¹ Sikis kuari abu nantiara Ihuba tintare ba,Pitara, Jemisira bata Ionira, Jemisira atabakara, aii'a ai'ina binto'a baira ata. ² Ihura baata bano tu'antara bo'ara biro. Bira biri bano kuari bo'ara itaira, aii'a bira uta ba'a bano oba bo'ara taku ira. ³ Aii'a Totara bata Mosesika Elaijaka obarabi Ihura batake uba tura. ⁴ Pitaba bira tabero Ihura tiba amiharo, "Nora baubo'o, bira bata ko'e rabe ma'ata bariaina be. Are bira antu'ari rera, tari nabuma nabu ka'arabe, ariana boru, Mosesi bira boru, Elaija bira boru." ⁵ Pitaba uba tibaibo, bo atahara tonabu bano bika tubu a'uraba abukero, bira ihairo bo nobano tiharo, "Mara tii Baainti be, tee bo'amake antu arunara be, tii antu'a abate barabe. Mintira nee bira uba ima iriate." ⁶ Kai'a bainti bira irii, bika bo'ake ete nai biri bare batai tubibura. ⁷ Aii'a Ihuba bika ani bara himpi kero tiba nibiharo, "Nee kia etate." ⁸ Aii'a burubi tabe kia bo bainti tabaura, Ihuba nariara baura. ⁹ Ai'inai hai tubiha, Ihuba kekau kero tiba nibiharo, "Nee kia ma nana hika tabaira bainti boka tiba nimiate, nantiara Bainti Baainti bano utuaka batuka ihairo uri himpira be." ¹⁰ Kai'a bainti Ihura ireha, "Bira nanarae irirahika bata baintika tiha Elaija bama abuni tubua narobe?" ¹¹ Ihuba bika tiba nibiharo, "Elaija ba tubu aii'a eka hika ma abu abu ianobe. ¹² Tee nii tiba nimuro, Elaija ba naru tubira be, ibo iata bainti kiama bira taba bo. Kia be. Bika bira orai amita bo. Boha'ara kero ma Bainti Baainti bano bata bika kau'u ima mara baranaro be." ¹³ Aii'a kai'a bainti tabe iriha Ihuba Ionira namai a'u nimi tebaira rama tibo. ¹⁴ Bika bainti oora baura ata bii, bainti bobano Ihura Ihura au'u ira tori kauru arero tiharo, ¹⁵ Nora baubo'o, tii ma'uara umpo amitane, biba bukera aiha batero ora ima baibo. Ora enta ma iha'ie o namai ie a'u bibaibo. ¹⁶ Tee bitabare aii kai'a bainti ata bura, kia bira ho'a amitabo. " ¹⁷ Ihuba tiba amiharo, "Nee ora okara mintiha kia mara ura utuaka, nantuma entae tee nii batake bairabe? Nantuma entae nii tiba nimirabe? Bii baaintira bite aniate." ¹⁸ Ihuba ora aiho atiro, aii'a ora aiho bano bii baainti rura kaura, bii entara'i baainti bano ho'a bura. ¹⁹ Nantiara, kai'a bainti Ihubi nai ani tiha, "bira nanarae tenabu ora aiho kia ho a'ini bara kebauro?" ²⁰ Ihuba bika tiba nibiharo, "bira nanarae, nee mara ura utuara ampararau be. Nii tiba nimuro, nee ina mara'ura mastet taba bo'arirera, nee ma ai'inara tiba amiha, "butura ata a'uu buane, 'aii'a biba biro ma kiama bohaika bano nini maru ianaro. ²¹ Kia rantabo. ²² Bika Galilini baubo, Ihuba nai kai'a bainti tiba nimiharo, "Bika Bainti Baainti bara bainti nahenti kau'u ima kebabe, ²³ aii'a bika bira aru utu ma kebabe, kuari abu tari atama uri himpua naro be."Kai'a bainti umpo'iha orai'ake irura. ²⁴ Kapeniam muni anubo, takisi bare bai bainti ba Pitara tiba amiharo, "Nii tisaba takisi ko'ai ibai bae o kiae?" ²⁵ Pitaba tiharo, "Eiyo."Ibaro Pitaba nabu'i ori etaibo, Ihuba bira ireharo, "Saimonio, are nantia kerae iriarao? Batai haina kinika bika tauka ahie takisi barebaria bo? nai batana ahie o bo batana ahie?" ²⁶ Pitaba tiharo, bo batana bainti ahibe." Ihuba bira tiba amiharo, "Mintirera, nai batana kiama takisi ko'ai ibabe. ²⁷ Ibaro kia tenabu mintiae takisi baraika kumi'i hi'i ruate. Are solwara ira otu huku a'u kera habuka barera uruane. Abuni barataina habukara, bira noo antua kera monu boma tabenabe. Monu bira barera takisi baraika tiriara bata nenara batara nimiane."