¹ 5nabu kuari abu nantiara, iata bainti Ananias ba hinikia iata bainti, no bainti bika Tetulus batake bika gavanara ata bi Porura ko amireka. ² Poruba biba gavanara abuni oru himpiro, Tetulus ba Porurara gavanara tiba amiharo, "Gavana o are bariararoma ko'e o'ubira bata iha'a bikoka bata baibo, are ko'e hika barera ma kantrira ira anianabe." ³ "Nora bainti Feliks o, ma bi okarara tenabu ai ko'era be tirerabe, bira nanahika mintianarara. ⁴ Aii'a kiama ai bo mara bata amira, imanta tere ari iraira ko'e bikokara batakera ti uba irianerabe. ⁵ Tenabu tabauro ma baintiba mara Juda batana abutana barero anira, ra'i tirori uba ra'e iaba eka Juda barianai biro-aniro ibo. Ma bibama Nasaret abuni'i bainti babe. ⁶ (Aposel 24: 5-8, harua buku ira ma ubara obarakara, "Eka ves 6 ahiro 7 bata 8 bata (araruatara taba) Aii'a bira aumantaka ma mono nabu konkomai'a kanobe, minti mantama tenabu bira watabare ko amuro. ⁷ kia rantabo ⁸ Ne Porura ma bihaikarara irara, nebata tabe'e nana okarara bira ko amiara. ⁹ Aii'a Juda batana ko abutana bariaka bika bata birara ti, bika tiha, ma bi ubara Tetulus ba tira bira u'abe tibo. ¹⁰ Gavanaba aka kero Porurara uba tiaire ibo Poruba bira tiba amiharo tiharo, "Tere ai tabauro are ma kantrira jas bukai barianabe. Minti manta tee wahauro tenta tiba ai'ata o'ai'akarera. ¹¹ Are bira ira rantakera tabenabe tere kiama12-nabu enta bata atarauro Jerusalemini mono tuna. ¹² Bika tii mono nabu ihai rantake, kia tee bokanti tiroruna, kia tii abuni'i bokahampata mara batarera mono nabu'ie bata ma nora tauni ira bata. ¹³ Aii'a bateta, bika kiama tabae nai abu tabaira tini bo uba tira tii ko timira. ¹⁴ Imanta tee abu-abu ake ai tiba amirerabe, bira u'abe tere mono unara Kotirai tinabu okabara mono iara ata, bira u'ama tee Ihura uba abatake bira abu abu ake lo bata profet tibatara abate. ¹⁵ Tere kempukai'ake ma Kotirai mara ura uturo, bira bainti maka bata utu buaka uri himpira bekai'iara, bira abu abu bainti bata ora bainti bata. ¹⁶ Ma bii aarara ahima, tere ko'e irirahika barebauro Kotira abu atahi bata bainti hai bata eka hika tere mintuna. ¹⁷ Bateta airu ihi aitare bimanta, tere ofa bo'ara bata'ahina monu bare anuro. ¹⁸ Bira mintuna, hinikiaka Juda Esia bariaka tabe mono nabu'i Nora abu ata tenta bara abu'abu ake, imanta tere kia bainti mara bara o'ai ibariaka hampata boha bai. ¹⁹ Minti mantama bainti bika ari abu ata himpi tiri ko timira tibake, bira bika uba bataibera. ²⁰ Bira kia ibera, bainti bika tere nana hika mintuna tabaibera tere kaunsol abu ata Juda batana ruba'uara ata. ²¹ Bira kia irera, bohika bairoma tere kekauke tunara bii entara, bira bika abutana himpi. Bira utubiha a'ii uri himpi baria ubara, bii ubaura'i tuna, Bateta bii ubaurakara ma tii ko timi. ²² Gavana Felix ba eka uba aranahiro ma barero, mintibo imanta ma Juda bekai'i. Gavana ba tiharo, ta entara komanda Lisias ba tubiroma hanto ararai ko bira bara biti batano. ²³ Bira nantiara soldia tumanta Porura ra'ikiatera. Aii'a bira nantiara Porura iha'akero kiama bo lobano aii wataibo tiro bira aro'o a'ima ani tabeha kaha'iba. ²⁴ Hiniki kuari abu nantiara, Felix ba nai nata Drusila kantiro aniro. Drusila ba Juda nahenti bano. Uba baraibo Poruba tubu Felix rara Ihu Karasirai mara ura utuarera. ²⁵ Ibaro Poruba abu abu okara uba bata nai batta antu'a raikitaina bata Kotira ko, Felix ba bo'akero etakero Porura tiba amiro are buane, nantiara kuari abu bairera ma aii'a ararabe. ²⁶ Bii entara'i, biba nai mintia kero iriro Poruba bira hiniki monurama amianobe tiro, mintibo biba airu enta Porura areharo bira kairo buairera. ²⁷ Ibo tara ihi nantiara, Posius Festus ba Felix ra batuka barero gavanai'a biro. Felix ba Juda arara orai'ireba, mintibo biba kaimanta soldia Porura raiki.