¹ Ihuba boha ara ruba'ua nai kai'a bainti 12 kero bika aikaro nimiro ora aiho atara kero, bika a'ini barakera, aii'a bo bo aiha ho'i bata baata aiha bina ho'ira kempukara. ² Ihura kai'a bainti tuarupunabu bika autu. Abuni, Saimonira (bo autu Pitara), Andrura bira bakara; Jamisira Jebedira ma'u, aii'a Ionira bira ata; ³ Pilipira, aii'a Batalomira; Tomasira, aii'a Matiura monu barebai baintira; Jemisira Alpiusira ma'u, aii'a Tadausira; ⁴ Saimoniba Zialotira, aii'a Judas Iskariotira, Ihura bara nabuta nimi baintira. ⁵ Ihuba nai kai'a bainti tualpu nabu nitita kero, bika abu'ato nimiharo tiharo, "Kia Gentaili batana baina buate, aii'a kia Samaria tauni'ira buate. ⁶ Ira nee kakakia bi bai sipisipi kinai buate Israilini. ⁷ Nee biha, tiba kero tiharo,'naruba kindomu tubu aumai abibo.' ⁸ Imanta aiha bainti, utubuaka bara himpika, lepra aiha bara hiaka, ora aiho bano baika a'ini barakero. Nee umina bare umina ma boka bata nimiate. ⁹ Nee kia ma bo gorie bo silbae o monue nenta a'auta'i barate. ¹⁰ Nii kia bo uta bata nee bina o bo utaba'a o ai'u ira nanki bariara o nee kauru ara i nibariara, ta kai'a bainti bae nai kai'a kara barano. ¹¹ Taie nora taunie batuka nee binai, bainti taukae nii ho'ake nii bita arika rantate, bi nabu'i baiha ta entara bireka buate. ¹² Nee bo nabu'i ori'ete, bainti bira'i bariakara ko'e kuari abe tiate. ¹³ Nabu'i bariaka niara hobe bariate, kaibo nii iha'a bikoka bano bika hampata barieire. Bika kia nii bitai bera, nenta auha aii'a barate. ¹⁴ Taukae kia nii bite bika, o nii uba kia iriaka, nee bi nabura kehae o nora tauni ke biha, nenta ai'u atta ihai konkoma rinta iamakate. ¹⁵ U'ai'ake nii tiba nimuro, Kotira kobano anina entara, Sodomu bata Gomorai bata ani marara atta rakero ma tauni ra'ira mara bano aniano. ¹⁶ Tabate, tee nii sipisipi bo'ara ma akau bairi abutana nititauro. Mintira nee baireka memaru bano ko'e kero irikero bainteke bariate, aii'a baireka barusi antau bo'ara kia hahu'arua te. ¹⁷ Nee bainti nahentiara rauruate, nii bara batuka raikirauka nimira nii bika nai mono nabu'i buruke na'unta notahi taihi bobe. ¹⁸ Teriarao tima, nantiara nii bita bare gavanaka'ae kinika abu'a bibara, nee buru tiriara tabauna be tiba, aii'a kia arara tu'antara ka'abata. ¹⁹ Nii bara bika kau'u'i kaira, nee kiama norai ake iriate tenabu nantie tiaei nabe o nana arae uba tiaei nabe. Bira nanarae, nee bi'entara uba bika tiba nimira batebama. ²⁰ Bira nanarae, nee kiama uba tiba, ibo Nora Kempuka Aiho Bainti bano ma nii no'a hiro uba tiano. ²¹ Atabakaba ma nai atabakara nabuta kau'u'i kaira ma bira arukeba, aii'a ooba ma ma'u ata mintiro baainti bano nai noba ora aru utuano. ²² Eka bainti nahenti niara popoha ma biba, bira nanarae tii autu bano nii ata bairo. Ibo bainti tabae kekau kero bairaba eka enta bai mara urara ma barano. ²³ Bika nii nora tauni ira orai'a nimitaira, etakera bo nora tauni ira bua, bira nanarae nii u'ai'ake ma tiba nimuro, Bainti baainti bano nee kia eka Israeli nora tauni bibo ma tubuano. ²⁴ Bo disaipori bano kiama nai tisara atara kero, aii'a kia ma kai'a bainti bano nai ra'ikirara atara kero. ²⁵ Disaipori bano homa nai tisara bo'a riano, aii'a homa kai'a bainti bano nai ra'ikirara bo'a riano. Bika nabu orara tiha are Belsebul babe, bira orai ama iano bika bi autura taukae bira ira bariaka autu raimanta. ²⁶ Mintira kia nee bikara etate, bira nanarae bohaika kuke'abiro bairaba kiama mintia biro'ia bariano, nana hika kuke abiro bairaba o'ai'a ma buano. ²⁷ Nana uba nee enta tabara iriara, nee bira kuari ata tiate aii'a nana uba iha'ake tiba amiara, bira nee nabu ata barire naberai timanta iriate. ²⁸ Kia bainti taukae ma batara aru utu kekara etare, ira nee etareka bainti tabae baata bata mara'ura bata aru utu iha ira kai'na birara etate. ²⁹ Kia ma ina antau tarau boha monuanta'a bate? Iro kiama ina antau bika ihairo uminaha bobano utuano bika oba kia tabaira. ³⁰ Ibo nii oba eka ma kara ruatero, eka iata kahi. ³¹ Nee kia etate, bira nanarae nee nora hika be, ina antau bika bata atarama kabo. ³² Mintira eka tau baintika tii uba bainti nahenti abu'ata tika, tebata bira autu tenta oora abu'ata ma autu raina, narubai baira. ³³ Iro tabae tii autu bainti nahenti abu'ata kuke'aira ba, tebata bira autu tii ora narubai baira abu'ata kuke'ara ma. ³⁴ Nee kia mintiake iriate tee batai iha'a bikoka bare tuburo. Kiama iha'a bikoka bare tuburo, ibo ihai tara bantarai abai baira bare tuburo. ³⁵ Tee tubuna baainti bano nai ora nabutai'a ma iano, aii'a nahenti baainti bano nai norama nabutai iano, aii'a na'utu bano nai tonano kantiro nabutai iano. ³⁶ Bainti bora nabuta, bika nai bira nabu'i bariaka. ³⁷ Bainti tabae nai nora ora bo'akero antu'ariro tii inarai'a kero, kiama tii kai'a bainti bariano, aii'a bainti tabae nai orainti baaintie nahenti baainti bo'akero antu ariharo tii kia ko'e kero antu'ariba, kia ma biba ho'akero tii kai'a bainti iano. ³⁸ Bainti tabae kia nai baripo a'ubarero tii abatai raba, kia ma tii kai'a bainti iano. ³⁹ Bainti tabae nai aiho bara ko'e iraba nantiara bira kakakia ma kano. Ibo tere, bainti tabae nai mara ura kakakira ba nantiara ekara barieina mara urara ma barano. ⁴⁰ Bainti tabae nii bitairaba, biba tibata ma bitero, bainti tabae tii bitai raba, biba bainti tabae tii atitaimanta tubuna bira ma biba bitero. ⁴¹ Bainti tabae poropeti bo bitairaba, bira nanarae biba poropeti bano ma, poropeti miakara ma barano. Aii'a bainti tabae ko'e bainti bitaira ba, bira nanarae biba abu abu abi bai baintira, biba bi baintira miakara barano ma. ⁴² Tabae bainti bobano araka namai kapu ina baainti maka ihairo boru amina, bira nanarae bi bainti ba tii kai'a bainti bano, u'ai'ake nii tiba nimuro, kia ma bo ara bainti biba nai wahara ho kakakia kanaro.