¹ Nnaagiai Aagini Anutuuqo Musiinna tinoo. Aniisi ngianee , a Aroono, Nadaabo, Adibihuva Isarairo , kieeta 70 iyiaata nnida niiyara sudaaqa iikiatee, ngia ni ngieerama variatee. ² Msiivaano nnasu ni vaini ngiaivee. Saiyia sa nivaini ngiatee, gioonna kiaapuyaatama sa ni vainima ngiatee. ³ Aagini Anutuuqo tii kua mmuakiayauvatama mmaannaa tu kuaivaatama gioonna kiaapuya kia mmiravai. Mmuakiaa gioonna kiaapuuya avai nunaida irisaikiaanoo. Aagini Anutuuqo tii kua mmuakiavai fai ta vataravai. ⁴ Musiiva mmuakia kua Aagini Anutuuqo tiiyauva fafara raivai. Heenananna tuana yeena tapiiva taapiva oyaivaki 12 sikau piraiva Isaraira yiaadi mmataama kioo yapaivai. ⁵ Ivoo karasa vaidii Isarairaya titaikiai puara sipisipai yauva huda kioo yama suuda Aagini Anutuuqa si kuaiveera kiaa viriai yauva varada yeena tapivau hudaavai. ⁶ Musiiva kiauvooda vara yanaivaki yapakioo voo yauvaadiri yeena tapivau rupiririvai. ⁷ Ivoo kua yeena raira yanaiva varakioo puaisakama gioonna kiaapu yaata yaarivai. Iya ataakua kiaano. Fai ta Aagini Anutuuqo kua mmua kuavai vataaravai. Ta rikiada fai ta vataravai. ⁸ Nnagiai Musiiva kiauva varakioo gioonna kiaapuya yia tusaivai. Tuso atakua tunoo. Inna Aagini Anutuuqo titasipama mmuakia kua vai kua yeena raukiaivai. ⁹ Kiaada Musuiiva Aroono Nadabiva Abihuvata Isarairaya kieeta 70 vaidiiyata taapivaura kuavai. ¹⁰ Iyia Isarairaya Aagini Anutuuqa taavai. Taavo inna yuku mmemmaivaki yaagueqa ainaiva kokora kuai vaadiri yapa sikau Sapairava, (apphire) i poosa ataama tooromunnaiva roosivai. ¹¹ Aagini Anutuqo hama ari yaakuva Isarairaiya ya yaaku utiivo inna iyara nnannataivai. Iya Aagini Anutuuqa teeda yeenna nnori nnavai. ¹² Aagini Anutuuqo Musiinna ataakua tinoo, Ataapivau niisi ngiee saivau varianee. Mmanna kua fafara rauva sikauva i mminaravai. Imminai fai aqa i yia vitainaravai. ¹³ Musiiva taapivaua ari inanoo vaidi Yosuannata viito Anutuuqa taapivau kuavai. ¹⁴ Musiiva kieeta vaidiyaata ataakua tiivai. Fai ngia aavau varida tiiyara fannaida varikiai fai ta kava ngiisi tummuaravai. Aroonoya Huraya fai ngi tasipama varikiai, ngi voovasi kaayau yaata utuo oro ivoota taivee. ¹⁵ Musiiva taapivau kuaikio namaivo taapiva rummua apukiaivai. ¹⁶ Aagini Anutuuqo taapi Sinaivau varikio yama mmeekiaivoota namaivoo rummua apukio vaikio yaakusai suaivo taikaikioo sainaidiri mmua suai ivau Musiinnara aayannaivo nama akia vakidiri tiivai. ¹⁷ Aagini Anutuuqa yama mmeekiaivoo ataama ikia hauruuva roosiivoono taapivau Isaraira gioonna kiaapuya avuu vau vairavai. ¹⁸ Musiiva nama aakiaivakina taapivaura viravai. Ivoo taapivau taara vaidi yuku yaaku suaida heenai vaata ikiannai vaata variravai.