¹ Bi etara Ihuba nabu a'ira kero solwara hanta otu o'ubiro. ² Ora bainti nahenti ani Ihura babamate, mintibo biba botu'i barirero o'ubimanta bainti nahenti nu'a hanta himpi. ³ Ihuba ora tu'antara uba i batero bainti nahenti irirara tiba nimura. Biba tiharo, "Iriate! Bainti bobano naho utuairaba biharo kara kubu utira. ⁴ Biba kara kubu baata ira a'u kaibo, hiniki kububa ara i'ahantara a'u bibo, aii'a antau bahi ani bara namake. ⁵ Hiniki kara kububa harahara baura a'u biro kia baata bano ko'e kero baibaura, totara'i ampi ate, bira nanarae, kia ma ora baata harahara baura bairo. ⁶ Ibo kuari bano ururero, totara'i aharuka biro hi'iriro, bira nanarae, tu'a bano a'ibaura baiharo kia namai bararairo. ⁷ Hiniki kububa au'uka reraura'i a'ubiro umpi'a taibo, au'uka bano a'uraba abukai bo orai abiro. ⁸ Hiniki kububa ko'e baata ira a'u biba kara irero, hiniki ba 100 irai bo, aii'a hiniki ba 60 iraibo aii'a hiniki ba 30 kara irero. ⁹ Bainti ato batairaba, ko'ekero iriro baraire." ¹⁰ Bira nantiara disaiporu Ihura ireha, "Bira nanarae are tu'antara uba ora bainti nahenti tiba nimi bariara'o?" ¹¹ Ihuba bika tiba nibiharo, "nee wahate, bira nanarae, eka narubai haina kindomu kuke ara uba o'ai'a bibo. Ibo ma bainti nahentika kiama narubai haina kindomu tababo. ¹² Mintiro bainti nahenti taukae ko'eke tii uba barake nai arara'i bata irirahika ira bataika, Kotiba bo'a bata ma bika nimira pi'a ma biba. Ibo bainti nahenti taukae kia ko'eke tii uba baraika, bika tii uba ekama tauru kema nana hika haru tabataira bira bata tauru ama keba. ¹³ Minti manta ma tee tu'antara uba bainti nahentini tibauro. Bira nanarae, bika bihaikara tee mintuna tabe, ibo bika kia ko'eke tabe bira okara bare. Aii'a tii uba iriha, ibo kia uba okara bare. ¹⁴ Poropeti Aisayara uba bano mintia bainti nahentikai o'aii ibo, biba tiharo, 'Tii uba irinabe, ira kiama ko'e kera irira aii'a uba okara kanko'ina. Are tabenama nana hika tee mintiana, ira kiama ho'akera tabera aii'a bihaikara okara barena. ¹⁵ Aii'a bo'a bata tiharo, ma bi okarara rama bika arara bano kekau bimanta ho kia Kotira uba iriabo, aii'a bira bika nai abu impa barara bo'ariabo kia ho bo hika tababo, o uba iriabo, o nai arara ko'eke tababo, bika kumi tauba'a utu'amie tere bika ho'a nimitare.' ¹⁶ Ibo nee wahe bama bira nanarae nee ko'eke ma tabe nana hika tee mintuna, iri kankoi tee uba tuna. ¹⁷ Tere nii u'ai'ake tiba nimuro, haru oora poropeti bata abu abu abi baria baintika nora antu'a bate nana hika tenabu bate tabauna taba rareti, kiabu tabara, aii'a nana uba tenabu bate iruna irirareti, kiabu iriara. ¹⁸ Bainti bano kara kubu a'ira tu'antara uba ko'e kera iria. ¹⁹ Bainti bobano Kotira Kindomu uba iriro kia ko'e kero arara'i bata irirahika ira bara bataira, bira baireba kara kubu a'ukai bo ara hi'a hantara a'u bira, Sataba aniro totara bi ubara a'ini barakaira. ²⁰ Bainti bano nora wahara bata kero totara Kotira uba barero, bira baireba kara kubu bano harahara baata ata a'u bira. ²¹ Bainti bano Kotira uba barero ampara kuari abu mara ura utira, aii'a kiabu ko'ekero arara irirara ira bataira. Minti bainti ba totara'i