¹ Mmuakiaa gioonna kiaapu Isarairaya vararanada yoosinna ganga Sina,Anutuuqo iya tuuva varaada viravai. Iya vidada oro yoosinna Repietima, ivaki gioonna kiaapuuya iyoosinna ivaaki hama nnoori vaira yoosinna vai. ² Gioonna kiaapuuya kaayau Musiinna kuasusu tiravai," Kuasusu tida tuno,"Nnoorivaa ti mmianee," Musiiva iya tunoo ,"Dee oyaivara ngia niyaara kuakiaanne? ³ Itaama vauduu gioonna kiaapuuya pinaama nnoori rauduu Musiinnaata pinaama kuasusu tiravai. Kuasusu tida tunoo ,"Aniira Iyiipadi ti vitee nniravainnee? Oyai voovara tivitee nniravai,teetama tinnaakaraiyaa tama ti vasii ngiaammaiyatama fai ta putuu taikaravainnee?" ⁴ Itaama vauduu Musiiva iya kuaivaa yakuu varoo Anutuuqaa tunoo." Fai na gioonna kiaapu aya datakiaunnee? Gioonna kiaapu aya sikaunnadiri ni ruputuaara i kianoo?" ⁵ Anutuuqo Musiinna tunoo,"Gioonna kiaapuuya taura Isaraira kieeta vooyata vitee kuanee. Ai yau nnooriivaa ruputuu vaata varee kuanee. ⁶ Fai na i taura taapi Sinai iyaara fannainai i sikau nna ruanee. Ivau rino noorivo tinai gioonna kiaapuuya nnaatee. Musiiva itaama Isarairaa kieetaiya avuuvau iiravai. ⁷ Ivo iyoosinna ivaitana nnutuvaitana Masaka vuai yoosinna vaa nnutuvo Meeripa , ivo atama vainno iiyoosinna ivaitana kidiri gioonna kiapuuya Anutuuqa kuasusu tida inna iimateeda tunoo" Kua kuta tuanavai Anutuuqo Agiinivo ti tasipa varinnee hama varinnee? ⁸ Rapira vaidi Ameerekaiya numa Isarairaayata yoosinna Repidima ivaki rapiravai. ⁹ Musiiva Yosuanna,tikioo vaidi vooyata vitoo oro Ameerekai yaata rapiravai." Fai na taapiya Anutuuqo nimmuu yauva ngiiyara utukiee diee vainaravai. ¹⁰ Tuduu Yosuaava oro Ameerekaiyata Musiiva tuneema iravai. Suai rapida varuduu Aroono' Hurova Musiivainna taapii kieetai vaudiri dida vaida mmuakiaa yoosinna iya rapuu yauvaa haitaturavai. ¹¹ Suai Musiiva yakuuvaitana vararu utukioo vaikiai Isarairaiya rapiraivaa yataravai, suai ivo yakuuva vararu utikiai Amereekaiya rapiraivaa yataraavai. ¹² Musiinna yaaku vaitana nnitarooduu Aroonoya, Hurooya sikau pinaa voovai varada numa yapakioodu Musiiva ivau karoo harakioo variravai. Inna yakuu saivai Yoosuaava vararu utuduu saivai Huroova vararu utukiada vairavai. Itaama utukiada vaududuu suaivo harairavai. ¹³ Ii ataru idaadiri Yoosuaava rapiraivaa Amereekaiya rapira iva yatarakieeravai. ¹⁴ Anutuuqo Aaginiivo Musiinna tunoo , Yanavoovau fafaramakiee Yoosuaanna mmianee. fai na gioonna kiaapu Ameerekaiya rupuutu raubirima taikakiaa naravai. ¹⁵ Yapooma Musiiva yeena tapiivaa imakioo iva nnutuuva Anutuuqo Agiiniva nnutuuvaudiri innani kiau buruaavai. ¹⁶ Ivo itaakua tivai, Kuayeena raira voovai Anutuuqa mmaata yoketaivaudiiri tinoo Anutuuqo fai gioonna kiaapu Ameereka yata mmuakia suai tupatupaa rapinaravai.