¹ Bo bainti bira autu Ananaiasiba, nai naata Sapaira kantiro, bataa sarimi'a kero mone barake, ² bikahanta hiniki monera a'i naihanta kuke'ake uate (bira naata bano tabero) hiniki monera barero kai'a bainti ai'u'ira buru batora. ³ Mintubo Pitaba tiharo, Ananaisio tiro, nantiboe Sataba ai auha'ira mpi'a biba Aiho Bainti una'ara tibakaro, hinikira batta mone nena a'i uataro? ⁴ Are kia sarimi'iaro, kiama bihaikara baireba ariana baibo, nantiara are sarimi'akera, kiama bihaikara are ra'iki taro, Nantibae are bihaikarara irira nena auha'i kuke'a taro? Kiama are bainti una'ra tiaro, mintibama Kotirama are una'ara tibakaro." ⁵ Bi ubara iriharo, Ananaiasiba hi'iriro ekara aiho barero utubura. Nora etara hikabano tau bainti nahenika bi ubara iriaka uata barora. ⁶ Ubara bainti uri bira rabara'era nohai rumpake, bika bira untareke bare buara. ⁷ 3-nabu aua nantiara, bira naata bano uri'etero, kiama biba tabaibo nanahika bano obara'ira. ⁸ Pitaba bira tibamiro tiharo, "Ti tibatimiane, ne ma bi monera'ae bataa sarimi'a kabo o kia." Biba tiharo, "Eo, ho bi mone naburabe tiro." ⁹ Pitaba bira tibamiro tiharo, "nantie nehanta irirahika tatauke Kotira Aiho aba'abo? Bainti tukae ai baati untaka ai'u tabane, birama enta'a himpuabo, bika ai batama bare bebarebabe. Totara biba bira ai'u'ira hi'iriro, ekara aiho baromanta, ubara bainti uri'ete tababo biba utubumanta, bika bira bare nai baati aumanto bira bata untatora. ¹¹ Nora etara hikano mono tia bainti nahentikaini anura, taukae eka bihaikarara iriaka bata. ¹² Airu mirikori bata bohikabohika bata kai'a bainti ka'u'i hairo bainti nahenti abutana obaribaura. Eka Solomoniba kaba'ara arakero mono nabu ka'a tora'ira baura. ¹³ Kia bobano bata kempuka irirahika batero bika abatora; mintumanta bainti nahenti ko'e okara bika numi'ora. ¹⁴ Airu bainti nahenti mara'ura utuaka Noraini anibaura, airu bainti nahenti bata, ¹⁵ minti bika robara baraka bitebare tauni ara'a muntu tariba'a bu'ike robaraka baiteke Pitaba aniaina aratuna bata airu tari bu'i taibo, bira mara'ura bano bika hinikika'a hi'iruaire ti. ¹⁶ Hinikiaka nora bainti nahenti Jerusaremi tauni aumantohai ani ruba'umabi, robara bara bainti nahentika bata ora aiho bano oarai'a kaika ntinta bare anura, eka bika ko'e'i bura. ¹⁷ Minti iata bainti himpi, taukae bira batake bariaka Saitusi ora irahika bano mpi'a bumanta ¹⁸ Bika kai'a bainti tatauke uata bare, bika bitake eka bainti karabusi nabu'ira berakora. ¹⁹ Mintibo enta'ira Nora ankero bo bano karabusi nabu enta antuakero bika baha'aini bita bebakero, tiharo, ²⁰ "Mono nabu'ira oru himpi eka bainti nahenti minihainara eka uba tibanimiate tiro." ²¹ Bika bi ubara iri, aatite baumanta bika mono nabu'ira ori'ete bika tibanimi baura. Mintibo iata bainti bano animanta taukae bira batake bariaka, eka nora bainti boha naara ruba'uake, eka Isirarini haina bainti nahenti iata bainti bata, bika nititake karabusi nabu'ihai kai'a bainti bitate ti. ²² Kai'a bainti bi, oru karabusi nabu'ira rantomanta kia bika