¹ Hobe, Ihuba airu bainti nahentiara bata aii'a nai disaiporiara bata uba tiharo. ² Biba tiharo, "Lo abu ato bainti bata aii'a Farisi bata bika Mosesira tainta ata ma o'ubi bariabo. ³ Mintira, Nana hika niara mintuate tira, nee bira abatake mintiate. Ira kiabu bika kai'a abatate, bira nanarae, bika uba'i tiha kiabu abate bariaka be. ⁴ U'ave, bika airu onana rumpake ha kia ho bara arira, aii'a bika bainti nahentiara bara kururua bara a'ubarate. Imanta bika nai kia ho bika kakahi bu'a enaranta bano bata ho kaha iano bii onanara. ⁵ Bika eka kai'a nai iara barareka bainti nahenti abu'ata tabatera. Bika nai utaba'a biti bara bukai ate aii'a bo'ahi to'ake parawa ha'ira bira ata bate. ⁶ Bika boake iata bainti ruba ua batukara ata baiha nora kara autua ra'ata, aii'a Juda mono nabu'i abuhaina tainta ata ira o'ubireka, ⁷ aii'a bika boake antu ari bainti nahenti maketi batuka atapiri bikai ko'e uba tiha, aii'a bika autu reha 'Rabai' tiatera. ⁸ Ira bika kia niara 'Rabai' tiate, bira nanarae, nee boha tisa aima batabo, aii'a nee bira atabakauka ima bariabo. ⁹ Aii'a kiabu batai haina bainti bora autu ti'o oo tiate, bira nanarae, nee boha Oora ima batabo narubai baira. ¹⁰ Aii'a kiabu niara 'tisa baubo'o tiate, bira nanarae, nee boha tisa aima batabo Karaitira. ¹¹ Ibaro tabae nii abutana norai abibo, biba nii kai'a bainti ma barianaro. ¹² Bainti tabae nai autu bini'iba, Kotiba bira bara muntu bima kanaro aii'a tabae nai bara muntu bikaira, Kotiba bira ma tuahe rakanaro. ¹³ Rauruate, nee lo irirahika bainti bata Farisi, nee tara no batakabe! Nee Narubai haina Kindomu ma bainti nahentini tinte bariabo, ira nee nenta kiabu ma ori etebabe. Aii'a nee kiabu bainti boka bata kamanta ori etabo. ¹⁴ undefined ¹⁵ Rauruate, irirahika bainti bata Farisi, nee tara no batakabe! Nee solwara te'akeha aii'a oora batana biha bainti bohau arara tu'antara kareka, aii'a bohau bano arara tu'antarai manta, nee bira bara iha ira bainti amake bariabo nenta boara. ¹⁶ Rauruate, nee abu impa buaka bo'aka boka ara umi'eha nee tiha, 'Ta bainti bae Kotira nabu'i kau'u ai'i'ata bate tiharo, kia bira bohikaube. Iro bainti bano kau'u ai'i'ata batero koriara Kotira nabu'i hainarara tiraba bii ubara nai kekau keroma wataire.' ¹⁷ Nee abu impa buaka kia ko'e irirara bataka! Nana haikae bira nora hika? Korie nora hika o mono nabu banoe bira bara kia rumpintirai akero? ¹⁸ Aii'a, 'Tau bainti bae kempuka uba alta ata tiharo, kia bira bohikau be. Bii ubara tiba taiba bira batakero ma barianaro, bii bainti ba nai uba kekau kero ma wataire. ¹⁹ Nee abu impara bainti! Bii presenti rae nora hika o alta banoe bii presentira bata bara kia rumpintirai ake bairo? ²⁰ Mintiro tau bainti bae kempuka uba alta ata tiba tairaba bira ata bairoma aii'a eka hika bira ata ima bariano. ²¹ Aii'a tau bainti bae Kotira nabu'i kempuka uba tiba tairaba, bira ata tiba tero aii'a Kotira nabu'i bariaka abata ma. ²² Aii'a tau bainti bae kempuka uba naruba ata batero tiraba, biba Kotira sia kini ata batero tiharo aii'a bainti tabae bira ata o'ubi baira rabata ma tiano. ²³ Rauruate, nee irirahika bainti bata Farisi bata, nee tara no batakabe! Nee nenta 10hap inanabu piri minti kubu, dili kubu, kumin kubu bate imanta nee kia nora lo abatake bira abu abu okara, aii'a ha'uru ita okara bata aii'a mara ura utuara. Nee bira mintia taka imanta boha a'irake bo mintiara. ²⁴ Nee abu impara bainti boka ara numiareka, nee inara baubari rauntiha aii'a kameli ma nampi ebariabo! ²⁵ Rauruate, nee irirahika bainti bata Farisi bata, nee tara no batakabe! Nee kapu bata perasi bata baha ai'ai hi'e bariakabe, ibo nii abuta'i nentara'i iriteha nenta wahe rara'i iritaka. ²⁶ Nee abu impara Farisi be, nee nenta nane nenta kapu perasi abuta'i hi'akaibo, aii'a baha aii bata taku ianobe. ²⁷ Rauruate, nee irirahika bainti bata Farisi bata, nee tara no batakabe! Nee matimati ahina hanta penti bo'akabe, abibina kero baha'ai ibaro aii'a abuta'ira utu buaka buhari bano bata airu oora hika bano pi'a bika be. ²⁸ Boha ara ima ibo, nee bainti nahenti abuni ko'e bainti bo'arama iabo, ibaro nii abuta'ira una'ara bano pi'a kaimanta aii'a kiabu lo abate bariaka be. ²⁹ Rauruate, nee irirahika bainti bata Farisi bata, nee tara no batakabe! Nee poropeti matimati mintuate aii'a ko'e okara bata bainti matimati bahehe te. ³⁰ Nee tiha, 'Tenabu naru tenta nabu okabara kuari abuana bariare tii, kiama tenabu kau'u batau raitiri poropeti arire kiamanta. ³¹ Minti manta nee nentara tiha, nee naru taukae poropeti aruaka bainti tibe. ³² Nee bata nenta oka bara mintuara boha bira ima mintua bo. ³³ Nee memaru baiha aii'a huhi memaru baainti tibe, bira nana ara hie heli ko atara keba? ³⁴ Mintira nee tabate, tee poropeti nititauro, aii'a bainti ko'e irirahika bataka, aii'a lo irirahika bainti. Bika ihairo hinikiaka, nee bika aruke hirima tebabe, aii'a hinikiaka nee Juda mono nabu'i kabu taihe bara bebake nitita kaimanta nora tauni ihai bo nora tauni ima biba. ³⁵ Bii okarara, eka abu abu bainti nare bano ma batara ata raurira, Eborira nare ahiro ho'ara kero buru Sekeraiara bira Barakaiara baainti ata tai'aira, tarae bira Kotira nabu bata alta abutana bata arukaira bira nii tauba'a na ma bariano. ³⁶ U'ai'ake nii tiba nimuro, eka ma bihaikaba manahina bainti nahenti atama obariano be. ³⁷ Jerusalemi be,Jerusalemi be, nee poropeti taiheha aii'a taukae tee niara nitita kaurauka bata ori notahi taihe bariaka be! Airu enta tee nii baaintiti ruba irare tii kokorara bano nai nati aroka'i batainteke, imanta nee kia antu aruabo! ³⁸ Tabate, nii nabu bano uminama baibo. ³⁹ Minti manta ma nii tiba nimuro, nee kiama tii tabeba be bate hairo biro beta ta entara nee ma ubara tiha, 'Wahara bano birai buanobe bainti tabae Nora autu ata anira."