai veera ikiatee, Taravooma sai yaanenni yapada taravooma sai yaaneenni yapatee. ³³ Taura hammaraivau taravooma (kaapaivoo)yatari aromona paira mauraivoota apuvaata pairaivoo ari oyiai vakidiriatama,Toobaivota taravooma kaapaivoo tama inna sainainni vakiaivee. Itaama vainai ii mmuakia yaaku saivai sainaidiri mmuavai toobaivaa yia mmuakarama vakiavee. ³⁴ Toobai yauvaa vuutaivaki taarama taama kaapai yauvoo yatari aromoniva apuyauvota pairaiyau voota toobaiva oyiai vaki vakiaivee. ³⁵ Toobaiva taurana yaaku hammarai vaitana oyai vaki apu yauvadiri ikiatee,mmuakarama sai yaaku hammarai vaata ikiatee. Toobaivo taikai hammarai vaitanata mmuakarama apu yauvaadiri ikiatee,yaaku saivai sainaidiri mmuavai. Mmuakarama ii ikiatee. ³⁶ Tooba oyiai vakiata yaaku hammarai vakiata gooraiva ikioo yana apu yauvai vainai yapatee. ³⁷ Toobaiva yauvaunnaata yaakuva sainaidiri taravaitana yaa kikioo mmeekiaivo too vayiaivee. ³⁸ Inna kookevaata yapanee, yanai vaata gooradi nnasu ii kianee. ³⁹ Toobai voota mmata toobaiva yapeeraivoota ii mmuakia iyauva ikiaa gooraiva mmuaraivo 27 kiro garamavai. ⁴⁰ Taapivaudiri na ikiaa immiee i vita kiauva arinaima tuqinnama iikianee.