baumanta, bika anirante bi buru bika tibanimi tiha. ²³ Tenabu oru tabauro karabusi nabu entabano ko'ekero tintabiro baibo huru bainti enta'a himpi baribo, tenabu enta antuake, tabauro kia borubano bata bira'ira baibo." ²⁴ Kepteni bano mono nabu'ira bata pirisi nora bainti bata bi ubara iri, bika airu abuato iriha nanahika banoe tinabu'a obarai ianobe ti. ²⁵ Bo bainti bano aniro bika bi tibanimiro tiharo, "Are karabusi nabu'ira batara baintika bika mono nabu'i baihama bainti nahentima uba tibanimi bariabo tiro." ²⁶ Mintibo kepteni bano kai'a bainti hampata bi, oru bika bitaka anura, bika kia bika orai'a nimitora, bira nanare, bika bainti nahentiara etake ori nohai ariborabe tibake. ²⁷ Bika bikabitake ani, bika kansori abu'a ani himpi. Iata bainti bano bika irero, ²⁸ tiharo, tenabu ni no'a bukama batauro kiama bi auturara e'a bata tiate ti, mintira, ne bi ubamarara nohai Jerusaremi batuka mpi'a kaibo bi baintira nare bano tinabu'ata bariantorabe ti." ²⁹ Mintimanta Pitara batake kai'a bainti bika aniranate tibanimi, tiha, "Tenabu Kotirama abatarabe kia baintiaube ti." ³⁰ Kotiba tinabu na'ura ova Ihura uri himpi kaiba, tarae ne bira arukara, ne taurinia katari'a orai'akaba. ³¹ Kotiba bira bitakero nai kau'u tanarai batairo biba Kini'a biro Bainti kaha'iraba batama barianobe, Isirari batana auha tu'antra arara nimirebabe, kumi bi'i baria arara bata. ³² Tenabuma bihaikara tabatauro, Aiho Bainti, tarae Kotiba nimiro nai abataka." ³³ Kansori ruba'uabi bi ubara iri, bika arara'iteha kai'a banti ntaihareka. ³⁴ Iboma Parisi bainti bo bira autu Gamarieriba, biba lo tibanimi barika iata bainti bano, eka bainti nahenti bira bebarai bariaba, biba himpiro kempu kai'akero kai'a baintiara tiharo abo entau baha'a bebarebe tiro. ³⁵ Biba bika tibanimira tiharo, "Isirari batana baintibe, ko'eke iriate ne nanahikae irirahika tatauke ma bi bainti nahentikaini mintireka iara. ³⁶ Boki entaba aitarobaro, Teudasiba himpiro biba nai bo'ari baintiba, airu bainti bira abatora, 400 aumanto bira abata'i bura. Bika bira arukamanta, taukae bira abataka, a'irake biro'aniro buabo kia bohika bano bata obarura. ³⁷ Bi baintira nantiara, Judasiba himpiro bainti kararua entaba anibo biba hinikiaka bitaimanta bira abatora. Biba bata utubumanta, eka taukae bira abata'i buka eka biro aniro bura. ³⁸ Bate te niarama turo, bi bantika niarai'abi a'ira bika kate. U'ai'akebe, bi irirahikaba o kai'a bano baintini hairo aniare tibo, biba hi'iriro orai'ama bitiri. ³⁹ Iboma, Kotirai hairo animanta, kiama ne bika hi'iruakatiri, ne anirante Kotira batakema ra'uatiri." Minti eka bika boha auha batora. ⁴⁰ Minti bika kai'a bainti aara berake bika ru'utiha, bika tibanimi kia Ihura autuara tiate ti, tibake bika a'ira komanta bura. ⁴¹ Bika ruba'uatara bira'ihai uahara batake aitare biha tiha tenabu uahauro ti tenabu bi auturara. aihahika baraunabe ti. ⁴² Bira nantiara, eka enta, mono nabu'i hairo bata nabuburu bata bika a'i bainti nahenti tibanimi tiha, Ihura bira Karaitirabe ti.