¹ Aagini Anutuuqo, Iyiipaiya mmataivau Musiiya Aroonayaatama kua tiravai.Ivo tino, ² "Anna makee ngii yaadiri, kuraagaivo toosa hareera kuraagaivovee,inna nuanuu oyai hareera kuraagaivovee. ³ Isaraira gioonna kiaapuuya kiaa mmiee kiane,'' I kuraaga ivo yaaku vaitana suai taikaki mmuaakiaaya mmuaavai mmuaavai mmaannaivo tuuneema ngiari sipisiipa pinaiyauvatama memeyauvaatama mmuaa oyai mmuaa oyai, mmuaa sipisiip pinaiva mmuaakia nnauuya aikioo nnaravai. ⁴ Vo oyaiya hama pinaama varuuya hama yopeema pina sipisiipaivaa nna taikatauduu rikiada ngiari seena mmata varuuyata mmuduu nna taikeeravai. Mmaannaivo tuneema mmuakiaa gioonna kiaapuuya fayaivaa nneeravai. ⁵ I ngii sipisiipa meme iya hama toomeedatai ooraiya nnasu mmuaa nuanuvai vayatee. Mmuaa sipisiipavainnee memeevai nnaasu vitatee. ⁶ Kuraaga ivo yaakuuvaitana yukukidiri tarama tarama suaivau haitatu kiaatera mmaannaivo tiravai. Yapooma Isarairaa gioonna kiaapuuya fayai iyauuva heenananna ruputuaravai. ⁷ Kiada iya kiauyauvadiri ngiari nnau tipuma saivai saivai siikaida nnau sipu kieetai yauvunuaatama siikairavai. Yapooma ikiaivau yapatee, heenaivaki fayai yauva nna taikaateera mmaannaivo tiravai. ⁸ Kapikarai mminnai yauvata ,hama yiisa tau bereetaiyauva neeravai ¹⁷ Iyiipaiya mmatai vaudiri kava ngii vita kiau suaiivau bereeta vearaigiataivaa nneeraivara rapisima teeda rikiada sirigaa kiatee. Anna makee ngia variaiyatama fai yapoo ngii sidinnaidiiyatama siraga kiaaravaivee. Ivo fai ngii mmaannavai vainavai. 18 ¹⁸ I nuanuu iva taura kuragaivo vaidiiva yaaku vaitana taika kioo yuku kidiri tarama tarama suai ivau heenanaanna tuanaa suaiivau bereeta vearaigiatama nneeraivaa nneekioo vioovioo i kuragaa ivo vaidiiva yuku yaaku vaitana taikakioo vo vaidiivaa yaaku saivaakidiri mmuaa (21) suaiivai heenananna.