ma mara ura utu taina kaka ima kano, bara bano aba ara bano aniro. Bira baireba kara kubu bano umpi'a tero ibo tu'a bano marira ata'i kiabu baata'i mabinto otubiro. ²² Bainti bano Kotira uba iriro bara kero nai arara'i abu'ato batero, ibo bo'a kero monu ruba'ireba, onana baatai haina hika ra'i ihairo kiabu Kotira ko'e okara mintiro. Bira baireba kara kubu bano au'uka reraura abutana hi'iriba. ²³ Bainti bano Kotira uba barakero nai arara'i irirahika ira ko'e kero batero bira ko'e kero abatairaba. Biba baireba kara kubu bano ko'e baata ira a'u biro ko'e kara iraira. Hiniki ba 100 iraibo hiniki ba 60 iraibo hiniki ba 30 kara iraira. ²⁴ Ihuba bo uba tu'antara bainti nahenti tibanimira. Biba tiharo, "Kotira Kindomu baireba bainti bano ko'e kara kubu witi bihaikara nai naho'i utira. ²⁵ Ibo naho ra'ikira bainti bano baita biro, bira naho ora nabuta bano ahika taba barero biri witi kubu utu taira ira a'ukero babikero biniro. ²⁶ Witi kubu bano umpi'atero kara irataibaro, ahika bano bata bira ira umpi'atero. ²⁷ Kai'a bainti naho oora biri tiba abiha, 'Nora Bainti baubo'o, are ko'e kara kubu nena naho ira ututana, ibaro ora ahika bano nantia keroe umpi'atero? ²⁸ Naho Oba tiharo, 'Tii nabuta ma ora ahika biri ututabo, 'Aii'a kai'a bainti bira tiba amiha, 'Tenabu bira oru a'inie rarukara be?' ²⁹ Aii'a naho oba tiharo, 'Kiabe, nee bira kia rauruate, nee ahika rariha witi bata rari borabe.' ³⁰ Kaibo witi bano bata ahika bano bata boha ra'ira umpi'e baira kara bare entara tabate, Kara bare entaba heno'a naho'i bibo, kara ruba'i baintika tee tiba ma nimiainabe, " Ora ahika raruke rumpake bataira iha warakate. Bira nantiara witi kara ruba uate tii kara nabu ira batate. ³¹ Bira nantiara Ihuba bo tu'antara uba bainti nahenti tiba nimiharo. Biba tiharo, "Narubai haina Kindomu baireba mastet katari taba bainti bobano bara kero nai naho ira ututaira. ³² Ma bira mastet katari auru nakau pirima bo katari bata atara kero bainti naho'i utibariara. Biba katari boara norai akero ampi ataira, antau bahi bira karana naabu ka'ate. " ³³ Ihuba bo tu'antara uba bainti nahenti nai tiba nibiharo, "Narubai haina Kindomu baireba ist nahenti bobano amparanabu bara kero tarau bohau witi kapu ihia kero ibo biba tamu'i akero na'abutaira." ³⁴ Eka enta, Ihuba bainti nahenti uba tiba nimi reba, biba tu'antara uba'i hairo aii tiba nimu baira. ³⁵ Biba bira mintura bira poropeti bobano tiba taira araruatara naru. Bii poropeti ba tiharo, "Tere tu'antara uba ihai ma tiai nabe, tere tu'antara uba ihai ma bainti nahenti abu'ata nimi nana hika kuke aira bata,ho'arake baata bata naruba bata mintua tauna ahi." ³⁶ Ihuba bainti nahenti kero anirantero nabuni biro, bira kai'a bainti biri tiba abiha, "Hoe are tu'antara uba witi naho ira ora ahika bano ampi aira bira okara tinabu tiba timina be." ³⁷ Ihuba bika tiba nibiharo, " Bainti tabae ko'e kara kubu utiraba biba Bainti Baainti bira kubai kero." ³⁸ Naho bano ma batara kubai kero, aii'a ko'e kara kubu bano kubai ireba bainti taukae Kotira uba abataka, aii'a ora ahika bano kubai ireba bainti taukae Satara uba abataka ora okara