¹ Ihuba mono nabu'i hairo bebarero arabau bimanta. Disaipori bira mono nabu umi eha. ² Ihuba bika uba tiba nimi haro tiharo, "Nee kiama eka ma bihaikara tababo? U'ai ake nii tiba nimuro, kiabu ma bo ori bano bo ori ata bairaba kia ho ruka biro bataini batai hi'iruano." ³ Ihuba Olivi Ai'ina ata o'ubi bai entara, nai bira disaipori kuke'abi birai ani tiha, "Tinabu tiba timiane, nana hika banoe obariano be ekara enta, aii'a nanti haikaba obarira tabe'e bira are tubina bata aii'a batta naruba bata tai'anaro be tiba?" ⁴ Ihuba bika tiba nibiharo, "Nee ko'eke rauruate, kiabu kaimanta bainti boka nii una'ara tiba nimi ora ara tintake buate. ⁵ Bira nanarae oorama tii autu ata uribabe. Bika tiha, 'Tenabu Karaitika be,' aii'a airu bainti nahenti ma kakakira ara tinte biba. ⁶ Nee i'oka ra'ira iri aii'a nora i'oka ra'ira bata ma iriba. Ira kiabu airu abu ato barate, bira nanarae bihaikaba obariano ma. Iro batta naruba tai'ara kiabe. ⁷ Bo kantari bano bo kantari batakero ma i'oka batanaro. Aii'a hinikia kindomuka ma aii'a hinikia kindomuka hampata ra'iba. Nora antu'ara hika bairo aii'a hiniki batukara batura ma utuano. ⁸ Iro eka ma bihaikara obarireba nahenti bano baainti batareba antura rira bo'arabe. ⁹ Bira nantiara ma nii bitabare nora mara ira bima aii'a nii arikeba. Oora kantri ma nii orai'a nimite bara beba keba nanarae tii auturama. ¹⁰ Aii'a bira nantiara airu bainti nahenti ma mara ura utira tuteba, aii'a nai atabakauka nabuta kau'u'i ke ha aii'a nariara nariara kiabu antu'ari ba. ¹¹ Airuma una'ara poropeti uri himpi airu bainti nahenti ma kakakira ara tinte biba. ¹² Bira nanarae ora okara bano airu akero ma anianaro, aii'a airu bainti nahenti mara ura uti bariara antamama buanaro. ¹³ Iro ta bainti ba kempu kai'a kero himpiro ekara enta bairaba, Kotiba ma bira bitanaro. ¹⁴ Ma ko'e kindomu ubara mara ura utua bainti nahentika eka batana biha tiba nimi manta iriate. Aii'a bira nantiara ma batta naruba tai'a naro. ¹⁵ Mintira aii'a tabairo ba'u okara bano bata ora hika bano bira mara mare anibaira, tota Poropeti Danieliba tiba taura, biba Ruba hara batukana himpi baiharo" ( Kaibo tabae karantira ba ko'e makero tabaire), ¹⁶ " Kaira taukae Judiai bariaka kante ai'inai barirate, ¹⁷ kaira taukae nabu iata ata bariaka kia anirante otu nai nabu ihai hiniki haikara bara beba iate, ¹⁸ aii'a kaibo tabae naho'ira bairaba kiabu anirantero nai saketi barareba buaire. ¹⁹ Ibo umpo a nimi tate taukae baainti tai'a buaka bata aii'a taukae baainti tapa nama nimi bariaka bii kuari abura ata! ²⁰ Mintia kera nunamu tiha nena bina entara kiabu batuka bano antai ra'atae o Sabati kuari abu ata. ²¹ Bira nanarae nora mara bata aiha bira enta bata ma, mara bira beta batta naruba obarira ata hiro bate kiabu bare bariara ma bareba, kiabu be, aii'abata aii'a kiabu obariaena. ²² Bira Kotiba bii entara kiabu abo akairera, kiabu ma bainti bobano aiho barianaro. Ibaro taukae Kotiba kubai taika, Kotiba bika kaho ireba iharo ma bii entara abo akanaro. ²³ Bira nantiara, hinikiaka ari tiba amibera, 'Tabane, Karaitiba ma atama baibo! o Karaitiba butura ata baibo! Kiabu bikai mara'ura utuane. ²⁴ Bira nanarae bika una'ara Karaitika be aii'a una'ara poropetibe bika aniha oora hika mintiha aii'a hiniki mirakolira bata, bira bainti nahenti ora ara tinte biha, aii'a taukae Kotiba kubai taika bata. ²⁵ Taba, tee nii ma entarara tiba nimunabe. ²⁶ Mintie aii'a, bika aii tiba ami, 