¹ Farisi bata Sadiusi bainti ani Ihura aba'eha, bika Ihura ireha bo ari haikara tonabu ata umi'ane. ² Ibo Ihuba bika tiba nibiharo, "Erai bo kuari abu nare imanta, nee tiha, hura ko'e kuari abu ama ianobe. ³ Aii'a to'a'i, nee tiha, 'a'uma ruanobe, nanarae tonabu nare ibo tonabu bano batuka a'u raba abibo.' Nee tonabu ata tabeha nana kuari abue hura anianobe tiarabe, ibo kiabuma nee nana hika bate obari baira bata nantiara aniana tabeba. ⁴ Bainti nahenti ora okara bata pamuku okara, bira bo'arira ma rante bariabo, ibo kia ma bo'arira obariano, bo'arira Jona bira bira ima obariano."Ihuba bika kero bura. ⁵ Kai'a bainti hini bantarai bini, bika tauruke kiabu bareti bararai. ⁶ Ihuba bika tiba nibiharo raurukeha ma iate Farisi bata Sadiusi isi bare borabe. ⁷ Disaipori nai abutana tiha, "Tenabu kiabu bareti bare anuroe biba minti tibo." ⁸ Ibo Ihuba bika irirahika tabero tiharo, "Nee ampara mara ura utuaka, bira nanarae nenta abutana tiha, 'tenabu kiabu bareti bare anuroma tibo?" ⁹ Nee bira kiae iriabo tee 5-bareti nabu nohai 5-tausen bainti nimuna, aii'a nee nantuma basketi pi'akara neha kaara nohai? ¹⁰ Aii'a bareti 7-ninabu bano 4000 bainti, aii'a nantuma basketi neha kaara notahi pi'akara? ¹¹ Bira nanarae nee kia kanko iabo tee baretiara kiabu tura? Rauru kehama iate Farisi bata Sadiusi bata isiara?" ¹² Nantiara kanko imanta tabe kia isiara hauma tibo, Farisi bata Sadiusi bata irirara kiabu bare iriate ma tibaibo. ¹³ Ihuba batuka biri aumai iharo Sisiria Filipaini, nai disaipori ireharo, "bainti nahenti Bainti Baainti tabeha bira tara be'e tiabo?" ¹⁴ Kai'a bainti tiha, "Hinikiaka tiha Ioniba namai a'uu nimite baibabe, hinikiaka tiha Elaija babe aii'a hinikiaka tiha Jeremaiya babe, o bo poropeti banobe?" ¹⁵ Ihuba bika tiba nibiharo, Obo nee tiriara tara be'e tiabo?" ¹⁶ Saimon Pitaba tiba amiharo, "Are Karaitiba be, Kotira Baainti bano be aiho eka enta eka enta baibabe." ¹⁷ Ihuba bira tiba amiharo, "Saimonio Jonara ma'u be, are wahane, bira nanarae kia bainti bano auma aii bii irirahikara amibo, ibo tii Oba narubai baiba ma mara aini o'ai akaibo. ¹⁸ Aii'a aii tiba amuro, are Pitaba, tee tenta mono nabu ori bira atama ka'arabe. Utira haika kempuka bano kiabu ma bara muntu bika narobe. ¹⁹ Tere narubai haina kindomu ki ma ari amiana. Mintibo nana hika are batai tintairo, Kotiba narubai bata ma tintano, aii'a nana haika batai tutairo, Kotiba bata narubai tutanaro." ²⁰ Aii'a Ihuba nai kai'a bainti tiba nimiharo kia bo bainti tiba nimi tiriara Karaitira be tiate. ²¹ Bii entara hiro Ihuba nai kai'a bainti tiba nimiharo Jerusalemi ni buare, aii'a biba oora mara ma iata bainti bata nora pris bata lo tisauka kau'u ihairo barano, bika bira aru utu ma keba, aii'a biba tari kuari abu nantiara uri himpiro ma aiho barano. ²² Aii'a Pitaba Ihura bita babi auba hi'a kero kekau kero tiba amiharo, "Nora baubo'o, ma bii haika ba kiama aii aumanto aniro aii'a kiama aii ata oba rianobe." ²³ Ihuba tu'antara biro Pitara tiba amiharo, "Satao! are tii ahira u'ai tane, are tii arama kubai ibariarao. Are kiama norai akera Kotibi haika rara iriarao, iba are bainti iarara ma norai akera iriarao." ²⁴ Aii'a Ihuba nai kai'a bainti tiba nimiharo, "boru bano tii abatare ba irera, biba nai miani ma bara muntu bikaire, aii'a biba nai maripo a'uu barero ma tii abataire." ²⁵ Bainti bano nai mara urara norai amakero iriro ra'ikire ba iba,nai mara ura kaka'ama makanaro, bainti bano tii autuara nai mara ura kaka airaba, biba aiho ma barano. ²⁶ Bainti bobano ma batarai haina hika barareba iharo nai mara ura kaka ama kairera, nana bohaika ko'e haikae barano? Nana bohaika amiharoe nai aiho aii'a barano? ²⁷ Bainti Baainti bano nai Oora rubahara hika ira ma nai ankero bata kero tubuano. Aii'a biba eka bainti nahenti nana nana okara mintura nai bii miakarara ma nimianaro. ²⁸ U'ai'ake nii tiba nimuro, nee hinikiaka ma'ata himpi bariaka, kiabu utiraima Bainti Baainti bano kini bo'ara biro tubina ma tabeba."