¹ Kia bora okara tuabua, Kotiba bata kia ma aii okara tuabuano. ² Bainti boka tuabiba riara, boha arakero aima, Kotiba boha ara kero aima aii bata tuabuano. ³ Bira nanarae aii atabakara abu'i ina konkomau baira tabe baira, iba nora katariha nina abu'i baira kia tabera. ⁴ Bira nanarae nena atabakara tiba miha, 'Kai'e tee aii abu'i ina konkomau baira barakare, 'Iba nora katari hanka nina abu'i baira kia bara karaira? ⁵ Are una'ara bainti bano! Nena abu'ira katari hanka noraha nane bara kera akokera, ko'e kera tabeha, bate akokera ina konkomau aii atabakara abu'i baina baraka. ⁶ Kia taku'ina hikara bairi amia aii'a kia nora monu baina orira bakera wara amuni a'uka. Bika ia'u nahai rabate kinta inara inarake orai ama keba. ⁷ Are irairo ma amiano. Are rantera ma barena. Are enta ru'utiro ma enta bano antua rano. ⁸ Bainti taukae eka iraka, bika bareba ma, bainti taukae rantaka, bika tabebaria rama, aii'a tabae enta ru'utiba, birai enta antua ranobe. ⁹ Ni'iharo tabae, aii baainti bano baretiara iraira, are ori'e amina? ¹⁰ O aii habukara iraira, are bira memarue amina? ¹¹ Mintiraba, nee ora okara minti bariara, ibo, nee tabema nenta baainti ko'e haika abi bariara, boha ariro ma bairo tabae iraina nii Oba narubai baiba ko'e haika ma amiano? ¹² Minti manta, nana hikae are iritera bainti nahenti aini mintira, boha arina okarara abuni bikai mintia, ma bira Kotira lo bata poropeti tibatara bata. ¹³ Nee ina enti baina araraba abatate. Nora enta bai araba aii bita barero buru ora'ira a'ukareba ma, imanta bainti nahenti orama ma nora ara bira abate bai. ¹⁴ Ibo aiho bare baria entara inara kabe, bi arara abate bariara mara bairabe, minti-manta ampa ranabu piri abate bariarabe. ¹⁵ Rauruane una'ara poropetiara, bika sipisipi uara kahi nanku bareha baha'ai, ibo bika matira'i akau bairi bo'akabe. ¹⁶ Nai okara ama tabenabe. Ibo hoe bainti nahenti waini taba au'u na'unta ahie o fiki katari taba au'u ahaka aha baira aii bareba? ¹⁷ Boha ari arara ima, eka ko'e katari, bika ko'e taba ima irebai, ibo ora katari bano ora taba ma irebairo. ¹⁸ Ko'e katari bano kiama ora taba irano, boha ariroma bairo, ora katari bano kiama ko'e taba irano. ¹⁹ Eka katari kia ko'e taba ire bariaka, bira bika te'ake iha ma wara keba. ²⁰ Mintibo nantiara, are bira ama tabena nana karae irano. ²¹ Kiama eka bainti nahenti taukae tiriara, Norbe, Norabe, tibaika naruba batuka ori'eteba, kiabe. Ibo taukae tii Ora antu'a abataika bika ima narubai biba. ²² Ora bainti nahenti ma bi entara tii tiba timiha, 'Nora baubo'o, Nora baubo'o, tenabu aii autu'a poropeti kai'a baraunabe, aii autu'ata tenabu ora aiho a'ini barakauna be, aii'a aii autu'a tenabu ora kai'a bare kauna be?' ²³ Bi entara tee bika o'ai'ake tiba ma nimirabe, kia tee nii tabau raukabe! Tii ahi binuate, nee ora okara minti bariaka be!' ²⁴ Mintibo eka bainti taukae tii uba iriha abataka bika baireke irira hika bataka ori'a nabu ka'aka bo'akabe. ²⁵ A'u tubiro namai aubitero, kempuka ubai bano bi nabura'a utubarero aniro, ibo nabu bano kia hi'iriro, bira nanarae nabu ori'a ka'atara ma. ²⁶ Imanta bainti uba iriha kia abataka, bika bairaka bainti bano kia irira hika bataiba nabu nu'a ata ka'ataira. ²⁷ A'u bano tubibo namai aubitero kempuka ubai bano aniro bi nabura ani rakabukero hampi akero." ²⁸ Ma bina anibo Ihuba uba bina birikero, ora bainti nahenti rabukubua ramabi irirrara nimimanta, ²⁹ Biba bainti autu bataiba tintekero tira, kekau kero kia lo irirara bataka nanarero.