¹ To'a'ira, iatapirisi bata iata bainti bata uba rumpeha Ihura arukareka. ² Minti manta bika bira na'unta notahi rumpake bita bare Pailati bira ata buruke, biba bika gavana bainti. ³ Bira nantiara Judasiba, Ihura nabuta nimi baintiba, biba tabaubo umina bainti kiabu kumi mintura orai'a kero biba umpo iro 30-silva monu nai iataprisi bata raikira bainti bata nimiro, ⁴ aii'a biba tiharo, "Tere kumi mintua kauro, bira nanarae umina nare kia bo hika orai'ira nabuta nimuro." Ibo bika mintuake tiha, "mahikara kia tinabuna hikarau be? Bira neniana be." ⁵ "Bira nantiara Judasiba bii silva monu mono nabu'ira a'ukero, aii'a biba bii batukara kero nai buru tai'ku bura. ⁶ Iatapirisi bii siliva monu barake tiha, "Ma bira kiabu ma lo rauhaibo bii silva monu bara monnu nabu ira bataira bira nare biakarama." ⁷ Bika ruba'ua bi birara tiha, bii monu notahi batta kure mintibai baintira batta miakara autuke nato bainti Jerusalemi ira utika untatera. ⁸ Bii okararara, bii battaurura autu, "Nare batta," aniro bateta bata. ⁹ Ma bihaikaba obarira, Poropeti Jerimaiaba mintu makero tiba taura, "Bika 30-silva monu baraura bira miakara, bira nai Israeli kubaitora, ¹⁰ aii'a bika monu bira barake batta kure mintibaira amiha bira batta miakarai iabo, bira nai Nora bano tiba timiro." ¹¹ Bateta Ihuba gavanara abuni uri himpiro, aii'a gavanaba bira ira amiteharo, "Are Juda Kini banoe?" aii'a Ihuba bira tiba amiharo, "Are nenama tiba karao. ¹² Imanta iataprisi bata raikira bainti bata birara tauba'a uba tiabaro, Ihuba kiabu bo uba bata tura. ¹³ Aii'a Pailati bano bira ireharo, "Are kiabue iriarao ari orai'aka reka tiara be?" ¹⁴ Ibaro Ihuba kiabu bo uba bika tura tibaro aii'a gavanaba airu abu ato baraura. ¹⁵ Pasova anu entara piri gavanaba rumpara bainti bo bara beba kebaura, bira bainti nahenti nai kubai iaka. ¹⁶ Bii entara, bainti boru bira autu Barabasira airu ora okara minti baira. ¹⁷ Airu bainti nahenti ruba'uabi bariabo, Pailati bano bika ireharo, "Nee tarae antu aruabo a'i bara beba kairo buanaro? Barabasirae o Ihura autu tareka Karaitira be tiarae? ¹⁸ Pailatiba tabatero, bika Ihura bara kabaro bibi nai bira, bira nanarae bainti nahenti kiabu birara antu'aruaka. ¹⁹ Pailatiba ko irireba o'u tainta ata bibo. Bira nata bano uba bara kero tiharo, "Kiabu bohaika abu abu bainti ata mintuane, enta'i taira ata bira tabe nora mara barauro." ²⁰ Ibaro iataprisi bata mono raikirauka kekauke bainti nahenti tiba nimiha Barabasira bara beba kate, aii'a Ihura arukate. ²¹ Gavanaba bainti nahenti ireharo, "Bainti tarau tenabu batauna, nee tarae antu aruabo bara beba kara?" Aii'a eka no bate tiha, "Barabasira be." ²² Pailatiba aii'abata ireharo, "Aii'a tenabu nantie irabe Ihura bira Karaitira be tiara? Aii'a eka tiha, "Katari ata aru tate." ²³ Biba bika mintua kero ireharo tiharo, "Biba nana loe rauha kaibo?" Ibaro bika naberai norai ake tiha, "Katari ata arutate." ²⁴ Pailatiba mintua kero tabero, kiabu biba bohika mintua kero bainti nahenti irirahika tuantara kainara baibo, biba tabau baro i'oka banora oba riano ibo biba nai kau'u namai bara kero hi'a bika abu ata kero tiba nimiharo, "Ma baintira nare bano kiabu ma tiri ata tatau ruanaro be. Nee nenta mintuake tabate." ²⁵ Eka bainti nahenti tiha, "Kaibo bira nare bano tinabu ahiro tinabu baaintiti ata buarire." ²⁶ Mintibo biba Barabasira bara kaibaro bura, biba soldia tiba nimi manta Ihura rubu tantake iabo bika kau'u ira kero, bira buru katari ata aru tatera. ²⁷ Gavanara soldia Ihura bitabare gavanara ruba ira batuka ata buruke, eka soldia bira abu ata ani ruba uabi. ²⁸ Aii'a bika bira uta ba'a barake nare uta ba'a nanku amite. ²⁹ Bika bira au'u na'unta barake kini taba'a autuke bira iata ira bate aii'a kabu bo barake kau'u tanarai wata amite. Bira ai'u ira tori kauru are tauba'a uba tiha, "Mara Juda Kini be!" ³⁰ Bira tara bihi amite, aii'a kabu bira kau'u ihai barake bira iata oratata aruara. ³¹ Birara tauba'a uba tibariabo, bika nare utaba'a barake nai utaba'a nanku amite, bita bare buru katari ata arutareka buara. ³² Bika bebare, bika