¹ "Are nena ko'ekera raikiha kia ko e okara bainti abu'a mintira bika aii tabata, bira aii Oba narubai waharaika amitaina ma oru barena. ² Are nena monu bata nanahika boka kia bataka nimia, kia norai akera mintira ora tabata Juda mono nabu'i bata a'inibata. Bika bira mintiara nai nora autu bainti nahentini hai barareke. Uai'ake nii tiba nimuro bika nai waharaika baatai barabo. ³ Ira are monu batake bo onana behi bainti nahenti nimira, kia kairo nanahika katai haina kau'u bano mintina kau'u tanara bano bata tabai. ⁴ Mintibo nee bata bohika boka nimireka ebara nimiate. Nantiara nii Nora bano ebara tabebai raba nii waharaika nimiano. ⁵ Ira are nunamu tireba, kia bainti tara noo bata boaria, bika Juda mono nabu;i wahake nunamu'iha bata o'a'a bainti tabate tiha. Uai;ake, tee nii tiba nimuro, bika nai ko'a barabo. ⁶ Nee nunamu'i reka, nabu'i rumu'ira ori'etate, enta tintake nenta Ora ebara baibinai nunamu'iate. Nantiara nii Ooba ebara tabebaira ba nii ko'a nimianobe. ⁷ Are nunamu'ireba, kia ora uba haru tibaina tia, bainti kia Juda batana mintia teke, bira nanarae nunamu'i ora uba tiaro Kotiba iriaere tibake. ⁸ Mintibo kia bika bo'aria, bira nanarae aii Ooba are irareba iana baka taba matero. ⁹ Minti manta nee mantiake nunamu'iate, tii Oo'o narubai baria rababe, kairo aii autu bano ruba habiro bariare. ¹⁰ Kairo aii kindomu tumuai. Kairo aii antu'a bano narubai obarinte kero baatai bata obaria ¹¹ Tinabu batehaina kara timia. ¹² Tinabu bau haika unka timita tenabu bata boka tinbuni mintiara biunimi tauro. ¹³ Kia tinabu bita barera aba'aina'a bua, ira are tinabu aba'aina ahira a'eni baraka. ¹⁴ Nee bainti boka bau haika biunimite, bira nii Ooba nii bauhai kabata biuma nimitano. ¹⁵ Ira nee boka bauhaika kia biunimitai bera, nii Ooba bata kiama nii bauhaika biunimi tano. ¹⁶ Tee bo'abata turo, kia kara naraira nunamu tiana, kia nena biri umpo atera una'ara bainti nanara tera bariane. Bika nai biri umpo ateha boka bika tabai manta kara a'erakeha nunamu iakabe tiate tiha. Uai'ake nii tiba nimuro bika nai ko'a barabo. ¹⁷ Mintira nee, kia kara narai nunabu'iha, bahubera iata'a a'ute nenta biri hiake, ¹⁸ Mintia tairama boka kiama ho ranta keba nee kara airake nunabu'ira. Mintibo nii Oba kuke'abiro baiba, nii Oba ebara tabe bairaba nii waha raika nimiano. ¹⁹ Kia neniana ora onana baatai ruba'ua, tobe'ibano nairo hupai iro orai ama'iano. Ira muara bainti muarama bareba. ²⁰ Mintibo nenta onana narubai ruba'uate, mini kiama tobe'ibano nairo hupai iro orai iano, kiama muara bainti bano muara barano. ²¹ Tai'e ariana ko'e haika bainai,minima aii arara bano bata bariano. ²² Abu baata oba ma, mintiro aii abu ko'e irera, bira aii baata bano oba'ama bariano. ²³ Iro aii abu bano orai ira, bira aii baata bano konkirai ama biro. Mintiro aii'e baira obaba konkirai abirera, bira nora konkirai kama! ²⁴ Kiama bainti bohau bano tara bainti kai'a baranaro. Bira nanarae, bora a'irakero borara ima antu'aruano, borara ima ko'e iharo bora orai ama amitano. Kiama are Kotira kai'a bata baatai hainara kai'a bata barena. ²⁵ Minti mantama nii tiba niburo, kia nee nenta mara'urara norai ake iriate, nanahika'e narabe. Kia nenta baatara iriate tee nanae nankuai nabe. Mintibo nii aiho bano kara atara kaibo nii baata bano utaba'a atarama kero? ²⁶ Antau tonabu'a nuaka taba, kiama bika kara utie ruba uake bate nabu'e, ibo nii Oba narubai baiba ma bika kara nimibairo. Are tonabu'a nua antau ka atarama kera? ²⁷ Tabae ma baata rai baireba irera nai baata'a bohika kubai haika batero bariai? ²⁸ Bira nanarae nii boake utaba'ara iri bariabo, nee ahakaira epo'arara iriate. Kia bika kai'a bareha utaba'a minti. ²⁹ Tee nini bo'abata turo, Solomoni ba nai ekahika ko'ehaika bata kero biba kia epo'ara boara kero nankiro. ³⁰ Bira Kotiba epo'ara utaba'a nanku nimite baiba ire, bate bairo hura iha'e a'ukebariara. Are bira nanarae irira biba aii utaba'a nanku amitaina, are ina mara uraba batera? ³¹ Mintira kia iriha tiha, 'Tenabu nanae narabe? o tenabu nana namai'e narabe?, o tee nanae nankirabe? ³³ Ira Kotira kindomu nane ranta abu abu okara nohaira, bira nantiara ma nii bihaikara nimiano. ³⁴ Mintibo kia hurai haina hikara iria, hurai haina ba nai mara bata kero ma bairo. Nana enta bano nai bi entara hina mara batakero ma bairo.