'Tabane, Karaitiba umina batukana baibo, nee kia umina batukana buate. O, Tabate, nabu rumu ima baibo, 'nee kiabu mara urai iate bii ubara. ²⁷ Boha ara kero ma awaka utiro kuari abu urinai hairo kuari abu ruhunki nai ata'ira, boha ara kero ma Bainti Baainti bano tubireba iro. ²⁸ Bira tainie bona wara bairi utu binana, bina nora memora ma ani ruba iba. ²⁹ Totara ima mara bata aiha bata nantiara, kuari bano konkirai'a biro, tora bano kiabu itairo, opumakau bano tonabu tutero hi'iriro, aii'a narubai haina kindomu akabuano. ³⁰ Aii'a bira nantiara ma Baainti Bainti maki tonabu ata obariano, aii'a eka batai hainaka i'irateba. Bika burubi tonabu ata Baainti Bainti tabaibo nai nora atahira ira ma tubuano. ³¹ Biba nai ankero barakaira noma nora uba tira bare, bika untu ruba'ua bainti nahenti 4para konai hai taukae Kotiba nai kubai taika eka batanahi hini hai buru hini bantarai tonabu ata keba. ³² Nee tiki katari ahi irirahika barate. Fiki katari kara bano araka ankuri arakero ampi taira, bira ma tabate bira kuari itareba be. ³³ Mintira nee ma bihaikara eka tabe, nee bira tabate bira Bainti Baainti bano tubuina aumai abibo, tubika enta'abe. ³⁴ U'ai'ake nii tiba nimuro, bate baria bainti nahentika kiabu utiraima ma bihaikara eka obarinara tabeba. ³⁵ Batta bano bata naruba bano bata tai'a ma buano, ibaro tii uba bano kiabu ma tai'a naro. ³⁶ Ibaro bi'entara bata bi kuari abu rabata kiabu bainti bobano tabero, narubai haina ankero bata kiabu tabe, aii'a Bainti Baainti bano bata kiabu tabero, Oba Kotiba aima taba tero. ³⁷ Boha ara kero Noara enta, boha ara ima iano Bainti Baainti bano tubu nari bainti nahenti tintareba. ³⁸ Boha ara kero ma namai bano kiabu aubiro batta a'uraba abu'iro ani manta, bainti nahenti namai neha werai iha, nata bati a buruke birike iha iara'i Noaba sipi ira ori etora, ³⁹ Aii'a kiabu taba kabaro nora namai bano aubiro bainti nahenti eka bare bura. Boha ara ima ianaro Bainti Baainti bano tubuaina entara bata. ⁴⁰ Aii'a bainti tarau naho'ira baibo, aii'a boru bano biro aii'a bobano ma barianaro. ⁴¹ Tara nahenti witi tuantare baibo, aii'a bobano biro aii'a boru bano ma barianaro. ⁴² Mintira nee bata hino amate bariate, bira nanarae nee kiabu tababo ta entarae nii Nora bano tubua naro. ⁴³ Ira bira taba, nabu oba taba tero ta entarae muara bainti bano aniaina,biba ra'ikitero baira kiabu ma muara bainti bira nabu rakabuke ori'eteba. ⁴⁴ Mintira are bata heno iane, bira nanarae Bainti Baainti bano bata kiabu tubuano betina entara ma tubuano. ⁴⁵ Mintiro ta kai'a bainti bae irirahika batero aii'a uba iriro abatairaba, bira e'ara bano bira tiroma nabu ra'i kianaro, bira nanarae bi kai'a bainti ba kuari abu ata abu abu akero ma kara nai e'ara amiano? ⁴⁶ Ko'e arara ma amiano bii kai'a baintira bira e'ara bano aniro, aii'a ani tabairo biba bihaikara mintiraro. ⁴⁷ U'ai'ake nii tiba nimuro, mintiro bira e'ara bano bira kubai ibo biba eka hika ira ra'i kira. ⁴⁸ Iro ora kai'a bainti bano nai arara ihairo tiharo, 'Tiri e'ara bano kiabu ma totara anianaro,' ⁴⁹ aii'a kai'a bainti bano kana kai'a bainti kabu taihero, aii'a kara nero namai nero bira naka hampata, ⁵⁰ aii'a bira nantiara bira e'ara bano biba kiabu ma anianaro be tii entara anibo, aii'a bo kuari abu biba kiabu tabaina. ⁵¹ Bira e'ara bano bira bata ani te'a ina ina makano aii'a boha ari okarara ima tara no bata bainti kaini mintuara, aii'a bii batukara nai arai tentiriha ora i'ima rateba.