¹ Festus ba provins ira ai'etero aii'a tarau-bohau kuari abu nantiara Sisaria kero Jerusalem orubiro. ² Iatapris bata iata bainti Juda hainaka bika kekauke Festus ra ireha Porurai uba tiha. ³ Bika bira ireha eotira bika Porura arana babike arukareka Jerusalem mini bireba orubira. ⁴ Festua ba bika tiba nimiharo, bika Porura Sisaria wate kia bukai naima mini oru buano. ⁵ Biba tiharo, "Mintira tauka ho'ika tinabu batake mini orubuate. Aii'a bii bainti orahika mintirera bira ko amiate." ⁶ Bira nantiara Festus ba kia 8nabu entanabu'e o 10nabu kuari abu bairo, aii'a biba Sisaria otubiro. Aii'a bo enta, tainta ata o'ubira ko irireba, biba timanta Porura bitabare tubuatera. ⁷ Poruba tubu himpi manta, Juda batana Jerusalem bariaka bira aumanto himpi, bika airu mara uba tiha bira nana okarara ranteha. ⁸ Poruba anirantero nai kaho iaina tiharo, "kia tere bo mara Juda lo bantarai minti o tempol bantarai o Sisa ra autu bantarai." ⁹ Ibaro Festus ba biba Juda birara wahatera, mintibo Porura uba nai tiba amiharo, "Are Jerusalem mini orubi'e aii ko ma bihaikarara irira?" ¹⁰ Poruba tiharo, "Tere Sisara abu ata himpi, bika tiri ko iriatera." Are bira ko'ekera ma tabatarao, kia tere bo mara bo Juda baintini minturo. ¹¹ Minti'e tere bo mara minti'e aii'a bo mara bira tere utuaina bira ata, hobe kiama tere bo uba baibo. Mintiro bira uba tiriara tiara bira kia u'a bairera, kiama bainti bobano tii lo kau'u ira bara batano. "Tere Sisara irauro tii ko iriairera." ¹² Festus ba kausol hampata uba tiba iriro bira nantiara, bira tiba amiharo tiharo, "Are Sisaba aii uba iriairera tiana, mintira are Sisa binai buane." ¹³ Hiniki kuari abura nantiara, King Agripa ba bata Benais ba Sisaria ani Festus ra tabe wahara uba tiba amitareka. ¹⁴ Mini airu enta barikero, Festus ba ma ubara Porura ko amireba kini binai barakero tiharo, "Felix ba kalabusi bainti bo'ara bainti bo kero. ¹⁵ Tere Jerusalem mini bauna, Juda iatapris bata iatabainti ma baintira ko biri ami tii ata, aii'a bika ko ire e'otira bira bara orai'akareka. ¹⁶ Tere bika uba nai tiba nimiha tiha, kia bira Romu okaraube bainti bo bara nabuta kau'u ira nimira bira arukera, kia biba bo uba bata tiharo nai uba bara kaha iainabainti taukae bira ko amikaini. ¹⁷ Minti manta tibatake ma'i ani ruba'uabi, kia tere bekai una, ibaro bo enta tere ko tiara ata oru o'ubi, bika tibanibura bainti bira bitabare uri'ete. ¹⁸ Bainti taukae bira ira uba bataka uri himpi ko amiamanta, tee mintiake irunama, kiama bo uba ma bira tiara ihairo mara baibo. ¹⁹ Imanta bika nai monobakaka tiara ihaina mara hinikira birara tiha, aii'a Ihura bainti tabae utira, bira nanae Poruba tiharo tee a'ima aiho bauro tira. ²⁰ Kiama tee kanko uro ara okara bira rantake tabera, tere bira irauro bira biba Jerusalem mini biro ko oru ma bihaikarara iriaina. ²¹ Ibaro Poruba tee irero karabusi nabu ira baiharo Sisara bekai iro bira ko ani iriaina, tee turama bira wate karabusi nabu ira i'e barakairo Sisa binai buairera. ²² Agripa ba Festus ra batakero uba tiro, "Tere bata ma baintira uba irirerabe." Aii'a Festus ba tiharo, "Hurama are bira uba irinabe." ²³ Mintibo bira arara, Agripa ka Banais ka ruba'ua batukara ata tubua manta bainti nahenti nora wahara ata baiha, bika ami opisa hampata nora bainti nora tauni irauka ruba'uara ira ori ete. Aii'a Festus ba naberai timanta, Porura bitabare bikai tubi. ²⁴ Festus ba tiharo, "King Agripa ba bata eka bainti nahenti taukae ma'a tinabu batake bariaka, ni'ihairo tabae ma baintira tabero, eka Juda bainti nahenti taukae ma ubara tibatake iriaka Jerusalem mini bata ma'ata bata, bika tini naberai tiha ma bainti ba totara utubuaire. ²⁵ Tere tabauro ma bainti ba kia bo mara mintibo bira biba utuaina, ibo bira nanarae, biba Sisa ra irero tii kaha'iane,minti manta ma tere baka irima tauro barakairo buaina. ²⁶ Imanta kiama tee bo ko'e uba araruakairo Sisa binai buainara. Bira nanarae, bii irirahikarara, tere aini bitabare anuro, aini king Agripa ba bira tee airu uba araruaina bata baimanta ma mararara. ²⁷ Bira nanarae, bira kiama ho bariano tere karabusi bainti bo barake kia uba abuni barakarai bira nana okarara bira ko amiara."