¹ Kava Udaanga Anutuuqo Musiinna tunoo," fai na kava vo muaara pinaa tuyanna rira voovai kioo Faraunnasi nninaravai, Iyiipaaya kieetai voo tama mmuakiaa inna ggioonna kiaapu iyasi nninaravai. Ii mmiaara ivo vioo taikano, via nnaagiai ivo ngii pikinai kuaaravai. Suai fai ivo itaama iinno fai eeyaara Iyiipadiri ngii titanai kuaaravai. ² A taa kua gioonna kiaapuuya kiaa mmiee kiaanee, mmuakiaaya ngiingiiseena kieema ngi nnau vainima variaiya yaparaikiai mminna vooyauvai sirivuaa gooradiri iima kiaiyauvaa ngii miatee. ³ Inna aanna Udaanga Anutuuqo Iyiipaiya ausaiyauvaa hanigiaikiai mminnaiyauva ngiari seena Isarairaiya mminna mmirai vaara siriagaida kati iya mmida mmuaa karaama Musiinnaata itaama iikiavai. Farunna mmoori vareeraiyaata gioonna kiaapu Iyiipaiya vaa Misiinna rapisiima taivaara iyaama iiravai. ⁴ Musiiva tunoo, Udaanga Anutuuqonoo ataa kua tino, "Fai na tammaaki mmuakiaa Iyiipa mmataivaki nuainaravai. ⁵ Mmuaakiaa nnaakara ngiaammau ngaruuya Iyiipa ivaki variaiya putuaaravai, taura tuanaa Farauunna mmaapu ngaruuvo kieeta mmaataivau variivaudiri toosa hara kioo vuiita hatookeera goovueennaiva utuuoo hanigieera gioonnaivaautuoo hanigieera gioonna Faraunna mmoori vareeraivaa mmaapu ngaaruvaudiri vioo mmuakiaa tauraa burimakau nnaakarai yaatama putiravai. ⁶ Pinaa rateeraivo mmuakiaa Iyiipa mmataivaa rummua apinaravai. Nnaaru hama itau mmuaara voovai itaama vairavai, fai aanna vainno nnaagiai hama keena vainaravaivee. ⁷ Fai hama ii suai ivau fai voovoono Isaraira gioonna kiaapuuya too huau huau tinara , vaidi nnee fayaiya too hama akua tinaravai, hameeta tuanaavee.Iiqii aaataru na Isaraira gioonna kiaapuuyara iikiau aataru ivaudiri ngia fai na iyara arivookarama Iyiipaiya iikiauvaa taaravai. ⁸ Farau immoori vareera ngiaammau mmuakiaaya fai numa niiyara toorivu rapugiada iya kiaara yama yoketaa oo Iyiipa pikiee, eetama ai gioonna kiaapu Isaraira yaatamavee. Itaama vauduuyapooma ta Iyiipa pikiada viravai. Suai Musiiva kua kiaa taika kioo pinaa nnanna teera tasipama Faraunna pikoo viravai. ⁹ Udaanga Anutuuqo Musiinna tunoo, Fai Faruuva hama yopeema i kuaivaa rikiaanavai. fai itai aataru iyauvo vainai fai na kaayau mminna vooyauvai iinai iyiipa ivaki teeda kaayauma nnikiara kiaaravai. ¹⁰ Musiiya Aroonooya ii mmuakiaa mminnaa idaa Faraunna avuuvau iiravai, itaama uuduu Anutuuqo uuduu Faraunna ausaivo yaagueeqauduu hama Isaraira gioonna kiaapuuya pikiooduu inna mmataivaki pikiada viravai.