¹ Poruba kaunsoro kai'a baraka abuana tabeharo tiharo, "atabakauka be, Kotira abu ata tere betaihai abu-abu abi ko'e irirahikara batake ma bateta anuro." ² Iata bainti Ananaias ba bainti aubanto bariaka timanta Porura no ru'emake. ³ Poruba bira tiba amiro, "are tubika'ahina hanta peni bano be, Kotiba ma aii aurubu ru'e kano, are lo abatauro tihae uba ra'ebaira, are tiriara lo rauhaibo tirae tii umina ru'ekareba?" ⁴ Bainti aumantoka bariaka tiha, bira are nanarae Kotira hetprisiara ora uba tiarao?" ⁵ Aii'a Poruba tiharo, atabakauka, kia tere bira kanko'uro biba hetpris baira. Kotira uba'i mintia kero tirabe, kia nena norabaintiara ora uba tiba amitane tirabe." ⁶ Poruba ranta kero tabaubo kansoro bika ira hinikiaka Sadusi iamanta hinikiaka Farisi, mintibo biba naberai tiba kero kaunsoro tiba nimiharo tiharo, "atabakauka, Tere Farisi bainti ma'u aii'a tere bata Farisi. Tere kempuka irirahika bate bainti utubuaka himpi'e tabarera. Minti-manta ma tere ko'ata himpi." ⁷ Biba minti tiba kaibo, abutana hiro tu'abubiro Sadusi abibo Farisi abiro nai uba e'oka bare. ⁸ Bira nanarae Sadusi tiha, bainti bano utubiraba kiabuma aii'a uri-himpiro aii'a kia ankero bata spirit bata bariabo, ibo Farisi tiha eka bika bariaboti. ⁹ Mintibo nora tirorira ubaba imanta Farisi irirahika bainti himpi kekauke tiha, "Kiama tenabu ma baintira'ihai bo orahika bata rantakauro?" Aira bo aiho banoe o bo ankero bano tirama iano?" ¹⁰ Soldia abuhaina bainti bano tiroriara iriro, biba etakero bainti bika Porura ariborabe tiro, mintibo biba soldia baraimanta bika ani Porura bitabare buru kempuka hoha ira buruke. ¹¹ Bo enta'ira Nora bano Porura aumantoka tubu himpiro tiharo, "Are kia etane, bira nanarae are tee autu Jerusalemini tira ai'a Romuni bata birara'i buntu tiane." ¹² Bo to'arira, hinikia Judaka ruba'uabi kempuka uba rumpake tiha, bika kiama tenabu bo karabata nararai a'i baima Porura arukema narabe. ¹³ Bainti bika bira 40 atarake uba rumpara. ¹⁴ Bika iatapris iata bainti ata bi tiha, "Tenabu tentanabu bara bo kempuka uba'i bate tiha tenabu kia kara narai Porura arukema kara narabe. ¹⁵ Mintira nee kaunsol buru abuhaina opisa tibanimira bika bira bitabare tubira bira nee nenta ko'eke bira ko rairate. Tenabu heno abima baira bira arukarera ma'ata tubi'e." ¹⁶ Mintibo Porura bira aura baainti bano(naunti) uba tiara iriro una'aramake Porura arireka. Mintibo biba kempuka hoha ira buru bira tiara Porura tiba'amiro. ¹⁷ Poruba bo soldia arakero bira tiba amiro, "Ma baina'uara bitabarera abuhaina opisa ata buane, biba hinike ubara batero bira tiba amirebabe." ¹⁸ Mintibo soldia bano baina'ua bita barero abuhaina soldia ata burukero tiharo, karabusi bainti Poruba tibanta ma baaintira bitabare aini ururo, biba hiniki ubarama ai tiba amiano. ¹⁹ Abuhaina opisaba bira kau'u wata barero buru aubahini kero bira irero, "Tibatimiane nana uba tireba ina?" ²⁰ Aii'a ubara bainti bano tiharo, "Juda bainti uba rumpake hura ai iraiba Porura bita barera kaunsol iara ata otubuanera. bira ata ko'eke bira ko rairake tabareka. ²¹ Mintira are kiama bika uba iriane, bira nanarae 40 bainti atarakema bainti kuka'abi bekai iha baiba. Bika nai kempuka uba tibate tiha tenabu kia namaie o karae nararai Porura arukema narabe. Bika hino abima ainihai hobetina irirekabe." ²² Abuhaina opisaba bira irirobira nantiara ubara bainti kaikbo bibo, bira raurira uba tiba amiro tiharo, "kiama bainti boru bata tii tibatimina tiba nimiane." ²³ Biba tara opisaka nara birikero tibanimiro, "200 soldia heno'amakaira Sisaliani buate. 70 soldia hosi ata bika bata 200 soldia beba i'oka ra'ika. Enta'ira 9 kilokima bibabe." ²⁴ Biba tibanimi manta Poruba buaina hosira bata heno'i. Porura ko'eke ra'ikibare gavana Feliks binai buatera. ²⁵ Aii'a biba bo ara artuba kero tiharo. ²⁶ Tere Klaudias Lisias ka ko'e entabe turo nora abuhainagavanara Feliks ra. ²⁷ Juda batana ma baintira watabare bira arukarekabe. Tebatake tenta soldia batake bira kaha'ura. Tee bira rantake tabauro biba Romu bainti bata okara banobe. ²⁸ Tere rantake tabarera nana okararae birai uba tiabo, minti manta tee bira bitabare bika kaunsol bura. ²⁹ Tere bira ira tabaura nai lo birarama biraini uba tiba'i buabo. Ibaro birara tiara kia okara baira bira bara karabusi ake'e o bira arukera. ³⁰ Bira irura bika ora irirahika bate ma baintira arukarekabe, minti mantama totara barakauro ariananai bibo, aii'a bainti bira ko amiaka bata tibanimi mini ai biri ata buru tiatera. Ko'erabe." ³¹ Soldia abuhaina opisara uba abatake enta'ira Porura bitabare Antipatris otubi. ³² Bo to'a'ira hinikia soldiaka Porura batake hos baraka. Bika kempuka hoha ira bi. Hosi bara'i nuaka Porura batake bi. ³³ Sisaliani bi, gavanara pepa ami Porura bata bira biri ata himpike. ³⁴ Gavanaba pepa bira kararua kero, Porura irero, are ta provinsi iharabe? Poruba tiharo, tere Silisia haibe. ³⁵ Aii'a gavanaba bira tiba amiro, "bainti taukae ai ko amika ani'e ma nii ko eka rairarabe." Aii'a biba bika tiba nimimanta bika king Herotira nora nabu'ira Porura raikiara.