¹ Mariaba Ihu Karaitira Betlihemini Judia batukaini Herotiba kini baibo batataira. Hiniku baintika irirahika bataka kuari abu urinaihai Jerusalemini uru ireha tiha, ² "Baainti bo obarira, bira Juda batana kini taie baibo? tenabu bira opumakau kuari abu urinai hai tabema ururo tenabu birai mono irebe ." ³ Kini Herotiba bi ubara iriro, biba eka Jerusalemi batana batakero norai'amake iriara. ⁴ Herotiba eka nai iata bainti bata irirara bataka ruba'uakero iroro," tabantarai'e Ihu Karaitiba bainti nahenti tintairaba obariano? ⁵ Bika bira tiba'ami hatiha, "biba Betlihemini Judia bataini, mintuake poropeti aratuba torabe, ⁶ Are Betlihemi bano,Juda batanai, are kia ina tauni haube, kia autu bataraba haube nora tauni abutana, kiabe, bira nanarae, ai'iba iata bainti bobano ma obariroma ra'ikira bainti banoma ti nabuna Isral batana hinta'utuano. ⁸ Biba bika Betlihemini nititakero, tibanimiro,"Ne biba oru baainti birau rantake tabate. Ne rantake, ne uba baraibo tini aniare, tebata birai ani mono iare." ⁹ Bika kinira uba iri, bika buara, bika kuari urinai taba opu bakauba bika abuni biro oru baainti bano baira nabu iata'ata iteharo baira. ¹⁰ Bika bi opu bakaura tababo bika arara bano norai akero wahaira. ¹¹ Bika nabui oriete baainti bira noba Mariaba bitataira tabe. Bika baainti bira tori kauru'are nai biri batai bamutubike birai mono'i. Bika nai uta antuake bohika nora mono baira barake, bira kori, ko'e unta biba bahaberara, hanta ko'e unta bibaira. ¹² Kotiba taira'ata bika tiba nimiro kia aii'aro arana anirante Herotiba maina buate. Mintimanta bika bo ara abatake nai ma'aini buara. ¹³ Irirahika bata baintika buabo Nora ankero bano Josepira taira'ata tiba abiro,"Hipuane, baainti bata bira nora bata bitakera Isipini buane. Are mini aa'i bai'e tentama aii tiba'abira, bira nanarae, Herotiba baainti arukareba ma rante baibo. ¹⁴ Bi entara'e ai Josepiba baainti bata bira nora bata bitakero Isipini bira. ¹⁵ Bika bini baibo kin Herotiba utubuare. Ma bihaikaba obarira bira uba bo poropeti bainti bano tibataura,"Te tenta oorainti bainti Isipini haira aniane." ¹⁶ Herotiba tabaimanta kuari abu urihaina irirahika bata bainti bira una'ara tiba amiabo, biba arara itero. Biba nai huru bainti tiba nibiro oru Betlihemini eka orainti bainti bika ihi tarau ahiro biani tubibina eka arukate. ¹⁸ "Ee'ee bata nora naberai bata Ramai hairo obaribo. Reseliba nai baintiara ma ee'ee raitaibo, kia biba bainti banoe nahenti bobano bira arara bara ko'ekanobe tiro, bira nanarae, bira baaintahika ekama utu buabo." ¹⁹ Herotiba utu bibo, Nora ankero bano Josepira tubu taira'ata tiba'amiro, ²⁰ Hipira baainti bata bira nora bata bitakera Israelini buane. Bainti arireba tiba utuma bibo. ²¹ Josepiba hipiro baainti bata bira nora bata bitakero Isailini biro. ²³ Josepika Mariaka baainti batake Nasaret tauni'e oru bariara. Bira poropeti noo aba'akero, Nasareti bainti bema tibabe.