¹ Udaanga Anutuuqo Musiinna tunoo,"Faraunnasi kuaanee mo needno Faraunna ausai vaatama inna mmoori vareeraiya auusai yauvaa ikiauko yagueeqama vaino. Na iva iikiauvoinna ni yaagueeqaivo iya tasipama vainoo. ² Neeno iva ngii tasipama ii kiauvofai ngii nnaakarai yaatama ngii sidinaidii yaatama kiaa mminairikiada fai na dee mminna iya tasiipma uuyau vaara rikiaravai. Fai ii ni ausa pirisa ivootama ni yaagueeqai vootama fai Iyiipaiya tasipama vainai rikiada Udaanga Anutuuqa arinaima ni taaravai. ³ Vauduu Musiiya Aroonooya Farunnasi vida inna tunoo, "Epooraiya Udaanga Anutuuqoono ataakua tino, mo dee suai ngia ni kuaivaa rikiada ngiingii vara mmataki kiaada niisi ngiaarannee? Mo pikikai ni gioonna kiaapuuya nnida niiyara sudaaqa kiatee. ⁴ Rikiaanee, e hama ni kuaiva rikiee nigioonna kiaapuuya pikinai mmammaadu mmukiara vikai fai na turau nnaasu kaisooya tinai i mmata ivau ngiaaravai. ⁵ Nnida mmuaakia mmatavai rummu apida mmuaakiaa yatari apu yauvaa nnaa taika kiada iyoosinna ivaki dii yatari yauvaa apuuyau vaatama nnaa taikada mmuakiaa mmatavai rummua apikoo fai hama vaidi voovoono yopeema mmataivaa taanaravai. ⁶ Ii mmuaakia kaisaa iya vida Iyiipa mmata ivau suvuada fai i nnau aakiaiyauvaki nnaatama vida suvuaida fai i mmooro vareera vaidiiya nnau aakiaiyauvaki nnaatama vida suvua kuaaravai. Fai ii mminna iya i kookia roosiima vayaaravai. , Ii atau ivo inna i uruunnaakaraiya tauraa kieema vaino. Hama nnaarudiri itai mminna voovai vauvo ngioongioo aanna makee variaiya tasipama karaasa atauvai vanoo. " Kiaa kioo Musiiva Faraunna pikoo viravai. ⁷ Vuduu Farunna mmoori vareera vadiiya Faraunna tunoo,"Mo naananeetu Musiiva mmoori maisaiva ti iinaravainnee?" Itaama vainai Isaraira gioonna Kiaapuuya pikinai kava vararanada vida ngiari yaagueeqa Anutuuqaara sudaaqa kiatee. Mo Iyiipa gioonna kiaapuuya pina mmuaaraiyauvaa variaiya e hama taannannee? ⁸ Tuduu ita kava vararaanada vida Musiiya Aroonooya vitada Faraunnasi nnuduu Faruva taazrama tunoo,"Vida ngiingii Anutuuqaara sudaaqa kiatee. Mo dee gioonna kiaapuuya no fai kuaarannee?" ⁹ Itaa kua tuduu rikioo, "Musiiva tunoo, "Fai ta titi ngiaammau nnaakaraiyaa tama titi kiaatanna nnaakaraiyaa tama titi yoteera ngiaabaiyaa tama titi sipisipai yauvaatama titi meme yauvaatama vo fayai vo fayai yauvaatama vitaada kuaaravai . Vida Anutuuqaaara nuunaida pinaama innaara siriiga kiaaravai. ¹⁰ Siriigauduu Farauva iya tunoo,"na kua kutaavai i kia i mmiaunoo na yaagueeqa Anutuuqo iitama i nnaakaraiyaa tama tasipma varinaravai. Taanee voyaatatinni utira koonnai yau vo i tasiipama vainoo. ¹¹ Hameetainai! mmuaakiaa Isarairaa gioonna kiaapuuya vida Yaagueeqa Anutuuqaara nnaasu sudaaqa kiatee. Inna ngia innara nnaasu yaata utuaivovee."Itaama vauduu ii suai ivaki Musiinnaa tama Aroonaa tama varainna kiooduu Farunna avuuvau nniravai ¹² Nnuduu Udaanga Anutuuqo Musiinna tumoo, "Iyiipa mmata ivau diee vainna ai yaakuuva radudaa utinoo mmuaakia mmatavai rummua apinai fai kaisooya nnida mmuakiaa garaasannai yau vaa tama mmuakiaa