¹ Ihuba ai'ina ahiro tubiro, ora bainti nahenti bira abatara. ² Aii'a, bainti lepra aiha bata bainti bano ani tori kauru arabiro tiharo," Norabaubo'o, are antu'arirera, homa are tii bara ho'a kena." ³ Ihuba nai kau'u bara burubi kero bira kau'u wata barero tiharo," Tee mintianabe, bate are ho'a buane." totara bata lepra aiha bano tai'a bibo biba ho'a bira. ⁴ Ihuba bira tiba amiharo, "Kia are bainti bora uba bantane. Are nena buro kai'a bainti pris umi'era Moseba tintekera ofa mintiane, Nora bano aii kaha ina tabate." ⁵ Ihuba Kapanemini ori etaibo,huru bata bainti raikira ba bira ani irero, ⁶ Tiharo,"Norabaubo'o, tii kai'a bainti bobano baata hini bantarai utubibo aiha barero nabu'i baitatero baibo. ⁷ Ihuba bira tiba amiharo,"Tee ani bira aiha bara ho'aba karabe." ⁸ Huru bainti raikiraba tiba amiharo, Norabaubo'o, kia tere ko'e bainti ura hauma tii nabu'i anireba tiarao, are a'ii uba aii tiro tii kai'a bainti bano ho'iare. ⁹ Bira nanarae, tee tenta autu bata baintibe, tee huru bainti bate raikurau kabe. Tee bi huru bainti rara tiha buane tiaro biba buano ma, tee birara tiha bihaikara barane tiaro, biba birama baranaro. ¹⁰ Ihuba bi ubara iriro, biba wahero eka bainti nahenti bira abataka tiba nimiharo," U'a uai ake, nii tiba nimuro, kia tere bainti bora ma minti mara'urara uti bainti Israil ira tabau nabe. ¹¹ Tee nii tiba nimuro, ora bainti nahenti ba kuari abu urinai hai bata kuari abu ruhunki bainai hai o'ubi ana barareka Abrahamira, Aisakira, Jakopura bika batake narubai. ¹² Ibo bika kindomu'i haina baainti'ti konkira timitama rai ma a'iikeba, bika bira'e baiha ma nai arai ma tentiriba." ¹³ Ihuba ami raikirara tiba amiharo, "Are buane! Nanae are bara'ura utuana, mintia kero ma obaria nobe." Bi bainti ba bi'arika ho'abira. ¹⁴ Ihuba Pitara nabu'i uri'ete haro , Ihuba tabaibo Pitara tona noma aiha bareharo, baata iha unta kaibo baitate baibo. ¹⁵ Ihuba bira kau'u wata baraibo aiha bano bi nahentira tuta kaira. Biba himpiro Ihura kara'i heno amitaira. ¹⁶ Erebai bo, ora bainti nahenti ora aiho bano bai bainti nahenti tite bare Ihubi nai ani. Biba uba notahiro eka ora aiho a'ini barakero aii'a tuakae aiha bataka bika bata ho'ekaira. ¹⁷ Bate bii ara hana a'ima, biba poropeti Aisaya ba tiba tora tiharo, "Nai aima tinabu aiha barero tinabu mara bata eka barero." ¹⁸ Ihuba tabai manta ora bainti nahenti ani bira ututa bo, biba bira'a a'erakero Galili noruba namari hini bantarai biro. ¹⁹ Bainti irirahika bata bainti bano ani tiharo, "Tisabaubo'o, tee aii abata bare are tainie binanai ma buinabe." ²⁰ Ihuba bira tiba miharo, akau bairi bika ga'a baitara baibo antau bini ata'i nuaka bika bata nabu batema, Ibo Bainti Baainti bano kia nabu baita'ina batero." ²¹ Disaipol abutana hiro boru bano himpiro tiharo, "Norabaubo'o, kai'e tee oru tenta oora untake ani aii abatare." ²² Ibo Ihuba bira tiba amiharo, "Are tii abatane kairo nai utubiraba nai utubina untaire." ²³ Ihuba botu'i bariraibo, bira disaipoli bata abata bare botu'i barire. ²⁴ Totara'e, nora a'u bano bata ubai bano bata oru'u namai mau aniara, namai bano botu bata a'uraba abukare ba. Ibo Ihuba bira'i baitatero baira. ²⁵ Disaporu ani bira baura eha tiha, "Norabaubo'o, tinabu kaha iane, tenabu ma utirema ibauro!" ²⁶ Ihuba bika tiba nimiharo, "Bira nanarae nee ete bariabo, nee bara ura utuara ina rarau'e?" bira nantiara ubai bata a'u bata iha'abi bariate tiro. Eka hika bano aii'a ho'abira. ²⁷ Bika waheha tiha, "Ma bira nanti baintira'e ubai bano bata a'u bano bata bira uba iribo?" ²⁸ Ihuba ani hini bantarai Gadari batana taunini anirero, bainti tarau ora aiho baika Ihubira ata ani. Bika hanta uti buaka unte tara ahi aitare biri hahu ariha uba baru tiha, kiama bainti bobano bana aitarano be. ²⁹ Hobe, bika hanta naberai tiha, "Tehanta aini nantie uro, Kotira Baainti be? Are ma'a aniana tihanta bara orai akare babe, tihanta kuari abu kiama anibo?" ³⁰ Bibanta rai, bira ahiro kia niarai akero, ora warau taha kara neha bai. ³¹ Ora aiho Ihura tiba miha, "Are tinabu a'ini bara kairera, tinabu bara kai'ii tenabu ma bi warau kai'ii ori etare." ³² Ihuba tiharo, "Aitare buate!" Ora aiho bika hanta ihai aitare wara ira ori ete; eka wara ai'inai hai otu raba'u oru'u namai ira a'ubi eka utubuara. ³³ Wara ra'ikia baintika etake aitare buru tauni'ira bariaka eka hika obarira tibanimi, bira nanarae tara bainti bika hanta ora aiho bano pi'a kai kahanta ira obarira. ³⁴ Bainti nahenti eka tauni a'erake Ihubira'a ani. Bira tabe, bika Ihura ire hoe are ma batukara tutera bonai binabe.