¹ Musiinna nniraangia nnutuuvo Yetoroova ,ivo Mitieenaaya kieeta vaidivai,varioo Anutuuqara kati puara hudeeravai,ivo varioo mmuakia kua mmayaayavai Aagini Anutuuqo Musiinnaata gioonna kiaapu Isarairaiyara uu kua mmayaayaivaa rikieeravai. Ivo rikiooduu vaa Isarairaaya Iyiipadiri mmaanai viravai. ² Ii kua ivaa rikioo Yetoroovaa ari raunna Sepooraanna Musiiva titooduu ari koonnasi, ³ vuuvaa vitoo mmaapu taaraivaitanaa tama vitoo viravai. Mmaapu voovai nnutuuvo Kesoomo tiravai.Ii nnutu ivaa oyaivo tino,na ari voopinna vaidivai ngiari vooya mmatavakidiri mmatauvai. ⁴ Mmaapu vuaivaa nnutuvo Eriaaso tiravai,ii nnutu ivaa oyaivo ataama vaivai, Musiiva tunoo ni nnakukiaiya Anutuuqo ni tasipama varioo ni haita tuukio hama Farauva ni ruputivai. ⁵ Musiinna nniraangioo Yetoroova Musiinna nnaata mmaapudaatama vitoo mmanna gaanga mmataivo Anutuuqaa tapiivo vauvaki varuupira viravai. ⁶ Oro ivo Musiinna too inna tunoo. Na aanna i nniraangio Yetoroovavee na i nnata mmapudaa vitee ngiaunoo. ⁷ Tuduu rikioo Musiiva ari nniraangia vaini vioo innara kieeta nnusukuoo inna mmooteeravai. Iya ngiari yapara ngiari yaparaida varida ngiariita ngiariita kua kiaa taika kiada mmuakiaaya seera nnauvaki viravai. ⁸ Musiiva varioo mmuakiaa mminna mminna Aagini Anutuuqo Isarairaa gioonna kiaapuyara kiaakioo Faraunnaata ari gioonna kiaapu Iyiipaiya uu kuaiyauvaa ari nniraangiaa kiaa mmiravai. Itaama kiaa mmioo mmukiaa mmuaarannee vo mminna vooyauvai iya nnuu ivaki vauduu Aagini Anutuuqo iya vara hiridudu nnuuvaaratama kiaa mmiravai. ⁹ Itaama kiaa mmuduu Yetoroova iva rikioo pinama sirigairava, dee aataru yoketaayauvai Aagini Anutuuqo uuyauvaaratama rikioo iya varainnooduu Iyiipa pikiada nnuuvaatama rikieeravai. ¹⁰ Iyauvaa rikioo Yetoroova tunoo"Kii Aagini Anutuuqa nnutuuvo ngiau aapu vakiaivee, mo ivo Iyiipaaya yaakuuvakiri ngii varainna kioo ngii vitaivaivee. ¹¹ Aanna na tee rikiaunoo Aangini Anutuuqo inna Udaanga tuanaivommukiaa unna kua anutuuya yaatarai tuanaavai,mo suai Iyiipaaya maisama Isarairaaya varainnooduu viravai. ¹² Kiaa kioo Musiinna nniraangio Yetoroova Anutuuqaara kati puara hudoo vooyauvaatama karaasa ofaa vooyauvaatama Anutuuqa mmiravai. Aroonootama mmakiaa Isarairaaya kieetaiyaatama nnida nuunaida Musiinna nniraangiaa tasipama varida Anutuuqaa avuuvau yeenna nneeravai. ¹³ Yeennna nnaa kiada varida vo suai voovau Musiiva varioo gioonna kiaapuya tomedaiyauvaa safuuravai. Gioonna kiaapuuya heenanaanna tunaa inna ututuuma kiada varuduu vioo vioo suaivo hannairavai. ¹⁴ Suai Musiiva uu mmooriivaa inna nniraangio tooduu Musiiva gioonna kiaapuuyara pinaa mmoorivai uuduu too tunoo. E anii mminna yauvai aa gioonna kiaapu aaya tasipama iikiannannee? Aaniivaara e mmuaavoono hara kiee variannani mmuakiaa gioonna kiaapu aaya sabisaabi reeti dida reeri dida i ututu kiavoo heenana nnadiri vioo vioo anna