¹ Narubai haina Kindomu boha arakero ma waini naho oba tabae eka to'a'i himpi haro oru kai'a bainti ranta biri kaira kai'a baratera. ² Bira nantiara bainti hampata uba ta'auriro taukae bira waini naho ira kai'a boha kuari abu aruke monu barera, biba bika nari waini naho ira atita kaumanta bura. ³ Biba 9kiloki oru tabau manta hinikia kai'a baintika umina maketi batuka ata baubaro. ⁴ Biba bika tiba nibiharo, 'Nee bata waini naho ira oru kai'a barate, nana nee bara arina, nii ko'ai ama iainabe. Minti manta bika kai'ara bura. ⁵ Biba boha arira bainti tabae 12kiloki nantiara baraira bata aii'a 3kiloki erairakata baraka. ⁶ Bo iaka 5kiloki erairaka,biba oru tabau manta hinikiaka a'ii baubaro. Biba bika tiba nibiharo, 'Bira nanarae nee ma ata bate kuari abuara umina bariabo?" ⁷ Bika bira tiba amiha, 'Kia bobano tinabu kai'ara bitaibo.'Hobe, biba bika tiba nibiharo, 'Nee bata tii waini naho ira oru kai'a barate.' ⁸ Eraibo, waini naho oba ra'ikira bainti tiba amiharo, 'Eka kai'a bainti nara biri kera ko'a nimiane. Ho'arareba ekaranai haina kai'a bainti ahira abuhaina kai'a bainti ata tai'akane.' ⁹ Kai'a bainti aniabo, taukae 5kiloki erairaka ho'arake baraka, boha ari ko'ara'i taukae boha kuari abu baraka bata barara. ¹⁰ Abuni baraka ani, bika iriha tenabu uritare ma baraina be tii iabo boha ara kero bika bata ko'ai ura. ¹¹ Bika nai ko'a bare, bika waini naho ora batake uba tura. ¹² Bika tiha, tau kai'a baintika ekaranai ani baraka, boha auwa baraka, bika boha ara kerama ko'ai iarao. Tenabu nora kai'a nora kuari ata barakaura be.' ¹³ Waini naho oba bika ihairo boru tiba amiharo, 'Ara'obe, Tee kia aini orai'uro. Are kiae boha kikokai iarao ko'a boha kuari abuara baratana rara? ¹⁴ Nana hikae neniana bira barera buane. Tere boha arake taukae nantiara ania kai'a baintika bata nii bata nimirabe turo. ¹⁵ Kiae tee tenta una hikarara tiaina aikaro bate? Nee kiae tii ko'e okarara boha auhai'i bira nanarae tenta antu'a ata tee minta hika nimi bauna ma? ¹⁶ Mintiro bainti nantiara anira ba abuni iro aii'a abuni aniraba ma nantiarai ianaro." ¹⁷ Ihuba Jerusalemini oru biharo, nai disaipori 12punabu bite orubi haro tiba nimiro, ¹⁸ "Tabate, tenabu Jerusalemini ma oru buro, bika Bainti Baainti bara iata bainti bata irirahika bainti ma nimi barabe. Bika ko amira bira bira aru utu ma keba be. ¹⁹ Bika bira bitabare bo batana kia Juda batana kau'u ira kaimanta birara ora uba tiha bira hiri ma tebara. Taripara kuari abu nantiara, biba aii'a uri himpua narobe. ²⁰ Nantiara, Sebedira nata bano nai ma'u hampata Ihubi nai anira. Ihura ai'u ira tori kauru arero boha hikara Ihura irero. ²¹ Ihuba bira tiba amiharo, "Are nana hikarae iarao?" aii'a biba tiharo, "Are tii ma'u tarau kubai taira aii batake aii Kindomu ira o'ubuate, bobano kau'u tanarai bobano katai." ²² Ibaro Ihuba bira tiba amiharo, "Are kiama tabarao nana hika iranara. Nee hoe tee naai na kapura nebabe?" Bika tiha, tenabu hobe." ²³ Ihuba bika tiba nibiharo, "Tuna kapurae nebabe. Ibaro tii kau'u tanarai bata katai bata o'uu biba riara kia bira tii kai'a haube, ibo bira tii Obi haikara be bira taukae nimianaro." ²⁴ 10-para disaipori bira iri, nora arara unkaka tara atabakauka nibura. ²⁵ Ibaro Ihuba bika tumanta uamanto anubo tiharo, "Nee tababo bo ia iata bainti ma bika ra'ikia bo, aii'a nora bainti binto bariaka ma bika bata hinta utuabo." ²⁶ Iro ma mintira okaraba kia nii abutana obariaire. Tabae nii abutana iata bainti irebabe, biba kai'a bainti bano ma barianaro be. ²⁷ Aii'a tabae abuni nii abutana baireba irera biba nii kai'a bainti bariare, ²⁸ Boha aribo, Bainti Baainti bano kia nai kai'a tubu baraibo, ibo bainti nahenti kai'a barero nai aiho kero bika tintareba." ²⁹ Jeriko tute bibo, nora bainti nahenti bira abataura. ³⁰ Bii bantarai, abu impa buaka tarau ara hi'ai o'ubi baura. Bika hanta iri Ihuba uribo tumanta, bika hanta naberai tiha, "Nora baubo'o, Debitira Baainti bano be, are tihantara umpo iane." ³¹ Bainti nahenti bika hanta niti ebara bariate, ibo bika hanta norai ake naberai tiha, "Nora baubo'o, Debitira Baainti bano be, are tihantara umpo iane." ³² Nantiara, Ihuba himpiro bika hanta narero tiharo, "Nehanta nana hikarae antu arira tee mintirabe?" ³³ Bika hanta tiha, "Nora baubo'o, tehanta tabarebe." ³⁴ Ihuba bika hantara umpo iro, bika hanta abu ata kau'u bataibo, totara bata bika hanta abu antua bimanta Ihura abataura.