¹ Nantiara Farisi bata lo ara tubau baintika Jerusalemini bariaka Ihura batake uba tireka. Bika tiha, ² "Bira nanarae aii kai'a bainti kia tinabu na'u tato lo ira nai bamuntu bike bariabo? Bika kara nareka kiabu kau'u hi'ebariabo." ³ Ihuba bika tiba nibiharo, "Bira nanarae nee Kotira lo ra'ake nenta na'u tatora okara abateba riabo? ⁴ Kotira lo bano tiharo, 'Nee nenta noka oka bebarai iate. Aii'a bo'a bata tiharo, 'Bainti bano nai nora orara ora uba tiraba, biba utuma buaire.' ⁵ Ir0a nee tiata, 'Bainti bano nai norae o nai orarae tiharo, "Tere nana haikara nii nimirbe, tee Kotira opa bo'ara ma aburo." ⁶ Ma mintira baintiba kia nena ora bebarai'a bata ià. Na'u tatora lo aii abata, biba Kotira uba tiba uminarai ira. ⁷ Nee una'ara bainti. Aisayara uba bano kankoma bibo, bii entara poropeti uba nii tiba nimura, ⁸ Bika tiri no'ahima mono iabo, ibo bika bikoka bano niarai abiro ma baibo. ⁹ Bika una'ara mono ma tiba riabo, bira nanarae bainti bata lora ma barabo, mono okara bo'ara a'ute aii'a bainti nahenti irirara nimiha tiriara mono iate. ¹⁰ Bira nantiara Ihuba bii bainti nahentika nai aubanto nara birikero tiba nimiharo, "Iri ko'ekema ma ubara barate. ¹¹ Nana haika bainti bano naibo bira no'ira oti'ete baira, kiabu ma bara bainti kumi'ira batanaro. Ibo bainti bano uba tibo bira no'ihairo aitaraira, biba ma bara bainti kumi'ira batanaro ¹² Bira nantiara kia'a bainti Ihura tiba amiha, "Are taberae bii ubara tiaraba arara marama Farisi nimimanta ariara arara itabo? ¹³ Ihuba bika tiba nibiharo, "Eka katari Tii Oba narubai baiba kia ututaira, bika eka ma bata ihai tu'arabata rarubi ba. ¹⁴ Bika a'irakate, bii Farisika abu impa mabibo. Bira bo abu impara bainti bano bo abu impara, bika hantai akema rubu ira a'ubiba." ¹⁵ Pitaba bira iriro Ihura tiba amiharo, "Hoe are tu'antara uba tianara 'bainti bano kara no'ihairo naibaro arara ira utubira bira kia kumi haube." ¹⁶ Ihuba tiharo, "Aii'a nebata kiae tu'antara uba okara iriabo? ¹⁷ Nee mantimake tabate, nana hika no'ihairo oti'etaira, biba arara ira utubiro bira nantiara mai'a ira buanobe. ¹⁸ Ibaro ora uba bano no'ahiro uritare baira bira bainti bikoka ihairo ma. Ma minti uba bama bainti kumi ira bate bairo. ¹⁹ Arara bano ora okara mintira, ora irirahika, bainti aru utibariara, nae-ora okara, bobo nae-ora okara, muara okara, ko abu'ata una'ara tibariara bata aii'a baintiara ora uba tibariara. ²⁰ Ma bii okaraiha bama bainti bara kumi ira batebairo. Ibo kia kau'u hi'araiha kara nara; kiama bainti bara kumi ira batebairo." ²¹ Bira nantiara Ihuba bii batukara kero tara nora tauni Taia bata Sidonini bura. ²² Bii batukara ira, bo nahenti Kenan batana ba ani Ihurara naberai tiharo, "Nora baubo'o, Devitira ba'u banobe, tiriara ha'uru itane, ora aiho bano tii rabura nora aiha bira ma amibaibo." ²³ Ibo Ihuba kia bira bo uba tiba amira. Kai'a bainti Ihura tiba amiha, "Ma nahentiba naberai tiba'i biharoma tinabu abata'i anibaibo, hoe are ma bii nahentira tiba miro tinabu kero niarai buano? ²⁴ Ihuba bika tiba nibiharo, "Kotiba tii Israeli batanara ra'i bitane timanta tubunabe. Bika baireka sipisipi bano kakakiabura." ²⁵ Ihura abu'ata bii nahenti ba tori kauru arero tiharo, 'Nora baubo'o, tii kaha iane ." ²⁶ Ihuba bira tiba amiharo, "Bira kiabu ma ko'e ibo baainti kara barake bairi a'u amite babe. ²⁷ Bii nahenti ba tiharo, "Nora baubo'o, bira u'abe, ibaro ina bairi bika kara hanka tainta ahiro bika hoba neharo ibo a'ubira nebariara be. ²⁸ Ihuba bii nahentira tiba amiharo, "Nahenti baubo'o, are kempuka bara'ura ma ututarao, mintia raroma aii baainti bano ho'ama buanobe. "Bii entara'i, ora aiho bano bii nahentira baainti tutaibo ho'a bura. ²⁹ Ihuba bii batukara kero Galili namai aumanto bura. Biba ai'ina ampararau aubanto baira ata o'ubiro. ³⁰ Oora bainti nahenti bibinai anura. bika bitareka ai'u orai'iaka, abu impa buaka, karere iaka bata, aii'a oora aiha bainti nahenti anura. Bika bitebare Ihubi nai anubo ho'a nimitaira. ³¹ Bika taba manta no tinta buaka uba tiamanta, karere bainti ho'ia manta, ai'u orai'iaka ho'ia manta aii'a abuara iaka ho taba manta. Bika Israeli Kotira autu bini ura. ³² Ihuba nai kai'a bainti nara birikero tiba nimiharo, "Tee ma bainti nahentika ra umpo uro, bira nanarae tari para enta tii batake bai kiabu kara nabo. Kiabu ma tee bika umina nititara nanarae kiama kara nabo, karara natu ari manta arana hi'iri borabe." ³³ Kai'a bainti Ihura tiba amiha, "Mana kiabu bainti bariana be, tenabu ma bainti nahentika kara rantaina kiabu ho'ibo. ³⁴ Ihuba bika ireharo nantuma baretie batabo, "7-ninabu bareti, aii'a bonta hanta ampara habukaiha. ³⁵ Bira nantiara Ihuba bii bainti nahentika timanta o'u buabo. ³⁶ Biba 7-ninabu bareti bata hinikira habuka, aii'a Kotirara ko'e rabe tiro, bareti kuikero nai kai'a bainti nimiro. Kai'a bainti barake bainti nahenti nimura. ³⁷ Eka bainti nahenti nama pi'a buara. Kara neha pi'au manta kaara 7-ninabu basketi pi'akara. ³⁸ Bainti kara bira naka namba 4-tausen, imanta kiabu nahenti bata baainti bata kararuara. ³⁹ Bira nantiara Ihuba nititai manta nai batukai bura, aii'a biba botu'i barirero Magadan distrikini bura.