¹ Aagini Udaagaivo Musiinna tunoo, Aanna oro Faraunna ataa kua kianee, Aagini Udaangaivo Eporaiya Aagini Anutuuqo ataa kua tino." pikinai ni gioonna kiaapuuya vida niyara fai iya Sudaaqa kiaaravai. ² Mo fai hama a iya pikinai virama homo puaisa iya utinai kava varikiai ³ fai Aagini Anutuuqaa yaakuuvo i hoosa togii kameera i burimakau, sipisii paiyaya nniitarai maisa voovai fai iyayaa vainaravai. ⁴ Aagini Anutuuqo fai Iyiipaaya puara buriimakau iyauu vaa ruputu raubiriino mo fai Isarairaaya puara burimakau yau vaa hama ruputirainno iyau vaa tuqinnaanaravai. Hama fai Isarairaaya fayai voovai putinaravaivee. ⁵ Aagini Anutuuqo vaa suaiva mmataama kioo ivo tinoo, " Taura nnaasu fai na ii mminna iyau vaa ii yoosinna ivaki ii nnaaravaivee. ⁶ Aagini Udaagaivo ari iinee tuuva ari mmataama kioo suai vau Iyiipaaya buriimakau mmuaakiaayauvai putiravai. Itaama vauduu hameeta Isaarairaaya fayai voovai putiravai, hama tuana. ⁷ Itaama vauduu Farauuva buaama kioo too rikiooduu hama Isarairaaya puara fayaiya putirama kati variravai. IItaama vauduu Farauunna ausaivo yaagueeqairavai. Yaagueeqauduu ivo hama Isarairaa gioonna kiaapuuya titooduu viravai ⁸ Itaama uduudaanga Aaginivo Musiiya Aroonooya tunoo, " Ikia kusiyaanna iyauvaa vara aiyaakuu vau kieenna Musii eenonna ii ikia kusiyaanna iyau vaa Farauva duoovainno too vai nai nna kagaarino kuaivaee. ⁹ Vioo fai hatutuoonno kaupa roosiinno tuoo Iyiipa mmata mmuaakiaa vau kuanaravai. Iyauvoono tuoo gioonna kiaapuuya nnabaiyau vunu vino yootoo uuda vainno iya fayai mmuaakiaa Iyiipa mmataivau variaiya yaa vainaravai. ¹⁰ Itaa kua kiaa kiooduu Musiiya Aroonooya ikia kusiyaannai yau vaa varada oro Faraunna avuu vau diravai. Duoo vainnoo ivo ikia kusiiyaannai yau vaa ngiau vau kagaariravai. Ikia kusiyaannaivoono uuduu iya nnabai yauu voo yootooduu uudaiyauvo mmuakiaa gioonna kiaapuu yayaa vainno iya fayai yau vunuaa tama vairavai. ¹¹ Yatari nnababayaadiri mminna itai yauva iiraiya hama yopeema Musiinna yaatarada iiravai. Itaama uu vaidiiyatama nnabaiyauvo yooto uudaiyauvo iya koonnama iinno vo gioonna kiaapu Iyiipaiyayaa vairavai. ¹² Aaginiivo uuduu Faraunna ausaivo yaagueeqama vaudu, Farauva, Musiiya, Aroonaya kuaiyauva hama rikeeravai.Itaama vainarai vaara vaa nnaaru Aagini Anutuuqo Musiinna Farauva ii naraiyauvaara kiaa mmiravai. ¹³ Kava Aagini Anutuuqo Musiinna tunoo, Turau heenananna tuana diitee oro Faraunna tee ataa kua kiane. Aagini Anutuuqo Eporaiya Anutuuqo tino," Pikinai ni gioonna kiaapuuya vida fai iya niiyara Sudaaqa kiaaravaive. ¹⁴ Hama a titanai ii suai ivau fai na ni nnannateeraiva aiyaa kino nninaravai. I mmoori vareera gioonna kiaapuu yaatama mmuakiaa Iyiipa gioonna kiaapuuyatama taaravai. Fai na itaama iinai a tee rikiaane, hama vaidivoovai ni roosiivo aa mmata mmuakiaa aavau varivai. ¹⁵ Aanna fai na aikiooma ni yaakuuva Iya itaama uuvaara iya mmataharoodu kaayau gioonna kiaapuuya yaagueeqa tuanaama varida Iyiipa mmataivau vari suvairavai.aiyaa kino vainai eetama ii gioonna kiaapuu mmuaakiaaya arivookara ari vookarai nniitareerai yau vaa varakiai fai na mmuakiaaya aa mmata aavadiringii varainnanaravai. ¹⁶ Mo iiqii oyaii iivaara na itee pikiaukai a homo hara kiee variannanoo. Mo fai a ni yaagueeqa pinaa ari vookaraiva teeno ni nnutuuvo ngiau aapu tuanaa vainno mmuaakia mmata vau vainaravai. ¹⁷ E aanna ai vararu utuee a hama ni gioonna kiaapuuya pikiaannani kuaavai. ¹⁸ Rikiaanee turau mmuaa karai suaivau fai na vati pinaa yaagueeqai vaa aisaivaa tasipama kino