¹ Bi entara Kotira Kia Rupintira Aiho bano Ihu Karaitira bitabarero buru umina batana kaibo Sataba bira aba'ora. ² Ihu Karaitiba kara a'irakero 40 kuari 40 entai biba karara untuarira. ³ Bainti bira aba'airaba ani obara biro tiba amiharo," Are Kotira baainti bano irera, are ma orika tira bika bareti tuanta buate." ⁴ Ibo Ihu Karaitiba bira tiba amiharo, "Kotira ara tanu bano mintia kero tibo, 'bainti bano kiama bareti a'ii bariano; kiabe, ibo nana uba nai Kotira noo'ahiro ani ubarabe." ⁵ Bira naantiara Sataba Ihura bitakero Jerusalemini oru bira, ibo bi taunira bira Kotibira, mini buru mono nabu iata ata buru kero. ⁶ Bira tiba miharo, are Kotira bainti bano bairera, are buani kopurera a'ubua, mintibo Kotira buku bano tirabe,' "Nai ankero baraira ma aii ani raikiba, bika aii raukuma bareba ori bano aruantora be tii." ⁷ Ihuba Satara tiba amiro,"Kotira ara tanu bano mintiake tibo,are kia nena Nora Kotira aba'ane." ⁸ Sataba aii'a Ihura bita barero aii'ina bo'abata uritaraira'a burukero eka kantri batai hainara umiero eka ko'e haika umiero. ⁹ Sataba Ihura tiba amiharo, "Te ma haikara ekama aii amiaina be are ti ata tori kauru arera mono ti'ebe." ¹⁰ Ibo Ihuba bira tiba amiharo,"Satao, are binuane, Kotira ara tanu bano tiharo, 'Are nena Nora Kotira bebarai baiha bira bohaha ata mono iane. ¹¹ Ibo Sataba Ihura a'irakero bira, imanta ankero ani bira kaha'iara. ¹² Ihuba iribanta Ioni watabare rumpakabo tiabo, biba Galilini bira. ¹³ Ihuba Nasareti batuka kero Kapeniamini oru baira. Kapeniam batuka Galili namai aumanto Sebulan bata Naftali bata bata'a. ¹⁴ Ma bira obarira bira poropeti Aisaiaba tiba taira ma. ¹⁵ "Sebulan baata bata Naftali bata, arabano nooruba namai hanthiro hini bantarai Jodanini. Bira Galili baata bainti boka iara. ¹⁶ Taukae konkira'i bariaka nora atahira hika tabara, bainti nahenti aiho ata utubi Kotirai hai niarai abura, bira ata ata hira bano uri hipira." ¹⁷ Bi entara hairo Ihuba Kotira uba bika tiba nibiharo,"Nenta ora okara a'irate, bira nanarae, Kotira kindomu tubu aumai ibo." ¹⁸ Bi entara Ihuba Galili namai hantara bibo, biba taraika bakaka tabaira, Saimonira bira Pita rabe, bira ata Andrura, habukara namai'i uta a'iha, bika habuka aribaria baintika. ¹⁹ Ihuba hipiro bika hanta tiba nimiharo,"Ani tii abatate, te nii bara bainti bite baria kai imakarabe. ²⁰ Totara bata, bika hanta naihanta uta a'irake Ihura abate. ²¹ Ihuba bi batukara kero butubanrai bira, biba aii'a tarau atabakauka, Jonika Jemisika Jebetira ma'u tanta. Bika botu'i baiha nai oora Jebetira batake uta rumpeha. Bi'arika Ihuba bika hanta naraira, ²² Totara bata bika hanta nai oora bata botu bata a'irake Ihura abate. ²³ Ihuba Galilini eka batanai biro bainti nahenti irirahika tiba nimiharo Juda mono nabu'i, bira'i Kotira Kindomu bainti nahenti tiba nimiro bika bobo ora aiha ho'a nimitero. ²⁴ Ihuba aiha ho'ii ubaba ekara Siriani bira. Siria batana bira irii oora bobo aiha baraka bata ora aiho bataka, bukera aiha, ai'u kau'u orai'iaka, Ihuba bika ho'a nimitaira. ²⁵ Oora bainti nahenti Ihura abate, bika Galili batana, Dekapolisi batana kabata, Jerusalemi batana, Judia batana bata hini bantarai Jodenini.