¹ Ihuba nai kai'a bainti irirahika nimiro, biba bika kero nora tauni ira buru uba tiba nimi haro irirahika nimireba bira. ² Ioniba namai a'u nimi tebaiba rumpa kabo baiharo Ihuba kai'a baraira irira, aii'a uba bo nai kai'a bainti nimi manta bare buara. ³ tiharo, "Are bainti bibae tubuarao o tenabu bainti borarae bekai irabe?" ⁴ Ihuba bira tiba nimiharo, "nee buru Ionira namai a'u nimi tebaira nanahika iri tabaira bira tiba amiate." ⁵ Bainti abu impa buaka tababo, ai'uara iaka ho nuabo, leprosy aiha bataka ho'iabo, atoriaka iriabo, utu buaka uri himpi aii'a bainti bokiaka bata ko'e uba tiba nimiabo. ⁶ Taukae kia tii orai'a nimitaurauka, bika wahate. " ⁷ Bainti bika buabo, Ihuba bainti nahenti Ionira namai a'u nimi tebaira uba tiba nimiro, "nee umina batana bi nana hikae tababo, ahaka bonta ubai bano namai ihairo rarue kero? ⁸ Ibo bira nee nana hika tabareka buarae, bainti bobano ko'e utaba'a nakutairae? Bainti ko'e utaba'a nankuaka kinira nabu'i ma baiba. ⁹ Iba are nana hika taba reba buanae, bo poropetie? U'ae, tee aii tibaburo, biba poropeti bo'a bata nata rakaibo. ¹⁰ Bainti bira uba naru araruata rabe, 'Tabate, tee tenta bainti barakauro tii uba barero nini bibo, tabae abuni biharo aii ara abu abu iainabe.' ¹¹ Tee u'ai'ake aii tiba buro nahenti baainti bataira abutana, kia ma bainti bobano Ionira namai a'u nimi tebaira bo'ara bariano. Imanta bainti taukae narubai haina Kindomu ira kia nora autu bataka bika ma bira bata ata rake baiba. ¹² Ionira namai a'u nimi tebaira ra'ahiro bateta, narubai haina Kindomu bano ora ra'i tirorira'i bi'etero aii'a i'oka bainti bano kekau kero ma Kotira kindomu barano. ¹³ Eka poropeti bano bata lo bano bata tiba iro ani Ionira namai a'u nimi tebaira ata birikero. ¹⁴ Aii'a ma bi ubara barareba irera, bira poropeti Elaisa ba ma tubuano. ¹⁵ Tabae ato batera iria, kairo iriai. ¹⁶ Nana ha'ata batake'e ma bainti nahenti kara tiaina? Bira baireba baainti haika ruba'uara'a ruheha nai nare nai nare iha. ¹⁷ Tiha, 'Tenabu bo ihi tura are kiama ai'u a'uarao. Tenabu ihi tibate i'irataura are kiama ratarao.' ¹⁸ Ioniba tubira biba kia bareti nero waini naimanta bika tiha, 'Biba ora aiho ma bataibo.' ¹⁹ Bainti Baainti bano tubira, biba kara neharo namai naimanta bika tiha, 'Tabate, biba kara bo'akero neharo namai namakeharo hahu'ari babe, biba monu baraka bata kumi bainti ara'o banobe. 'Ibo ko'e okara bano ma ko'e irirahika ihairo aitarano.' ²⁰ Mintibo ma Ihuba baintiara ora okara a'ira kate nora tauni ira bira nanarae bika kiama nai kumiara umpo iabo biba nora hika minti manta. ²¹ Ariara umpo uro, Korasini, umpo uro Betsaida. Nora hika Taireni bata Sidonini bata obarirera bira aini bata obarira, bika nai kumiara ma umpo iha ora utaba'a nankute hanta a'ute. ²² Ibo bira inararau homa Taire bata Sidoni bata Kotira nora ko'ata aii'a nii bantarai kia ma boha ariano. ²³ Are Kapanemi bano, are bira iriara manta aii autue narubai bara'i uribiba? Kiama, bika aii batai ma bara muntu bikeba. Sodomuni iareti manta nora hika aini obarira, boha ariro ma bate bata baitiri. ²⁴ Ariara mintiake turo Sodomu bata'a iha'ama iano Kotiba nora ko'ata tubina ata ibo aini kiabe." ²⁵ Bi entara Ihuba tiharo, "Tii Ooo aii autu bara bini uro, Nora bano narubai bata batai bata bira nanarae are ko'e irirahika irirara bataka'i kuke'atera bara o'ai'a kia irirahika bataka ata, baainti nati bo'arakera. ²⁶ Eiyo Tii Ooo ma bira aii abu'a ho'i bo. ²⁷ Eka hika tii Oba tii timira, aii'a kiama bainti bobano baainti tabero bira Oba ima tabero aii'a kiama bainti bobano tii Ora tabero, baainti bano aima tabero umi ero tarae nai kubai taira. ²⁸ Tiunanai aniate bainti nahenti taukae to'abu unkeha nora mara bare bariaka, tee nii ko'e o'ubirara ma nimiaina be. ²⁹ Tii maripo a'ubarera tii abatane bira nanarae tii tenta bamutubi keha iha abiha baiha aii'a bira'ima nee bata waheha baiba. ³⁰ Bira nanarae, nana hika tee nii nimi barate tuna bira nee ho'akema bareba."