hannainnee? ¹⁵ Tuduu Musiiva ari nniraangia tunoo. Aa gioonna kiaapu aaya niisi nnida ni kiaanoo,eenoo Anutuuqaata kua tiee inna yaata tinniivaa vara ti kiaa timmianee, kiaa kiada ngiaavaivee. ¹⁶ Mo suai iya mminna vooyauvaara ngiariita ngiariita hama mmuaa ausa vareera ivaara niisi ngiaavai. Ngiaani na iya kuaiyauvaa rikiee iya safusaafuuma kiee Anutuuqa kua mmaannai vaatama iya vitaa kiauvai. ¹⁷ Tuduu rikioo Musiinna nniraanngioo ataa kua tunoo. A dee mminna mmoori iikianna iyauvo hama yoketaiyauvai a ii kiannanoo. ¹⁸ Kua kutaavai na i kiaa i mmiaunoo,fai a ai koonnaina aataruvai itaama iikiannano. Eetama gioona kiaapu itasipama variaiyaatama ii mmuaara iyauvo hama yopeema a mmuavoono iinaravai. Inna pinaa mmoori tuanaavai. ¹⁹ Aa na kiau kua aavaa tuinnama rikiaanee. Fai na yaata tinni vooyauvai i vitaino fai Anutuuqo i tasipama vbarinaravai, mo a gioonna kiaapuuya avu avaivaa varee iya arpira buaaruuyauva tiraiyauvaa inna kiaa mmina vai. ²⁰ Inna anna na ikiaunoo, Anutuuqaa aataru kua mmaanna iyauvaa nnaasu iya vitaakianee. Mmoori aataru iya iikiateeraiyauvaa vitainai iyauvunu vida nnidaida varida iyauvaa ikiaaravai. ²¹ Mo kava na vo kuavaata kiaunoo, vaidi vooyauvai gioonna kiaapuuyakidiri mmataa kiaanee, vaidiiya Anutuuqa kuaivaa mmammmaana kuaiya nnasu mmatainna kau kutaa tida hama unnakua aataruuyauvakina mminna vareeraiya sa mmatakiane, Mmuaavai mmuavai mmua oyaiyauvakidiri tauraa vida iya haitatu kiaaraiya 1000/ 100/ 50/ 10/ oyaiyakidiri itaama mmataa kianee. ²² Iyaano fai tomedai kuaiyauvaa mmuaa suai mmuaasuai varida iikiaa ravai, Pinaa mmuaaraiyauvaa fai iya varada aisi ngiaaravai. Kisa kisa kua tomedaiyauvaa ngiriinoo safukiatee. Fai iya itama iikiai haitatuuma tee mmooriiyauvaa duuyaino vioo ngioonai fai a kisaayama kiee iinai iyaatama mmuaaraiyauvaa i tasipama varaaravai. ²³ Mo a fai itaama iinoo Aagini Anutuuqo i tinara inna itaama iikianee, tinai fai a yaagueeqama diee vainna kua radudeera mmooriivaa gioonna kiaapuuya i mmooriivaaara mmuaa ausa varada fai sirigaida kava vara ranada ngiari nnauyauu vaki ausa nufa tasipama kuaaravai. ²⁴ Itaakua tuduu Musiiva ari nniraangio tuu kua mmuakiaayauvai rikioo ivo tuneema iiravai. ²⁵ Musiiva vaidii kua radudeeraiya mmuakiaa oyaiyakidiri mmataama kiooduu kua radudeera mmooriivaa aikioma ii kiaaraiya gioonna kiaapuyakidiri mmatairavai. Vooya tauraana haitatuuraiya mmataama kiooduu iyaano kaayau (1000) gioonna kiaapuuyara diravai. Vooya (100) mmatainno, vooya (50)mmataino, vooya (10) gioonna kiaapuya mmatairavai. ²⁶ Ii vaidi iyaano akiooma kua radudera mmooriivaa iikioo fai mmuaaraiyauvo vioo tadadama taikaanaravai. Pinaama mmuararaivaa varada Musiinnasi viravai. Kiisa mmuaaraiyauvaa ngiariinoo, safuuduu vioo taikeerava. ²⁷ Itaama iima taika kiooduu Musiiva arinniraangia Yetoroonna titooduu kava va raanoo ari yoosinna viravaivee.