¹ Ihuba nai disaipori hampata Jerusalemi biri aumai ubaro, bika Betpas batuka Olive ai'ina anire, aii'a Ihuba tara disaipori nitita kero, ² tiba nimiro, "Nee bo batuka buate, aii'a bii tabaibo donki na'unta ata rumpa taibo nati bata kero baina. Bika hanta na'unta bantuke bare aniate. ³ Bainti birara irai manta, nee tiha, 'Nora bano ma donkika ata kai'a bai manta be,' bii bainti ba totara kaira ma bikahanta bare ani barabe. ⁴ Bate bii haika ba obarira poropeti bano tiba taura. Aii'a Ihuba bika tiba nibiharo, ⁵ "Saionini haina nahenti baainti tiba amiate, 'Nenta Kini ani baina tabate, aii'a nai bara muntu bikero tobana donki o'ubiro. ⁶ Nantiara disaipori bumanta Ihuba tinteke mintura. ⁷ Aii'a bika bii donkira bata tobana bata bare buru nai raba'era bika hanta ata bari batau baro, aii'a Ihuba bira ata barirero, ⁸ Ora bainti nahenti nai utaba'a ara tuna bu'itara, aii'a hinikiaka katari mare te'ake ara tuna bataura. ⁹ Nantiara oora bainti nahenti Ihura abata bare abuni buaka bata aii'a nantiara aniaka, naberai tiha, "Nora autu bara bini iate bira Devitira Ma'ube! Birara wahate bira nanarae Nora autu atama anibo! Nora binto'a baira autu tuahe rate!" ¹⁰ Ihuba Jerusalemini uri etau baro, eka bainti nahenti nora tauni ihainaka airu uba tiha nai ire nai ireha,"Ma ta bainti rabe?" ¹¹ Airu bainti nahenti Ihura abatauka tiha, "Ma bira Ihura be, bo poropeti Nasareti batuka ihainara Galili distriki. ¹² Ihuba tempori ira ori etero bainti nahenti taukae maketi auti bauka eka bara beba a'ukero. Biba antau dov nimiha monu bareha. ¹³ Mintibo biba bika tiba nimiharo tiharo, "Kotira uba bano tiharo, tii nabu bano baire ba nunabu nabu ma baria naro be, imanta nee bii nabura barake muara bainti nabu bo'ara kabo. ¹⁴ Bira nantiara abu impa buaka bata ai'uara buaka bata Ihubi naini mono nabu ira anu baro bika aiha bira hika ho;a nimi taira. ¹⁵ Ibaro Haipirisi bata irirahika lo bantarai bata baintika bika tabau baro biba ko'e haika mintu manta, bika iru manta baainta hika mono nabu ihai naberai tiha, Debitira Ma'u autu bara bini iate,bika bo'ake arara itorabe. ¹⁶ Aii'a Ihuba tiba nimiharo tiharo,"Are iria raro tau baintikae uba tiba riabo? Mintubo Ihuba bika tiba nimiharo, tiharo, "Eyo, ibaro, nee uba baira kiama kara ruabo, 'Ampara baainti bata nama naika bata ma Nora autu tuahe reba? ¹⁷ Bira nantiara Ihuba bika kero nora tauni tutero bura. Biba Betanini oru boha enta ira mini baura. ¹⁸ Bate to'a'ira, Nora tauni ihairo anihoro, biba antuaribo. ¹⁹ Biba fik katari ara aubahini tabero oru aumai abiro tabaubo kiabu kara iraibo mare ruha bano aii. Aii'a Ihuba katari bira tiba amiharo, "Kiabuma are aii'a fiki taba irenabe." Totara bata fiki katari biba aharuku bira. ²⁰ Disaipolu bira tabe, bika rabukubi tiha, "Nanahika bano mintia kaiboe fiki katari bano totara bata aharuka bibo?" ²¹ Ihuba bika tiba nimiharo, "Uai ake nii tiba nimuro, nee mara ura uti kiabu tara arara bate, nee kiabuma tee nanahika fiki katari ata mintu nante ibabe, ira nee anirante nora hika mintiha, ma ai'inara tiba amiha, 'Ma'atahira himpira solwara ira otu buane, "aii'a bira obara ma buano. ²² Nanahika nee nunamu tiha ire bararebe tira, nee mara ura utuate, aii'a nee bira barebabe." ²³ Ihuba mono nabu ira ori etero bainti nahenti tiba nimu baimanta, hetpirisi bata iata bainti bata birai ani, aii'a bira ireha, "Are nanti autu batera ma haikara mintihara aii'a taba ariara barane tibae?" ²⁴ Aii'a Ihuba bika tiba nimiharo, "Tee nii bohika bata irarebe. Nee tii bira tibatimi'e, tee nii tiba nimirabe tee nana aikaro bate mahikara mintunara. ²⁵ Ioniba bainti nahenti namai a'uu nimite baira, biba taihairo aikaro