¹ Herotiba gavana baiharo, Ihuba kai'a baraira irura. ² Herotiba nai kai'a bainti tiba nimiharo, "Ma bii baintira Ionira namai a'u nimi tebaira, biba aira a'ima matimati ihairo uri himpuano, minti bo ma biba aikaro mirakoli mintira batero." ³ Herodiasira antu'a ho'a kareba, nai atabakara Pilipira natta, Herotiba Ionira raba'abu kero au'u kau'u rumpa kero. ⁴ Bira nanarae, Ioniba bira tiba amiharo, "Kotira lo bano ariara kia Herodiasira nena natta bo'ara barane tira be." ⁵ Herotiba Ionira arukaira ihairo, ibo bainti nahenti atu etakero, bira nanarae bika Ionira poropeti bainti bo'ara taba bainti rama. ⁶ Herotira batai entara anibo, bika kara neha waheha. Bii kebura'a, Herodiasira rabura bano bainti nahenti abutana ai'u a'ibo Herotiba bo'a bata wahaira. ⁷ Bii baratara waha amitareba, Herotiba kempuka uba Kotira abu'ata bata bainti abu'ata Herodiasira rabura bano nana hika rae antu'ari nara. ⁸ Herodiasira bira noba tiba nana uba amimo, minti bo biba tiharo, "Ionira namai a'u nimi tebaira iata kuampa ira batera timiane." ⁹ Kiniba nora auha marantero nahenti bano irairara, ibo nai tiba taura ho'a kero bira ira kara'ata bariaka waha nimitare ba, biba hobe tiro Ionira iata bira amiate. ¹⁰ Kiniba huru bainti timanta bika rumpara nabu'i hai Ionira aunta te'ake. ¹¹ Bika Ionira aunta te'ake iata perasi'i bate bare buru Herodiasira rabura amura, biba barero buru nai nora amiro. ¹² Aii'a bira nantiara Ionira kai'a bainti ani batta bare buru unte. Bika bira untake bira nantiara oru Ihura nana hika Ionira namai a'u nimi tebai raini obarira tiba mura. ¹³ Ihuba bii ubara irikero, biba bii batukara kero botu ira barirero nai kai'a baintia rabata, bika orubi bona kia bainti bariana. Bainti nahenti irumanta Ihuba bina mumo tiamanta, bika nora tauni ke Ihuba bainai buara. ¹⁴ Ihuba bina biro, ora bainti nahenti bariara tabero. Bira bikoka bano raperibo bikara ha'uru itaira, aii'a bii bainti nahentika abutana aiha baraka ho'a nimitaira. ¹⁵ Kuari abu ruhunki bo ,kai'a bainti Ihura tiba amiha, "Ma batukana kia bainti bariana be, kuari abu bibo. Ma bainti nahentika barakaira buate, bika oru batuka aumanto hai nai kara ko'ai ake nate. " ¹⁶ Ihuba nai kai'a bainti tiba nimiharo, "kiama bika kara oru ranteba be, bika kaimanta baira nenta bika kara nimiate." ¹⁷ Kai'a bainti Ihura tiba amiha tenabu paipi nabu habuka bata tara bareti baibo. ¹⁸ Ihuba bikara bii karara bare aniate. ¹⁹ Bira nantiara Ihuba eka bainti nahentiara ahika'a o'ubuate timanta. Aii'a biba bareti 5–nabu bata habuka tarau, biba narubai burubi tabero, kara bira aiho akero. Bira nantiara bareti kuikero kai'a bainti nimiro bainti nahenti nimiatera. ²⁰ Eka bainti nahenti kara bira nama pi'e, aii'a neha kara untu ruba'ua 12–nabu basketi pi'akara. ²¹ Aumantaka 5–tausen bainti kara bira nara. Ibaro kiabu nahenti bata ina baainti kararuara. ²² Kara bira namake, Totara bata Ihuba nai kai'a bainti atita kaimanta bika botu'i barire bira ke hini bantarai bii. Kai'a bainti buabo, Ihuba nai bainti nahenti nitita nai batukai kero. ²³ Bainti nahenti nitita kaimanta buabo, Ihuba nai ai'inata nunamu tireba orubiro. Kuari abu bibo konkirai ibo, Ihuba nariara baiharo. ²⁴ Ibaro botu kai'a bainti buaba, solwara abutakanta bibo. Nora kuahara bano bika bireka ianai hairo aniro. Aii'a solwara uri himpi kaibo botu bara buru a'ukero biri a'ukero. ²⁵ Enta'i atitaruntara 3kiloki bata 6kiloki abutana, atitebaibo, Ihuba ai'ina kero namai abubaura kai'a bainti ianai anira. ²⁶ Kai'a bainti tababo Ihuba namai abubaura animanta, bika eteha norai ake iriha bano ma anibairo. ²⁷ Ibaro Ihuba totara bata bika tiba nibiharo, "Kekau bii kia etate, ma bira tere be." ²⁸ Pitaba bira tiba amiharo, "Nora baubo'o, u'a bira are irera, tiri ti'e aria nanai namai abubaura bate buare." ²⁹ Ihuba tiharo, "Aniane." Pitaba botu ihairo babirero namai abubaura Ihu binai bura. ³⁰ Ibaro Pitaba nora ubai anira tabero, biba etero ho'ara kero namai ira oti'ete baubaro. Namai bano nampi ebaibo, Pitaba naberai tiharo, "Nora baubo'o, tii kaha iane!" ³¹ Totara'i Ihuba kau'u a'ukero Pitara wata barero, tiba amiharo, "Are ina mara'ura ba utuarao, bira nanarae ti'ata kia mara'ura utuarao?" ³² Aii'a Ihuka Pitaka botu'i barirabo, ubai bano ekara bata taiaira. ³³ Aii'a kai'a bainti Ihura nora autu amiha tiha, "U'ai'ake be,are Kotira Baainti bano be." ³⁴ Minti manta Genasaretini orure, solwara hini bantarai. ³⁵ Bii batana bainti Ihura ko'eke taba manta, bika uba bara kabo hiniki batukara aumanto baikai bira, aii'a bika eka aiha bainti nahenti bitabare bibinai anura. ³⁶ Nai bamutubike Ihura ire biba nankutaira biti ku'u'areka, oraa bainti nahenti taukae Ihura wata bare ku'u'aka bika aiha tai'abura.