Sairini bainti rantake, bira autu Saimonira imanta bika bira kabai kabai tiabaro bika abatairera, biba Ihura katari kaho iairera. ³³ Bika bibi bo batuka Golgota be tiara ata orure, (Bii autura okara, "Iata Buhari Batuka,") ³⁴ Aii'a soldia waini tuantara hunkai ake Ihura ami bairera. Ibaro no'ata batero, kiabu na'aribo. ³⁵ Ihura maripo'a hirite, bira utaba'a hapani ina ina make kasi ruhake barareka, ³⁶ aii'a bika bira ata o'ubi bira raikiha. ³⁷ Bira iata ata bo uba bate bira ko amu ubara, "MA BIRA IHURA BE JUDA BATANA KINIRA." ³⁸ Aii'a tara muara bainti hantata bata maripo ata arute. Bora kau'u tanarai arute bora kataini arute. ³⁹ Bainti nahenti taukae arana nuaka birara tibate naraihiha iata tuantarara. ⁴⁰ aii'a bika tiha, "Are tihara mono nabu rakabuke aii'a tarau boha kuari abu irama babi arakai narabe tiara babe, bate nena kaho iane! Bira u'a are Kotira baainti bano irera, are maripo ahira babirane!" ⁴¹ Boha arake mono iatapirisi bata iata bainti bata Ihurara tauba'a uba tiha, ⁴² "Biba boka kaho ibaibabe, ibaro kiama nai ho kaho ianaro be. Biba Israeli Kini babe kaibo maripo ahiro babi rai'e tenabu bata bira ata mara ura utuare. ⁴³ Biba Kotira ata mara urai ibabe, mintira kaibo Kotiba nai bira kaho'a maripo ahiro kero nai biba bitareba irera. Bira nanarae, biba minti tiba kero tiharo, "Tere Kotira Baaintibe." ⁴⁴ Aii'a muara bainti bata hiritaba bata boha ari tauba'a uba tira. ⁴⁵ Kuari abu 12-kiloku ibo kuari ata, konkira bano ani eka batta enta tero biro 3kiloki erama kero. ⁴⁶ Eraibo 3kiloki hairo, Ihuba naberai tiba kero tiharo, "Eli, Eli, Lama Sabaktani?" uba okara, "Tiri Kotio, Tiri Kotio, bira nanarae tiri tauru karao?" ⁴⁷ Aumanto bariara ihairo hinikiaka iri, bika tiha, Eliajara ma araibo." ⁴⁸ Bika ihairo bo soldia bano kantero oru raba'era hunkabi wainira ira tuantara barero, aii'a biba kabu ata batero Ihura abiro nairera. ⁴⁹ Aii'a hiniku soldiaka tiha, "Bekai'i enabu tabare, Elaijaba ani bira kaho aee ianaro be." ⁵⁰ Bira nantiara, Ihuba norai akero naberai tiro nai aiho tutaura. ⁵¹ Aii'a totara bata'i nora rabarabera mono nabu ira rumpa taba rape tarai muntubi biro. Batura utibaro aii'a ori bano bata rakabira. ⁵² Matimati banora antuare bibaro, aii'a bainti nahenti taukae naru mara ura utuaka uri himpuabo ⁵³ aii'a bika Ihuba uri himpuna bika bata aitare rubahara tauni ira bii aii'a o'ai'a bumanta airu bika tabara. ⁵⁴ Abuhaina soldia bano bata hinikia soldia bata Ihura ata raikuka tababo nora batura utiro bii haikaba obaru manta, bo'ake eteha tiha,"Ma baintira u'ai'a kero Kotira Baaintibe." ⁵⁵ Airu nahenti Ihura abatabare Galilini nuka niarai ake himpi baiha bira tabara. ⁵⁶ Bika abutana Maria Magdalaba, Mariara bira Jemisika Josepika nora, aii'a Sebedira baaintiti bika noba. ⁵⁷ Kuari abu bano oti ete baibo, monu bainti bobano Arimatia hairo ani manta, bira autu Josepira aii'a bira bata bira Ihura bira disaiporu batama. ⁵⁸ Biba Pailati ata biro, Ihura batara iraibo. Pailatiba eo'a kero amireba. ⁵⁹ Mintibo Josepiba Ihura bata barero, aii'a taku'i ra raba'era nota hiro rumpa koe kero, ⁶⁰ aii'a Ihura bata buru nai araka ubitai matimati ira batero, nari ori ira ubitaira ira. Bira nantiara nora ori notahiro enti tinta kero bura. ⁶¹ Maria Magdalaba bata bo Mariaba bata bira ata o'ubi baiha, matimati hini bantarai. ⁶² Bo enta, bira Pasoba heno ura nantiara, iatapirisi bata Farisi bata ruba uabi Pailati nabu ira. ⁶³ Bika tiha, "Nora bainti baubo'o, tenabu iruro, una'ara bainti bano a'ii bai entara, biba tiharo, 'Tarau bohau kuari abu nantiara ma tere uri himpuai narabe.' ⁶⁴ Mintira are kekau kera tira matimati ata raiki baibo tarau bohau kuari abu aitararire. Bira disaiporu ani muara bare aii'a bainti nahenti tiba nimiha tiha, 'Biba uri himpibo,' aii'a bii una'araba abuhaina bika una'ara bata atara kero norai'a buantora be. ⁶⁵ Pailati bano bika tiba nimiharo, "Soldia raikiaka bariabo. Mintira, nee bii nenta irirahika abatake oru koeke tubikai amatate." ⁶⁶ Minti manta bika bii oru matimati enta bara tintate soldia batau manta bira ata koeke raikura.