¹ Anutuuqo noo ii mmokia kua iyau va a tino, " ² Na ngii Udaaga Anutuuqo vee, gioono Iyiipaiya mmatai vakiidiri ngii vitoo mmanai nnii vai nnee. Ovii nnau vakiidiri aa tama mmuaararai mmoori yau vaa varo aakiai yau vaki diri aa tamavee. ³ Hama vo anutuu vovoono ni mmataiva varanaravai. ⁴ Sa yatariiva vadii mmannammannaa hatataanee o saa ngiau aapu vaki vai mminnai yau vaa mmannammannaa iikiaanee. Mminna voo yauvai mmata mmammai vaki vai yau vaa nnee vara uraapu nnoori haruunga mmammai vaki vai yau va saa iikiaanee. ⁵ Saa vooya Suuaqaa tirai yau vaara toorivu yau haree iyara Suudaaqa kiaane, na Anutuuqo ivaara kuaa tiranaavai. Ngii nna kuaakiaiya mminnamminna mai sai yau vaara na mmuaararai vaa yaapo nnungai vayaara nnaakaraiya taara voomaneetu nnee taarama taarama neetu ngii nneedii tunnaiya mminaravai, gioono niiyara inna piriisaivai. ⁶ Itaama vaikiai yeennaarairai vaa ngii vitai nna na nii kuaa mmaannai tuaana nini kuai vaki vayee kaayau gioonna kiaapu gioono niiyara mmuuduuya ruoo nikua mmaannai vaa vatai vai. ⁷ Sa udaanga Anutuuqa nnuutuuva kumina kieema kianee, hama yoopeema na ninii ausaa nnanna teeraiva suvuai nara gioono unnuaakua aataruu daadirii ni nnuutuva varaivai. ⁸ Sudaaqa tira suai vara rikee ivaa ii suai ivaa haitatuuno yookeetavai vakiaivee. ⁹ Mmokia mmoori yau vai kausa utuu kiee yakuu saivai sainaidirii mmuaa suai ivaki mmoori varaane. ¹⁰ Itaama vai kioo yakuu sai vai sainaidirii taara (7) suai ivoo Udaanga Anutuuqa suai vai. Sa ngia vovoono mmoori varaivee, eetama immaapuu vootama ngii raunnai yaa tama ngii mmoori vareera kiaatannan ngia mmau yaa tama burimakau yaata vaidii vo yoosinna yaatama gioono itasiipama varii voo tama vee. ¹¹ Yaaku saivai sainai dirii mmuaa suai vai (6) Udaangai voo ngiau mmatai vaata nnoori soroovuarai vaata mmuakia mminna ivaki vai yau vaata iiravai. ¹² Aai kaano koova mmammaana variee fai aa hokoobasai aa mmata aa vau varinaravai, Udaanga Anutuuqono gnii minaravai. ¹³ Vaidii yau vaa san ngia rupuutikiai putuatee. ¹⁴ Sa ngia sabi haatee. ¹⁵ Sa ngia vaidii yaa mmuaara varaatee, ¹⁶ sa ngii seena vooya ngii vainii vayai yaa iya unnaakua kiaatee. ¹⁷ Sa tuaana voo vai nnmau vaara avuu nnaammaarii kianee. Sa voovai nnaatai vaara avuu nnammaari nna inna mmoori vareera goioonnai vaata inna mmoori vareera ngia mmau vaata inna buriimakau yaata inna toogi yaatama inna mminnamminna voo yau vaaraata avu nnammari kiaanee ." ¹⁸ Mmuakia ya taavo namai vaudirii saneetuuvo ruvuaa hoodu ngiaarunnaivoo akua tuduu iya noomaivaa akuai vaa rikiaada taavoo taapi vaudirii kioosuuvo diteeravai. Ii gioonna kiaapuu iya ivaa teeda nnikiaraida ngieera voovau didaa vairavai. ¹⁹ Iya Musiinna tunoo," Aa kua tinai fai taa ii rikiaraavai. Sa pikiino Anutuuqo tiita kua kiaivee, iida fai taa putuaaravai. ²⁰ Musiiva ii gioonna kiaapuu iya tunoo, "Saa aatuu kiatee. Anutuuqo ti iinnoo taanara tiisi nninoo, dataama vainnee, ta inna mmammana vidaa hama taa mminnamminna maisaa iikiara vee. ²¹ Ii gioonna kiaapuu iya ngieera didaa vauduu Musiiva vioo pina heena aakia Anutuuqo varii vaa vaini viravai. ²² Udaanga Anutuuqo Musiinna tunoo," Aa kua aava tuaanama Isarairaya kiaa miaanee." Ngieengieeno vaa taavai na ngi aapu harakiee vayee na ngii yara kua kiauvai. ²³ Fai hama ngia ai kiooma Udaanga anutuu voovai iimaa kioo ni mmatai vaa varaanara vai, ataama anutuu voovai sirivua goorai vaadiiri ii kiaiva roosii naravai. ²⁴ Aatua naama yeena tapiivaa ninii mmataivau ii makiee aatuaana yokeetave tiravai. Ikaivau iinoo ikai voono taa taika kiaivee, immuaa ausaa vareera yokeeta vee tiraiva taika kiai vee. Sipisiipai yaata ii mmookiaa yoosinna dee yau vaki fai na ni nnutuuva iinoo ngiau aapuu vainaravai. Fai na ngiee yokeetairaiva dirii ii rummua apiinaravai. ²⁵ Itaama vainai ngia yeena tapi voo vai sikau nnaadirii i kiatee , saa hatooka kiaada ii kiaatee, iitaama vaina ngiaa ngingii hatookeera mmuyai yyau vaa dirii hatookada ngiengieeno fai ngingii yeena tapii vaa maisama iikiaaravai. ²⁶ Sa nii yeena tapivau safaara rooru kiaadaa karaada kuatee, innoo ngi nnabai yau voo fai kooya vainarvai.