mintiaka. ³⁹ Aii'a nabuta tabae ora ahika utiba, Satara kubai kero. Kara naho'i antu ruba ua entara, bira kubaima kero ma batarai. Kara ruba iba Kotira ankero kubai kero. ⁴⁰ Ma bira boha ari okarara ora ahika ruba uake warakara, Kotiba rairara bairo eka bainti nahenti baata tai aina a rairano. ⁴¹ Bainti Baainti bano nai ankero barakaira oru eka ma nana haika bano bainti aba'ara nimi baimanta kumi'i hi'inti bariara barama keba, aii'a bainti nahenti taukae Kotira uba ra'e bariaka. ⁴² Ankero bainti nahenti bika nora iha'i ma bara a'ukeba, bira ira aiha ira baiba, i'i rateba, nai arai tentiri ba. ⁴³ Ira abu abu abi baria bainti nahenti ka kuari bo'ara ma atta iba Kotira Kindomu ira. Bainti bano atto bataira ba, ko'e kera irira ma bii ubara tuna bara. ⁴⁴ 'Kotira Kindomu bohika nora monu baira bo'arama, bainti bobano naho utireba ii baata ra'ira rantaira. Biba baata ubikero nora monu baihai kara aii'a kuke akaira, bira nantiara biba nai haikara oru monu'a bataimanta barabo anirantero baata bira aii'a ko'ai'a barero. ⁴⁵ Boha ara kero ma narubai haina kindomu bainti bobano ori ko'era nora monu baira ko'ai ireba ira. ⁴⁶ Biba tabaibo ori bira nora ko'a baibo, biba nai haikara oru eka bara monu atta bataimanta bara bo biba ori miakara autu baraira. ⁴⁷ Aii'a, Narubai haina Kindomu baireba bainti bobano habuka raba'abireba utta namai ira a'ukero bo'ari bo'ari habukara baraira. ⁴⁸ Bira utta pi'a bibo, bainti biba utta bira rarau barero nu'ahanta birikero. Biba o'ubiro ko'e habuka untu kero tanara utta ira batero, kia ko'e ira, a'ira bara a'ukero. ⁴⁹ Baata tai'areba ina,boha arina okara ba ma baintini obariano, ankero orai'i baintika a'ini ma ko'e ika baira ihai untukeba. ⁵⁰ Bainti bika nora iha ira ma a'ukeba, bika nora aiha ira baiha i'irateha nai arai tentiriha ma baiba. ⁵¹ Bira nantiara Ihuba nai kai'a bainti ireharo, "Nee tu'antara uba tuna bira okara bare'e?"kai'a bainti tiha, "Eiyobe. " ⁵² Ihuba bika tiba nibiharo, bainti taukae ko'eke tu'antara uba iri bika Kotira Kindomu kai'a bainti ma baibabe, bika nabu oka mo'ara ma baiba. Nabu oba haruara bata araka hika bata nai onana nabu ihairo barebaira ma. ⁵³ Ihuba bainti nahenti tu'antara uba ihairo tiba nimiro, Ihuba nai kai'a bainti hampata bii batukara kero bira. ⁵⁴ Bika Ihura baata okarai Nasaretini bura. Biba Juda batana mono nabu'i bainti nahenti irirara nimiro Kotira uba. Bainti nahenti bira uba iri aii'a mirakoli mintura tabe,bika rabukubi tiha, "Ma bainti ba ko'e irirara bata aikaro mirakoli minti baira taihairo barakero be?" ⁵⁵ U'ai ma baintira kapentara ba'ui? Bira u'ama bira nora, Mariara aii'a bira atabakauka, Jemisira, Josepira, Saimonira, Judara, ⁵⁶ nai aura barauka hampata, ekae bika tinabu hampata maini bai? Ibo biba ma bi irirara abu'ata aikaro mirakoli minti baira taihairo bara tairae?" ⁵⁷ Bika arara bara tara Ihuba bihaikara minturara, ibo Ihuba bika tiba nibiharo, "Bainti nahenti bo antu bo batana homa bo poropeti biteba, ibo nai bira antu bata bira baata okarai hai, kiama bika ho bira biteba " ⁵⁸ Biba kia ora mirakoli mini mintura bira nanarae, bika kia birai mara ura uti.