¹ Bi entara Ioniba namari a'u nimite baiba Judia umina batana Nora uba tiharo, ² "Auha tu'antara, naruba kindomu ani aumai abibo." ³ Bi baintira poropeti Aisayaba tiharo,"Bo nobano umina batanahiro tiharo; Nora ara bara abu abu akera heno'iane." ⁴ Ioniba kameri paha nohai ha'iruata utaba'ara nakubarero reti bo uara paha nohai mintia tara rumpa barero. Bira kara kainta'a bata baubari bano kurutaira. ⁵ Eka Jerusalemini haina bainti nahenti, Judia bata Jodan namai ahinaka bata eka bibinai buara. ⁶ Bika nai kumiara umpobe tiabo biba bika Jodani namai ata namari a'u nimitaira. ⁷ Ibo biba tabai manta oora Farisi bata Sadiusi bata namai barareka aniabo, biba bika tiba nimiharo,"Ne bainti ari bai memarura bo'akabe, tabae ni tiba nimiro maara anina ihai ne aima tarebabe? ⁸ Ne u'a u'ai ake arara tu'antarai bo bira kara bano obariare. ⁹ Ne kia iriha tireka mintibo,"Abrahamiba tinabu na'uubabe. Te u'ai ake ni tiba nimuro, Kotiba homa ori mauka bara tu'antara kaira Abrahamira bainti bo'ari babe. ¹⁰ Rori bano baka katari tu'ana baibo. Mintiro katari bano kia kara irairo bira tu'ukema iihama wara kebabe. ¹¹ Te ni namai a'u nimitauna bira umi'areba ne bira u'aai akema arara tu'antare nenta kumi a'irakabo. Ibo bainti bobano ti nantiara aniraba biba nora kempuka bata babe, ti atara kababe kia ho te bira su barainabe. Biba ni Kia Rupintira Aiho Bainti abata iha abata ma namai a'uu nimitano. ¹² Biba foku watero witi naho ira kai'a barareba ko'ekero witi bara buru nabu'e batareba. Ibo kia iraina witira barakero kia ipebai ihara'e ma wara kano." ¹³ Ihu Karaitiba Galili batuka tutero Jodani namai'a Ioniba namai a'uu amitairera biro. ¹⁴ Ibo Ioniba bira raba'abiro, tiharo, "Arema tiri namai a'uu timitenabe, nantibae are tiunanai aniarao?" ¹⁵ Ihuba nai anirantero tiba biharo,"A'iirakairo Kotiba antu'ara hika bano obariare." Ibo Ioniba bira tira abataira. ¹⁷ Naberai bano narubai hairo tiharo,"Ma orainti baintira ti Ma'ube, te boake antu'aruro.Ti arara bano birai wahaibo."