¹ Pitaka Jonika bainti nahenti hampata uba tiha baumanta, pirisi bata iata bainti mono nabu'iraka bata Saitusi bata bikahanta bariara'a anura. ² Bika nora mara barora bira nanare, Pitaka Jonika bainti nahenti Ihuba utubiro a'i uri himpi ubara tibanimi baumanta. ³ Bika bikahanta kankauruake uatabare karabuhi nabu'ira berake ararara bikahanta barabeba kora, bira nanare entireba aumai'umanta. ⁴ Iboma bainti nahenti taukae bi ubara iriaka, bika mara'ura utubaro, bainti nahenti eka mara'ura utuaka 5,000 orubura. ⁵ Bi entara aitarobo nantiara, iata bainti bata lo arari bariaka eka Jerusaremini ruba'uara. ⁶ Pirisi iata bainti Anasiba bata baura, Kaiapasika Jonika bata, Aleksendaba bata, pirisi iata bainti antu bata bira'i baura. ⁷ Pitaka Jonika nai abutana bita baate, bika bikahanta ire tiha, Nehanta nana kempuka'a o tara autu'ae nehanta bihaikara minti bariabo?" ⁸ Pitaba Aiho bainti'a mpi'a biro, bika tibanimiro tiharo, "ne iata bainti bata bainti nahenti ai'i uti baria baintika batabe, ⁹ mintira bi entara, bika tinabu ire tiha nana ko'e kai'ae bi aiha baintira'a obarai ianobe ti, nana okararae bi baintiba ko'e'a buanarobe? ¹⁰ Ne bata Isireri bainti nahenti bata ne eka tabate ma bi autura Ihu Karaitira Nasaretini hainara, tarae ne taurinia katari'a orai'a kabaro, Kotiba bira matimati'i hairo a'i uri himpi kairabe. Bi autura'ama, bi baintiba ni abu'a himpiro baiba ko'e'a bibo. ¹¹ Ihura Karitira bira ne bainti nabu ka'e bariaka tauba'a utu amia orirabe, iboma bibama abunihaina oribano baibo. ¹² Kiama Kotiba bo autu'ata bainti nahenti bitanarobe, bira nanare, kiama bo autu naruba muntubi kero bainti nahenti abutana nimiro biba tinabu bitanarobe tibo. ¹³ Minti bika tabomanta Pitaka Jonika aikaro bano bo'a bata baumanta, bika tabebe, bika rantu'abi tiha bikahanta kia sikuru bata tiakabe ti, bika tabebe Pitaka Jonika baaka Ihura batake bariakabe. ¹⁴ Kia bika bihaikarara bo uba bata tiarabe, bira nanare, bika tababo bi baintira tabae ko'e'a biba bika hampata himpiro baumanta. ¹⁵ Minti bika taara kai'a bainti tibanimi tiha kansolu batake ruba'ira a'irake hanta buate ti, bika nai abutana tibaura. ¹⁶ Bika tiha, "Tenabu ma tara bainti nantiae karabe ti? Bikahanti mirikori autuamanta eka bainti nahenti Jerusaremini bariaka tabamatabo ti; kiama tenabu bihaikara kuke'a karabe ti. ¹⁷ Mintiro bi ubaba kia bainti nahentini buirera, tenabu bikaini kempuka etara uba tiai kia e'a bata bi auturara anirante tiate ti." ¹⁸ Bika Pitaka Jonika aara berake, bika kepukai'ake bikahantara tiha kia nehanta Ihura autu e'a bata bainti nahenti tibanimiate ti. ¹⁹ Minti tumanta Pitaka Jonika bika tibanimi tiha, "Ne nenta rairake tabate. Bira hoe Kotira abu'a bariano ni ubae abatarabe o Kotira ubae abatarabe. ²⁰ Kiama tenabu uba tiaina'a no tintate bairabe nanahika tenabu tabe, tenabu irunarara. ²¹ Pitaka Jonika boki raurira uba tibanimi, bika a'ira komanta bikahanta bura. Bika bikahanta orai'a nimitare ti tabobaro kia bikahanta a'u haika mintura baura, bira nanare nanahika bano obarai ura tabe eka bainti nahenti Kotira autu tuahereha baura. ²² Bi baintira tarae ko'e abura, bira ihi bano 40 ataroba. ²³ Bihaikara nantiara bika Pitaka Jonika a'ira komanta bura, bikahanta anirante nai bainti nahenti inaini bi ekahika pirisi iata bainti bata iata bainti bata bikahantara tiara bika bata tibanimura. ²⁴ Bika bi ubara iri, bika no boha bate naberai tibake Kotira areha tiha, "Nora baubo, are naruba bata bataa bata soluwara bata, ekahika bira'ira bai haikara mintia tarababe ti. ²⁵ Aiho Bainti kempuka'a, are nena kai'a bainti Devitira tinabu ora no'ahira tiha, 'Nanahikare haideni arara'ite bariamanta, bainti nahenti ba'u haikara iribariabo?' ²⁶ Are tihabo, "batai haina kinika nai ani boha ruba'ua bimantama iata bainti bata ruba'uabima Norara bata, bira Karaitirara bata ora uba tibaibarabe tianabe.' ²⁷ Bi ubaba u'ai'ma ibo, Herotiba bata Pontiasi Pairati bano bata haideni bainti nahenti Isirarini bariaka bata bika nora tauni'ira ruba'uabi bika Ihura nabutai ibariara, ai abu abu kai'a bainti, are nenaini'a tanara. ²⁸ Bika ani ruba'uabi ekahika are haru kubai tairaba obarai iainarara tibaura, kempuka'a bata nena antu'a'a batabe. ²⁹ Mintima, Nora baubo, are eka bika aurira uba tabataro, are nenama kai'a bainti tiba nimira tiha ne eka aikaro batake kempu kai'akema bi ubara tiate tiaro. ³⁰ Nena kau'u robara baraina baintira'a batairo ko'e'a bira bo kai'a bokai'a bata maki bata nena abu abu kai'a bainti Ihura autu'a mintinabe." ³¹ Bika nunabu tiba tai'a baro, bika bi batukara'a ruba'uabi nunabu tiara'a batura bano utibaro eka bika Aiho Bainti'ira mpi'abi, bika Kotira uba aikarora batake tibaurabe. ³² Airu bainti nahenti taukae mara'ura utuaka boha auha irirahika bate baura. Kia bika'i hairo bobano tiharo nanahika nai batai haikarara nai ihaikarabe tirabe, minti bika ekahika rairakeha boha barebaura. ³³ Nora aikaro batake, kai'a bainti nanahika tabora tiba o'ai'ake Nora Ihuba uri himpurara, bira nora a'urihaka bano eka bika'a baura. ³⁴ Kia bainti borubanoe o nahenti borubano bika abutanahi bohikara bata abo'ura, bira nanare, eka bainti taukae inarahika bataka bataae o nabue bika sarimi'a keha mone bare ani baura ³⁵ bareha biri kai'a bainti ai'u'i batebaura, bika bi monera rairakeha mara'ura utua bainti nahentika abo'ia makira'a nimibaura. ³⁶ Bo bainti Josepiba Sapirusi batuka'i hainaba Libai antu'iraba, tarae kai'a bainti bira auturareka Barabasirabe tiaba. (Bi autura okara mantiroma baibo, Baiinti bano bainti auha kempukai'a nimite baibabe), ³⁷ Biba bataa boru bo baint sarimi'a kero mone barero kai'a bainti bika ai'u'ira buru batora.