¹ Sabati kuari abu nantiara, kuari bano uri baibo araka enta wiki ira, Maria Magdalaba bata bo Mariaba bata matimati tabareka buaka. ² Boha ari entara, nora batura utura, bira nanarae, bo ankero Nora bano ika narubai hai tubi matimati enta ori a'ini barakero, bira ata o'ubiro. ³ Bii ankerora bata ata hiro a'uakai ira, aii'a bira utaba'a bauhairo hantai ira aisi bo'ara. ⁴ Soldia matimati raikuka oraha etake hi'iribi naru utubuaka bo'arura. ⁵ Bii ankeroba nahenti haika matimati ata anuka tiba nimiharo, "Nee kiabu etate, bira nanarae, tere tabauro nee Ihura ranta bare aniabo bika bira maripo ata arutara. ⁶ Biba kiabu ma ira baibo. Biba uri himpibo nai tinte kero. Nee ani tabate Nora bata bataura ata. ⁷ Kante biha tiba nimiate bira disaiporu, 'Nora bano matimati ihairo himpibo, nii abuni Galilini bibo. Nee bira minima tabe babe. 'Iriate tere nii tiba nimunara." ⁸ Tara nahenti totara bata bii batukara etara batake aii'a nora wahara batake bura, bika Ihura disaiporu tiba nimireka. ⁹ Ihuba bikahanta arana tabero tiharo, ko'e kuari abe tarau!" Tara nahenti tori kauru are bira ai'u wata bare bira ata mono ura. ¹⁰ Nantiara, Ihuba bika hanta tiba nimiharo, "Nee kiabu etate, Tii atabakauka tiba nimi manta Galilini buate minima tiri tabe babe." ¹¹ Tara nahenti arana bibaubo, hiniku soldiaka Ihura matimati raikuka, bika buru nora tauni ira iatapirisi eka hika obarira tiba nimi. ¹² Prisi iata bainti batake ruba uabi uba rumpake, nora monu soldia nimi. ¹³ bika tiba nimiha tiha, hiniki bainti nahenti manti tibake tiba nimiate, 'Tenabu baite baura disaiporu enta ira ani Ihura bata muara bare binuabo.' ¹⁴ Gavanaba bii ubara irirera, tenabu bira batake ma uba abu abu irabe, biba kia nee ora miakara nimiaire. ¹⁵ Soldia bii monura bare nana uba pirisi bata iata bainti tura abataura. Ma bi ubaba eka Juda batana ato ira biro bateta bata a'ima ani bairo. ¹⁶ Imanta 11ninabu Ihura disaiporu Galilini Ihuba nai tiba nimi ai'inara ata buara. ¹⁷ Bika bira tabe, birai mono'i, imanta hinikuka tara arara bare kiabu mono ura. ¹⁸ Ihuba bikai biro tiharo, "Tiri Oba eka kekau tiri timiro eka hika narubai hainara bata batai hainara bata hinta utuane. ¹⁹ Mintira nee eka batana biha bara bainti nahenti tiri disaiporu iate. Bika namai a'u nimitareka Ora autu abata Baainti autu ata bata Kia Rupintira Aiho autu abata. ²⁰ Bika numi aimanta eka hika tee nii tiba nimunara mintiate. Iriate, eka entama nii hampata bairabe, biro bi entaba tai'a narobe."