¹ 3kiroki eromanta Pitaka Jonika mono nabu'ira nunabu tireka orubumanta. ² Bika bo bainti ai'u kau'u bano utubira bitabare mono nabu enta aumantoka biri batora, bira'a auturareka ko'era'abe tiara'a, bika bira bira'a bataibo baiharo taukae mono nabu'ira ori'etaika monera naruaireti. ³ Biba baiharo tabomanta Pitaka Jonika mono nabu'iara ori'etareka ubaro, biba bikahanta monera iromanta. ⁴ Pitaka Jonika bira biri'ira abu abu'ake tabeha tiha, "Tihanta tabane ti." ⁵ Bi baintiba ai'u kau'u uti biba Pitaka Jonika burubi tabero biba tiharo bikahanta ti bohika timikabe tiro. ⁶ Mintubo Pitaba tiharo, "Kori bata siba bata kiama te batauro tiro nanahikae te batainama ai amirabe tiro. Ihura Nasaretini hainara autu'a himpira buana tiro. ⁷ Pitaba bira kau'u tanarai uata barero himpi kobaro. Totara bira ai'u buhari bano kempukai'ama bura. ⁸ Bi baintiba ai'u kau'u utu buba totara himpiro bura, biba Pitaka Jonika hampata mono nabu'ira ori'etero, biba ra'ubi ra'ubi haro Kotira autu tuahere baura. ⁹ Eka bainti nahenti tabobaro bi baintiba himpiro niharo Kotira autu tuahere baura. ¹⁰ Bika tabebe bi baintiba mono nabu enta aubahini o'ubiro baiharo monera nari baiba bika tiha Ko'era'abe tiara'a, nanahika bano bira'a obarai'ura tabe bika rabuku bura. ¹¹ Biba Pitaka Jonika hampata baumanta, eka bainti nahenti rabukubi kante Solomonira nora uahara enta'abe tura'a otubura. ¹² Pitaba bira tabero, biba bainti nahenti tibanimiro tiharo, "Ne Isireri batana bainti nahentibe, nantie ne rabuku buabo? Nanahare ne kempu kai'ake tihanta abuana autu'i bariabo tehanta mintia kairo biba kempu kai'akero tehana mono tiaina okarara abatanarobe tie iabo? ¹³ Ebarahamura, Aisakira, Jekopura Kotiba bata tinabu oka Kotiba, biba nai kai'a bainti nora autu amibo, bira Ihurabe. Ne bira tauba'a utu'ami bira bitabare Pairati abu'ata buarabe, biba iritero bira a'ira karebumanta. ¹⁴ Ne nenta bira Taku'ira Abu Abu Bainti tauba'a utu amiarabe kia a'uhaika bata bai Baintira, ne bika ire tiha bainti bano bainti aribaina baintira a'ira barakaibo buaire tiarabe. ¹⁵ Ne bainti tabae mara'ura nimibai baintira arukarabe, biba utubibo Kotiba bira a'ima urihimpi kaibo, tenabuma bihaikara tabatauro. ¹⁶ Mintira ne bira autu'a mara'ura utute bi bantiba kempukai'imanta bate ne bira tabarabe. Bira u'abe, biba nai mara'ura utiboma Ihuba bira baata eka ni abu'ama ho'a kaibo. ¹⁷ Mintiboma atabakaukabe, te tabebe ne kia tabarai ti bi okarara mintiarabe. ni iata bainti bata mintiarabe. ¹⁸ Iboma ekahika Kotiba tota poropeti no'a hiro tibakero tiharo, Ihuba aihahika baranobe tiba, bihaikaba bate obarai'ibo. ¹⁹ Mintira ne auha tu'antare kumi okara tauba'a utu amibo, Kotiba ni kumi bi'u nimitaire. Mintibo Nora bano nini tubiro ni kempuka nimiaire. ²⁰ Biba Karaitira barakaira, birara niarabe tirabe, bira Ihurabe. ²¹ Bira bohai'ama tabae naruba bini bairaba bitakero uatatero beta Kotiba arakahika himpi kaina'a uatero barianarobe. Bihaikararama, Kotiba baka aitaror'a abu abu poropeti no'i hairo haru tibakorabe. ²² Moseba manti tibakero tirabe, 'Kotiba Nora bano ti bo'arina poropetirama atabakauka ni abutana obarai'a kanarobe. ²³ Biba ni abuta baintima barinarobe. Tabae bi poropetira uba iriro kia abatairaba biba orai'ama buanarobe. ²⁴ U'ai'akema turo, eka poropeti Samueliba baira'a hiro ma bate anira'a, taukae bira nantira obarai'iaka, bika bata boha'ari ubara tibake tiha, bika eka nanahika bano bate obarai iainarara tibatorabe. ²⁵ Ne poropeti baintiti bariaboma Kotiba ni hampatama nai kontarakiara ni hampata uba tatauruanarobe, ni na'u tato batabe, biba Ebarahamu kantiro bata mintirabe. Ai bainti ihaima eka bainti nahenti batai baika aiho barebarabe.' ²⁶ Nantiara Kotiba nai kai'a bainti uri himpikeroma, biba bira ni inai nane barakairo tubiroma biba ni aiho'a nimitairama ne eka auha tu'antarema kumi okara a'ira kebarabe.