barero? Narubai hairoe o batai haina bainti ihairoe?" Bika nai abutana tiha aii'a tiha, "Tenabu tiha, 'Narubai haibe, 'biba tinabu tibama timianobe, 'Bira nanara nee kia Ionira uba mara ura utuarabe?' ²⁶ Mintie tenabu tiha, 'Bira batai hairo anibo, 'Tenabu nora bainti nahentiara etauro bira nanarae bika bira tabareka poropeti bainti boarake tababo." ²⁷ Bira nantiara bika Ihura tiba amiha, "Tenabu kiabu tabauro." Aii'a Ihuba bika tiba nimiharo, "Tebata kiama nii tiba nimiaina be nana aikaro bate ma kai'ara barauna. ²⁸ Imanta nee nantiake'e iriabo? Bainti bobano baainti tarau batero. Biba abuhaina baainti ata biro tibamiro, 'Baainti baubo'o, are bate bira waini naho'ira kai'a barane.' ²⁹ Abuhaina baainti bano tiba amiharo. 'Tii popohaibo kai'a barare uro, 'Ibaro bira nantiara irirahika barero aii'a waini naho ira kai'a barareba bura. ³⁰ Bira nantiara bii baintiba nantiara baainti bata buru boha ari ubara tibamiro. Nantiara baainti bano tibamiharo, 'Tee oru bararabe nora bainti baubo'o, 'ibo biba kiabu kai'a oru waini naho ira barero. ³¹ "Tara orainti baainti bika hanta abutana, tabae bikahanta ihairo nai ora uba abatero?" Bika bira tiba amiha, "Abuhaina baainti bano be." Ihuba bika tiba nimiharo, "U'ai'ake nii tiba nimuro, bainti taukae takisi baraika bata pamuku nahenti bata ma Kotira Kindomu ira nii abuni ori'ete babe." ³² Bira nanarae Ioniba nini abuabu okara ata ani manta nee kiabu mara ura utuara. Imanta takisi baraka bata pamuku nahenti bata'i mara ura utuara. Imanta nii ma bira tabara, nee kia arara tu'antara mara ura utuara. ³³ Bo tuantara uba iriate. Baata oba nai naho ira waini ututero. Biba tubika aratero, aii'a batuka waini tuantarainara mintuatero aii'a ra'ikiana bukai nabu ka'atero. Aii'a biba waini naho bainti taukae bira raikiaka nimiro bo batukai bura. ³⁴ Kara heno i entara, hinikia kai'a bainti nitita kero bimanta raikira bainti tiunara nimi manta bare aniate. ³⁵ Imanta raikia kai'a baintika bira kai'a bainti raba'abu wate, bora kabu aruke, aii'a bora aru utuke, aii'a bora ata ori a'uke. ³⁶ Bira nantiara, baata oba hinikiaka nitita kaimanta bura, orautaha barakai manta otubuara. Imanta boha'ari okarara'i bikai bata mintuara naho raikiaka. ³⁷ Bira nantiara, baata oba nai ma'u tanara atitakai bo bikai bira, aii'a biba tiharo, 'Bika tii ma'u bira uba ma iribabe.' ³⁸ Imanta naho raikiaka bira ma'u tababo tubimanta, nai abutana tiha, 'Ma baintira nai ora onana raiki bairabe. Kiabe, tenabu bira aru utuke bira ora onana barare.' ³⁹ Mintimanta bika bira bita waini naho ihai bebake bira arukara. ⁴⁰ Bate waini naho oba aniro, biba nantie ianaro waini naho raikia baintika?" ⁴¹ Bika bira tiba amiha, "Biba bika orai'a nimitero ma aii'a waini naho boka irama miakara ata kairama raiki babe, bikama hinikina karara baraibo naho oraibata aniano kara heno ina entara." ⁴² Ihuba bika tiba nimiharo, "Nee kia'e Kotira uba karantuake iriabo. 'Bii orira kamuntaka abu ata orai'imanta a'irakara bira boka bara koeke bara nabu kona pos katari akabo. Bira nai Nora antu'a atabe aii'a bira bo'ara keroma tinabu bainti abuni?' ⁴³ Mintimanta tee nii tiba nimuro, Kotiba nai kingdomu niini hairo bara kero bokama nimiano taukae kara obari bariaka. ⁴⁴ Tau bainti nahenti ma bii orira ata rahitibika bika rakabu inara inarai'ima bibabe. Imanta, bii oriba bika ata hi'irira bii bainti nahentika orai ama bibabe. ⁴⁵ Farisi bata iata bainti bata tuantara uba ma bira Ihuba tira iri, bika nai tabe bira bikara tumanta. ⁴⁶ Bika arara rantaura bira wata barerara, imanta bika etara nora bainti nahenti baria manta, bira nanarae bainti nahenti Ihura tabareka bo poropeti bo'arake tabaura.