¹ Mmuakiaa Isarairaa gioonna kiaapuuya Iyiipa pikiada vuuvo taaravooma kuraagavaaitaana voomai vaa suai tauraivau mmanna yoosinna gaangai vaura Sinai viravai. ² Iya Ripitiima yoosinnai vaa pikiada nnidada yoosinna mmanna gaanga Sinai viravai. Iya taapi Sinaivaa vainima avunningia ngiari yoosinnaivaa iiravai. ³ Ivaki oro varuduu Musiiva Aagini Udaangaivaasi viravai. Vuduu Aagini Udaangaivo Innara taapiivaudiri aayanna roo tunoo. Oto Yakoopaa urunnaakara sidinnaidi gioonna kiaapu Isarairaiya kianee. ⁴ Ngia tooduu na aanii mminnaayauvai ngiiyara yoosinna Iyiipa iina ngiaamma Hemonnaivaa roosima haayana ngii yapa kiee ngii vitee niniisi ngiauvai. ⁵ Itaama vainai mo ngia ni kuammannaivaa rikiada vatada iida ni kua mmannaivaa puaisakama utida iida fai ngia ni gioonna kiaapu tuanaa arivookaraiya voopinnaa gioonna kiaapuuya vuutana variaaravai, mo mmuakiaa mmataiyauvoota yoosinna iyauvo inna niiniyau vai. ⁶ Fai ngia kati puara hudeeraiya roosima ni gioonna kiaapuya variaaravai. Aa kua aavaa varee viee gioonna kiapu Isarairaiya kiaa mmianee. ⁷ Tuduu rikioo Musiiva oro ii kua iyauvaa yokovaa vaidiiya gioonna kiaapuyara duuya kiaa mmiravai, dee kua kuaa kuayauvai Aagini Udaangaivo inna kiaa mmuuyauvaa iya kiaa mmiravai. ⁸ Kiaa mmuduu mmuakiaa gioonna kiaapuuya avai nuunaida tunoo. Fai ta itaama Udaanga Aaginiivo tiineema vatada iikiaaravaive. Itaa kua tuduu rikioo Musiiva kava vararanoo iya tuu kuaiyauvaa Udaanga Aaginiivaa kiaa mmiravai. ⁹ Itaama kiaa mmuduu Udaanga Aaginiivo Musiinna tunoo, fai na aisi nninaraivo nama pinaivakinaa ngiee aita kua tinai fai gioonna kiaapuuya rikiaaravai,rikiada kutaavee tida mmuakiaa suai i kuaivaa rikiadaa vataaravai. Tuduu Musiiva mmuakiaa kua gioonna kiaapuuya tuuyauvaa UdaangaAaginiivaa kiaa mmiravai. ¹⁰ Udaanga Aaginiivo Musiinna tunoo, anna makee gioonna kiaapuuyasi kuanee. Viee kiaanee. Aannaata turau nnaasu iya mmatainai ni gioonna kiaapu tuanaaya varikiai tinai iya ngiari uyira rairaiyauvaa finiatee. ¹¹ Mo fai iya itaama teera taarama varida Aagini Anutuuqo (dita) suai taara vooma ivau taapi Sinaivau tiinaravai. ¹² Atau voovainna taapi ivaa ututu rummua gioonna kiaapuuya uda rau kiaanee. Itaama iima kiee ataa kua kianee. Mo ngia ii taapi ivau vida aatama kiadaida ivaura kuatee, na atau yapau ivau sa tasipada utuatee. Fai a deevoono ii atau taapi ivaa uuda rammuaa ivau utuee tasipannaikua putinaravai. ¹³ Ii atau rummua suvuai kiaa ivau utiivaa sa yaakuaadiri ivaa ruputuatee a inna ruputinee kiaa sikau nnadiri,vara suruyaadiri veevaadiri heeno putinaravai.Vaidinne, vasingiamma itaama iikiaiya sikaunnadiri ruputi putuatee. Itaama iida rikikioo noomaivo hokobama akua tinai iya taapi oyaivaki kuatee. ¹⁴ Musiiva taapiivau pikioo kava vara ranoo mmataki gioonna kiaapuuyasi tiiravai. Ivo tuoo gioonna kiaapuuya tuduu Anutuuqaa avuuvau safuuma varida ngiari uyira rairaiyauvaa finiaaravai. ¹⁵ Ivo iya tunoo suai taara vooma ivau sa ngiingii nnaataiya vainima kuatee. ¹⁶ Suai taara vooma ivau heenanaanna tuana fai saneetuuvo ruvuaa heeno ngiaarunnaivo akua tino pinaama namaivo taapivau raino nooma akuaivo pinaavai kuanaravai. Itaama vainai gioonna kiaapuuya ngiari yoosinna variaravai, fai iya pinaama aatuuda biribirii kiaravai. ¹⁷ Iya itaama uuduu Musiiva ngiari yoosinnai vakidiri iya vitoo mmaata tuuduu iya tuma mmanai dida vaida Aagini Anutuuqaa taara taapiivaa oyaivaki diravai. ¹⁸ Udaanga Annutuuqo ikiaivakinaa taapi Sinai ivau tuduu visu pinaivo taapivaa rummua aapu kioo pinaa tukunna mmueenaa roosima mmuakiaa taapiivaa rummua apuduu mmuakia taapivai mmataa kuaruuvo pinaavai utiravai. ¹⁹ Nomaivaa akuaivo pinaavai vioo yaagueeqama vuduu Musiiva ivakinaa kua tuduu Aagini Aanutuuqo inna kuasai tiravai. ²⁰ Udaanga Aaginiivo tuma taapi Sinaiva mmutuuvau duoo vainno Musiiva taapiivaa mmutuuvau innasi ngiaiveera tiravai. Itaa kua tuduu rikioo Musiiva taapiiva kieetaivau viravai. ²¹ Udaanga Aaginiivo Musiinnaata kua tuoo tunoo ,oto aatura kuaiaa gioonna kiaapuuya kiaa mmiee kianee, sa vainidi numa ni taatee. Mo fai iya itaama iida kaayaunnaano putuaarainnoo,kianee. ²² Mo kii kati puara hudeera vaidi gioono ni vaini nnineekia ivo safuuma kioo niisi ngiaivee, faina hama inna koonnama iinaravaivee. ²³ Musiiva Aaginii Udaangaivaa tunoo. Fai gioonna kiaapuuya hama yopeema ii taapi ivau kuaaravee, mo vaa ati kiannani ta atauvaa ututuuma ii taapi ivaa yapa kiada Aagini Anutuuqaa mmiaunnavai. ²⁴ Aagini Anutuuqo inna tino, kuanee, oto tee Aroonaata vitee nnino i tasipama taapi aavau ngiaivee, sa tee pikinai gioonna kiaapunnee,kati puara hudeera vaidi voovai ngioo atau ivaa yaatatoo niisi ngiaivee,itaama iikiai fai na iya ruputinaravai. ²⁵ Itaa kua tuduu Musiiva oto gioonna kiaapuuya kia mmiravai.