¹ Bii entara kai'a bainti ani Ihura ireha, "Tabae nora autu batero Kotira Kindomu ira binto'a bairo?" ² Ihuba ina baainti ara biri kero, aii'a bika abutana himpi kero, ³ tiharo, "U'ai'ake nee tiba nimuro, nee kia nenta bara muntu bii ina baainti bo'a ribera, kiama ho Kotira Kindomu ira ori eteba. ⁴ Minti raro bainti bano nai bara muntu bii baainti bo'a riraba, minti baintika ma Kotira Kindomu ira nora autu bateba. ⁵ Mintibo tii autu ata, bainti bobano ko'e'a nimitero bainti taukae nai bara ina baainti ika, bira baireba tii bara ko'e kero bitaira. ⁶ Iro bainti tabae ina baainti tii ata mara ura utuaka kumi'i hi'irira, bo'a bata ko'era bira ori nakura bira auntana rumpake nora solwara ira a'ukeba. ⁷ Umpo'a ma batai haina bainti nahenti aba'ara enta! bira ko'era ma aba'ara obariro, ibaro umpo be bainti tabae boka aba aimanta kumi'i hi'iruara, biba anomama orai'a buano. ⁸ Aii kau'u banoe au'u bano kumi i hi'i ruakairera, te'a kera a'uka. Bira ko'era ma eka enta bai aiho mara reba boha kau'u boha au'u batera. Ibo kiama ko'e iano tara kau'u tara au'u batera iha ira biro. ⁹ Aii'a aii abu bano kumi i hi'i ruakai rera, bauru kera a'uka. Bira ko'era ma eka enta bai aihora boha abu batera barena. Ibo kia ma ko'e iano tara abu batera iha'i bina. ¹⁰ Are ko'e kera raikiha kia bamuntu bikera ina baainti taba. U'ai ake aii tiba amuro, narubai ankero aii tii Ora biri ata ani bariara. ¹¹ Kia rantero. ¹² Are bira nantia kerae irira? Bainti bobano 100 sipisipi bataibo, boru bano kaka ama bibo, 99 sipisipi ai'ina ata kero bohau oru rantanoe o kiae? ¹³ U'ai'ake nii tiba nimuro, bii sipisipi rura ranta kairera, biba 99 sipisipiara wahe haro bo'a bata ma kaka kima bibo ranta tairara ma wahano. ¹⁴ Boha ari okarara'i, nii Oba narubai baiba kia antu aribo boru ampara baainti rubano kaka kiabina. ¹⁵ Aii atabakaba aini kumi minti rera, bira bita aukini akera nehanta'i biba orai akaina tiba amiane. biba aii uba irirera, aii'a nehanta atabaka rai'ama biba. ¹⁶ Ibo kia aii uba irireba irera, bohaue taraue atabakauka bitane, bika bata tabeha bii marara abu abu akate. ¹⁷ Aii'a biba bika uba kiabu irirera, bii ubara bare mono nabu'i buate. Biba mono iraka uba bata kiabu irirera, bira taba reka takisi bare bariaka bo'ara tabe kia Juda batana bainti. ¹⁸ U'ai'ake nii tiba nimuro, nana hika nee batai tinta taibo Kotiba narubai bata tinta ma kanaro;aii'a nana hika nee batai antuara kaibaro Kotiba narubai bata antua ma kanaro. ¹⁹ Aii'a nii tiba nimuro, Batai maini, tara bainti bano boha arara batero bohikara tii iraina, tii Oba narubai baiba nana hikara irara nimianaro. ²⁰ Tainie taraue o tarinabue tii Autu'a ruba ika, tee bika abutana ma bariai nabe. ²¹ Bira nantiara Pitaba Ihura ireharo, "Nora baubo'o, nantuma taimie tee atabakara ba'u haika bi'uu amitara biba tini kumi mintia kai'e? 7pala taimie?" ²² Ihuba bira tiba amiharo, "kia tee aii tiba ami 7pala taimi haube, Kia be are bira ba'u haika bi'uu amitare ba 77pala taimi be." ²³ Mintibo aii'a Kotira Kindomu boha ara kero bo kiniba nai baraura kai'a bainti abu abu ireba. ²⁴ Biba nai baraura abu abu ibaibo, bika kai'a bainti bo bitabare 10 000 silva monu uta baraira kini bira bite ani. ²⁵ Ibo biba kia monu batero nai baraira no'a anirantero amiana, bira e'ara bano kempuka uba tiba tero kai'a bainti bata kero bira nata baainti bira onana monu ata ko'ai iatera, nai monu orurantero barareba. ²⁶ Mintibo bii kai'a bainti ba nai iata bara muntu bikero nai e'ara a'uu ira tori kauru arero tiharo, "E'ara baubo'o, tiriara umpo i'e anirante nina ekama amiaina be." ²⁷ Mintibo bira e'ara bano nai kai'a baintiara umpo iro, aii'a bira ba'u haika bi'uu amitero kaibo bura. ²⁸ Ibo bii kai'a bainti ba biro oru bo bainti 100kina barai tabero. Aii'a bira rarau barero buru aunta ira watatero tiharo, Are barainara totara timiane." ²⁹ Ibo bii kai'a bainti ba nai biri bara muntu bikero nai bamuntu bikero tiharo, "Tiriara umpo i'e ariana barauna nina amiainara be." ³⁰ Ibo abuhaina kai'a bainti bano kiabu bira uba irira. Bira rupara ira bataibo ani rantero no'a nai amira. ³¹ Bira boha kai'a bainti nana hika obarira tabe, bika kiabu wahara. Bika biri nai e'ara tiba ami nana hika eka obarira. ³² Bira nantiara bii baintira e'ara bano ara biri kero tiba amiharo, "Are ora kai'a bainti bano be, are nena bara muntu bikera iara manta aii'a aii umpo ura buanama. ³³ Bira nanarae are nena boha kai'a bainti umpo amitarao bo tee aii umpo unante kera?" ³⁴ Bira e'ara bano arara itaibo bira bara aiha hika nimi bariaka kau'u ira kai manta bira aiha amiha iabo nai baraira no'a nibura. ³⁵ Minti roma baibo tii Oba narubai baiba boha arama nini ianobe, nee kia nenta atabakauka kumi bi'u nimite a'ii irirahika ira bataibo.