yatari apuyauvaatama nna taikaaravai. ¹³ Musiiva ari yau va Iyiipa mmata ivai kagaaru suaivaki Udaanga Anutuuqo yuunn a pinaivaa kiooduu suai vo nnuu pinnaidri ngioo Iyiipa yoosinna ivaa rummua apu suaivo mmuaa heenavaimmuaa ikiannavai vairavai. Ptaama kioo heenananna suaivaki yunna pinaivokaisooya varoo suaivo nnuu pinnaidiri nniravai. ¹⁴ Ii kaisa iya nnidda Iyiipa mmata mmuaakiaa vai rummua apiravai. Nnaaru suaivo vau suaivaki hama itaama kaisaiya nnida Iyiipa mmataivaa rimmua apiravai. Anna makee vaivo fai hama yapooma kava vainaravai. ¹⁵ Kaisaiya mmuaakia mmatavai rummua apuduu mmuaakia mmatavai pinaama kioo heenairavai. Heenauduu mmuaakiaa yeennaiyau vootama mmuaakiaa yannanneeri maura ngiisaiyau vunu aisa toopanu nnoori vo vau yau vootama putuu taikeeravai. Ii suai ivo Iyiipa mmata ivaa rummua apu suaivaki hama mminna voovai uriravai. ¹⁶ Itaama vauduu rikioo Farauva Musiiya Aroonooya tama aayanna rooduu innasi nnuduu iya tunoo, "na mmoorii maisaiva ngiitama ngii Yaagueeqa Anutuuqaa tama avuu vau iikiau vai. ¹⁷ Itaama vainai ni mminnamminna maisaiva pikiada yaaku varakio Yaagueeqa Anutuuqo hama ni ruputinai fai na putinaravai. " ¹⁸ Itaa kua tuduu rikoo Musiiva Faraunna pikio vioo Yaagueeqa Anutuuqara yaaku vareeravai. ¹⁹ Yaaku varooduu Udaanga Anutuuqo yunna pinaiva tuduu suaivo nnu pinnaidiri ngioo mmuaakiaa kaisaiya varoo vioo Reetirisa nnoori pinaivau yapooduu hama kaisa voovai kava Iyiipa yoosiina ivaki variravai. ²⁰ Itaama vauduu rikioo Udanga Anutuuqo Faraunna ausaivaa uuduuyaagueeama vauduu rikioo hama Isarairaa gioonna kiaapuuya pikiooduu mmaanai viravai. ²¹ Inna aanna Anutuuqo Musiinna tunoo, "Ai yaakuuva raduuda kiee ngiau vau utinoo, fai pina heenairaivo Iyiipa mmataivaa rummua apino pinaa heenairaivo Iyiipa mmata mmuaakiavai rummua apinai fai iya ii pinaa heenaira ivaa taaravai." ²² Musiiva ari yaakuuva vararu ngiau vau utuuduu rikioo taara vooma suai heenairaivo Iyiipa mmataivaa rummua apiravai. ²³ Ii heenairaivo vau suai vakidiri hama vaidi voo voo noo aikiooma mminna voovai tuqinnama too ari nnauvaa pikioo mmaanai tuu vo taazra vooma suai taika kiooduu mmaanai tiravai. Ii heenairaivo vau suaivaki pina mmeekiaivo Isarairaayasi vairavai. ²⁴ Musiiva Faraunnara aayanna roo tunoo, "Ai nnaata nnaakaraiyatama vida Udaa nga Anutuuqara sudaaqa tidangingi sipisipai yauvaatama meme yauvaatama vo fayai vo fayai yauvaataama piki variatee." ²⁵ Musiiva tunoo, " Aikioo vo fayai vooyauvai tii mminai ta ti Anutuuqaara hudakioo suuda yookeetai vo innasi kuanaravai. ²⁶ Fai ta mmuaakiaa titi burimakau yauvaatama vitada vikioo hama voovai varinaravai, vida Udaanga Anutuuqaara nnaasu sudaaqa kiaaravai. ²⁷ Itaama uuduu Udaanga Anutuuqo Faraunna yaagueeqaiva mmuduu Farauva hama iya pikiooduu viravai. ²⁸ Farauva Musiinna tunoo, "Ni pikiee kuaanee! viee sa kava vara ranee ngiee ni taanee. Ii suai ivau ee kava ni taanara ngiee fai a putinarvai. ²⁹ Tuuduu rikioo Musiiva inna sai tunoo, "Mo vaa eeno kiaa kieeravai. Fai hama kava na numa i taanaravai.