¹ Ihuba aii'a tu'antara uba tiharo, aii'a tiharo, ² Narubai haina Kindomu baireba bo kini bano nora kara heno atero bira ma'u bano nahenti barareba ibo." ³ Aii'a biba nai kai'a bainti nitita kaimanta naratai bainti nahentika bitakaira maret kara ata aniatera, imanta kiabu bika anura. ⁴ Kiniba aii'a hiniku kai'a baintika barakero, oru irai manta bika ma ubara batake aniate, "Tabate, Tee mareti kara heno atauro. Tere tobana oora kau uminahika aruke heno'a ekahika bate nee mareti kara ata aniatera." ⁵ Imanta bika kiabu uba iri nai iritana buabo, hinikiaka noho'ira bua manta hinikiaka monu kai'ara bini. ⁶ Bokiaka kinira kai'a bainti raba'abuke orai ama nimite kaurira hika nimi bika aru utuke. ⁷ Kiniba arara itau baro aii'a biba nai ami barau manta bika bii bainti nahentika taukae bira kai'a bainti aruaka aruke bika nabu warake nora tauni orai amake. ⁸ Bira nantiara nai kai'a bainti tiba nimiharo, 'Mareti kara heno abibo, ibaro, bii bainti nahentika tee nare aniate turauka, bika kiabu aniabo, bira nanarae bika kia ko'e baintibe. ⁹ Mintira nee nora ara ata biha aii'a oora bainti nahenti narate taukae ho'ake nee rantaika, bika bitabare mareti kara ata aniate. ¹⁰ Kai'a bainti nora ara baura biha ko'e bainti nahenti ora bainti nahenti bitake mareti kara ata aniate. ¹¹ Ibaro kiniba bainti nahenti kara ata anuka ani tabareba, bo bainti tabaubo biba kiabu mareti utaba'a nakubo. ¹² Aii'a Kiniba bii bainti tiba amiharo, "Ara'obau bo'o, are mareti utaba'a kia nankiraira nantia kerae uri'etarao?" Ibo bii bainti ba kiabu bo uba tibo. ¹³ Mintibo kiniba nai kai'a bainti tiba nimiro bii baintira ai'u kau'u rumpake batuka konkira timitama ra'i a'ukate, bii batukara ira nora aiha bira bareha nai arai tentiriate. ¹⁴ Bira nanarae, naberai bano oora bainti nahentini anumanta, ibo Kotiba bohau bohau kubai manta bira antu'a abatara. ¹⁵ Bira nantiara, Farisi uba buru rumpake Ihuba uba tira ata rantake bira rumpa kareka. ¹⁶ Minti manta bika nai hinikia disaipori bata Herotira bainti bibira'a bii. Bii baintika Ihurara tiha, "Tisa baubo'o, tenabu tabauro are u'ai'akera tiba riara babe, aii'a are u'a ara ata Kotira uba tiba nimi bariara babe. Are kiabu bainti boka irirahika abate bariara babe, aii'a are kiabu bainti raire bariara babe, are boha ari okarara'i eka baintini minti bariara babe. ¹⁷ Hoe are nena irirahika tinabu tiba timinabe, tinabu irarahika ata? Bira hoe bariano tenabu lo abatake Sisara takisi amira'e o kiae? ¹⁸ Ibaro Ihuba bika ora irirahika tabero tiharo, "Nee una'ara baintibe, bira nanara tii aba'are kabe? ¹⁹ Takisi ko'ai'e monura bo umi'ai'e tabare, "Aii'a bika bo denariusi monu 20t pororini bo'ara bare bibinai ani. ²⁰ Aii'a Ihuba bika ireharo, "Tara autu bata tara birie bii monura ata baibo?" ²¹ Bika bira tiba amiha, "Sisara autu bata biri barabe." Aii'a Ihuba bika tiba nimiharo, "Hobe, Sisabi haikara nai Sisara amiate, aii'a Kotibi haikara, nai Kotira amiate." ²² Bii ubara