tinaravai. Mo ii mminnaa iyauvo hama nnaaru Iyiipa vauvo ngioo ngioo aanna vainaravai. ¹⁹ Itaama vainarainai aanna vaidi vooya titaana vida burimakauyauvaavitaada mmuaakia mminnaiya garaasanna nneeda variaiya vitada sasakaiya kikai fai hama putuaaravai Vaidinnee?fayai voo voono hama nnauki varirama kioo mmaanai variivaa fai vatiivo aiisa tasiipama iyayaa tiinai mmuaakiaaya putuuaarava. ²⁰ Faraunna mmoori vareera gioono, Aagini aanutuuqaarakutaavee kiaiya akiairainai ngari mmoori vareera kuminai yataama ngiari burimakau yauvaatama vitada nnauki kuatee. ²¹ Mo deeya hama Aagini Anutuuqaa kuaivaara yaata utaiya pikii ngiari burimakau yaatama mmaanai garaasanna ivau variatee. ²² Kiaa kioo Aagini Anutuuqo Musiinna tunoo, " ai yaakuuva vararu utino ngiau aapu vino vatiivo aisaiva tasipama fai Iyipa mmata ivau tuoo vioo gioonna kiaapuuya tama tuoo faiyai mmuaakiaa pina yatari, kiisa yatari koovau Iyiipa mmatai vau diaiyayaa tinaravai. ²³ Itaa kua tuduu, Musiiva Ari yau vaa vararu rooru ngiau aapu utuuduu Aagini Anutuuqo kiooduu ngiaarunnaivo aakia tuduu, pinaa vatiivo saneetuu vootaama mmtai vau tiiravai. Ivo vatii vaata aisai vaa tama pinaa yuunnai voo tama Iyiipa tiiravai. ²⁴ Itaama vainno yuunnaivo, saneetuuvo, aisaivo, pinaavai tuanaama , hama nnaaru itau mminna voovai Iyiipa vairavai. Suai Iyiipaivo ari yukuya duu suaivaki hama itau mminna voovai vairavai. ²⁵ Iyiipa mmata ivaki pinaa vatiivootama aisaivo tuoo mmuaakia mminna mmooriki vauu yau vaa tama ruduu maisauuduu, gioonna kiaapu yaa tama iyaa vasi ngiai yaatama itaama iiravai. Ii mminnaa ivo mmuakiaa iya mminna yeenna mmooriki vau yau vaa tama yatari pinai yau vaa tama rummua ruaimaamiima kieeravai. ²⁶ Mo mmata Koosena, ivakiIsararaaya varuuvaki hama pinaa vatiivoota aisaivo tiiravai. ²⁷ Faruuva vaidiiya titooduu oro Musiiya Aroonooya viteeravai. Ivo iya ataa kua tunoo, " Na mminna mminna maisaivaa aa suai aavau kava ikiaunoo. Aagini Anutuuqo inna safu tuanaa vaidivai, neetama ni gioonna kiaapuuyaatama , hama ta yooketaayavee. ²⁸ Aagini Anutuuqaara yaaku varatee. Mo aa pinaa ngiaarunniavo akua tikioo vatiivoota aisaivootama pinaavai vainoo. Fai na ngii pikina vida hama kava fai ngia aavaki variaaravai. ²⁹ Tuduu rikioo, Musiiva Faruunna tunoo. " Suai na aa yoosinna pinaa aavaa pikiee viee fai na ni yaakuuva vararu utino fai hama kava ngiaarunnaivo akua tino, pinaa vatiivoota aisaivootama fai eeyaara taikaaravai. Mo fai ii aataru ivaudiri e arinaima tee rikiee tinaara aa mmata aavo inna Aagini Anutuuqaa nivai. ³⁰ Mo eetama immoori vareera gioonna kiaapuuyaatama na ngii tee rikiauno, hama ngia Aagini Anutuuqara kutaavaivaiee kiaavai. ³¹ Anna vaa yatari kiisa nnabai vaadiri buruqa iiraivoota raisa bari iyauvo maisaivai. Mo va raisa bariiya kuumaiyauvo urioo teeraikio tari kiisa kooroosa iiraivo uruoo buuma raivai. ³² Vuiitaiyauvo hama maisaivai. Kainaiyauvo nnagiai kieema vaivai. ³³ Suai mmusiiva Frauunnata inna yoosinna pinaa ivaata pikioo vioo ari yaakuuva vararu utuoo Aagini Anutuuaata kua tuduun giaarunnaa akuaivoota, vatiivoota, aisaivootama taikeeravai. Taika kioo hama kava riravai. ³⁴ Suai Farauva tuduu ngiaaruunnaivo pinaa yuunna yaamuruka vatiivo aisaatama tuuvo taika kiooduu too, kava mminnamminna maisaivaa iino ari mmoori vareera gioonna kiaapuu yaa tama itaama iiravai. ³⁵ Farauunna ausaivo yaagueeqau duu hama Isarairaa gioonna kiaapuuya titooduu viraavai. Ii aataru ivaa Farauva iiravai. Va nnaaru aagini Anutuuqo ivaara Musiina kiaammiravai.