iri, bika rabukubi aii'a bika bira tute buara. ²³ Bii entara'i, hinikia Sadiusi, taukae tiha kia uri himpua nobe tiha aii'a bira ireha, ²⁴ Tisa baubo'o, Mosesira lo bano mintu makero tirabe, 'Bo nahenti bati bano kiabu baainti batarairo aii'a utubira, aii'a bira atabano ma utubira nata barero aii'a nai bakara baainti obariano.' ²⁵ Hobe, 7ninabu atabakauka baurabe. Abuhaina baainti bano nahenti baratero kiabu baainti obarirairo utu biro. Biba nai nata tuta nai atabakarai kero. ²⁶ Aii'a nantiara atabano bii nahentira barero aii'a biba bata kia baainti obarirairo utu biro. Boha ari okaraba'i bikahanta atta atabaka, biro eka 7ninabu atabakauka. Eka bika kiabu baainti obarirai utu buara. ²⁷ Eka atabakauka utu buabo, bii nahenti ba bata bika nantiara utu bira. ²⁸ Uri himpina entara, biba 7ninabu atabakauka abutana bira tara natae bariano? Bira nanarae, eka atabakauka bira baratara ma." ²⁹ Ibaro Ihuba bika tiba nimiharo, "Nee nenta uba tiara'i hampi ama kabo, bira nanarae nee Kotira uba kiama tababo, aii'a bira aikaro bata. ³⁰ Uri himpina entara, bika kiabu ma nahenti bareba, o kia ma nahenti orainti nai bare nai bare iba, bira nanarae bika baireka narubai haina ankero bo'ara ma baiba. ³¹ Ibaro utu buaka uri himpi baria okarara, aira nee kia ma karantua nana uba Kotiba tiba taura ke. Biba tiharo, ³² Tee Abarahamira Kotikabe, aii'a Aisakira Kotikabe, aii'a Jekopura Kotikabe? 'Kotiba kia utubuaka Kotibaube, kiabube, biba aiho bariaka Kotiba be. ³³ Bainti nahenti bira tiba nimura iri, bika rabukubi airu abu ato barara. ³⁴ Ibaro, Farisi irumanta Ihuba Sadiusi noo tinta kaumanta, bona ruba uwabi hiniki ubara rumparara. ³⁵ Irirahika bata bainti bobano bika abutana Farisi bantarai hairo Ihura aba'eharo tiharo, ³⁶ Tisa baubo'o, teni-nabu lo ihairo, nana lo banoe hini lo bata ata rakaibo?" ³⁷ Aii'a Ihuba bika tiba nibiharo, "Are nena Nora Kotira nena arara ihaira eka antu'arua, aii'a eka nena aikaro, aii'a eka nena irirahika nohai ra bata." ³⁸ Ma bi lora ma abuni bairabe, aii'a hiniki lora bata eka natara kaira. ³⁹ Aii'a bira nantiarai haina lo baireba, ' Boka bo'akera nena antu aruana bo'ara kera bika bata antu'arua.' ⁴⁰ Eka poropeti uba bano bata lo bano bata ma bihantata ata ma buntiro. ⁴¹ Farisi a'i ruba'ua bi baria manta, Ihuba bika bo uba ira nimi tero. ⁴² Biba tiharo, "Nee nantiake'e Karaitira ra iriabo? Biba tara Baainti banoe?" Aii'a bika tiha, "Bika tiha biba Devitira Baainti bano be." ⁴³ Ihuba bika ireharo, "Kotira Aiho bano Devitira ata bairera, aii'a bira nanarae tiharo. 'Nora baubo'o 'birara tiro, ⁴⁴ Nora bano tii Nora ra tiharo, "Tee kau'u tanarai o'ubuane, bai'e aii nabuta bara aii ai'u ataini batare. ⁴⁵ Aii'a Devitiba birara tiharo 'Nora baubo'o,' hobe, bira nanti boe aii'a biba Devitira baainti baibo?" Biba bii ubara iraimanta, kiabu boru bano bata bika ihairo bo uba bata nai tiba amiara, aii'a kia boru bano bii entara hiro bata aii'a bo entara bata Ihura ira amitaura.