¹ Tii atabakauka okabara, nenta ato bate uba tiaina iriate, tiriara tibariakara turo." ² Bainti nahenti iriabo Poruba Hibru uba ihairo timanta bika no tintake ebara baiha. Biba bika tiba nimiharo tiharo, ³ Tee Juda bainti be, tii noba tii Silisia provins Tasesini batataika ma, imanta tere ma nora tauni ira Gamaliel aii'u ira sikuru barauna. Bika tii eka na'uka bara uba abataneti tiba timiara, minti manta tee Kotira eka nee abatanteke abatauna. ⁴ Minti manta tee kristeni taihemauna, bainti nahenti raba'abukeha karabusi ibauna. ⁵ Hetpris bata iata bainti bata tibabe tee bika ihai pasi bareha Damaskas biha ma arara Jerusalem abata bainti nahentika watabareha hahu'arua kebauna. ⁶ Minti manta tee biiro Damaskas aumai'uro bero ibo, totarabata atahira bobano narubai hairo tubiro tubu tii uturanta kero. ⁷ Tere bataini hi'iribi iruro bo nobano narubai hairo tiharo, 'Soruo, Soruo, bira nanarae are tii bara orai ibariarao?" ⁸ Tere bira tiba amiha tiha, "Nora baubo are tababe." Biba tii tiba timiharo, "Tere Ihu Karaitika Nasaretini hainaka ma are tirima orai ibariarao." ⁹ Bainti tiri batake bariaka atahira tabara, imanta bika kiabu iriara bo nobano tini uba tira. ¹⁰ Aii'a tere bira tiba miha tiha, Nora baubo'o tere nanahikae are antu'arina mintira be? Nora bano tii tiba timiharo tiharo, are himpira Damaskasini biro binihairo bainti bobano ma are nanahika mintina tiba amianaro. ¹¹ Abu impa bimanta, bira nanarae kempuka oba bano abu aribo, minti manta bainti tibatake buake tiri kau'u wata bare Damaskas buara. ¹² Mini bainti bobano ani tii tabaira, bira autu Ananaias, bii baintiba nai bara muntu bikero Kotira eka lo abatebaiba. Biba ko'e autu bata bainti bano Juda batana mini bariaka abutana. ¹³ Biba ani tiri aumantoka himpiro tiharo, "Ata bakaba Soruba, aii'a tabenarabe, bira ata tiri abu rampai bimanta bira tabauna. ¹⁴ Biba tiharo, Tinabu na'u tatora Kotiba aii kubai kero nai bira antu'a abatanera, mintiboma ari abu-abu bainti umi'ero, iba bira no irira. ¹⁵ Minti boma biba ariara nanahika tabera irina eka bainti nahenti tiba nimianera. ¹⁶ Mintiba bira nanarae bekai ira? are himpira namai barera bira auturairo biba ari eka kumi hi'amakai. ¹⁷ Bira nantiara Jerusalemini bii boenta oru mono nabu ira nunamu tiha bohika taira bo'ara tabauro. ¹⁸ Nora bano tii tiba timiharo tiharo, "are totara Jerusalem tutera buane, bika kiama aini nanahika mintuna mara ura utiba." ¹⁹ Imanta aii tiba amuro, "Nora baubo'o, bika nai tababo tere eka mono nabu baintekeha niha bainti nahenti aini mara ura utuaka kabu taihakeha bara karabusi ibauna. ²⁰ Tere bika hampata bauro, aii kai'a bainti Stivenira nare hi'irira, tere bainti Stivenira aruaka utaba'a raikiha boha bikoka bataura arukara, bira nanarae biba aii uba bainti nahentini tibaumanta." ²¹ Ibo Nora bano tiri tiba timiharo, "Are himpira buane, bira nanarae tere bo batana bainti nahentinima ari barakara." ²² Bainti nahenti iriabo biba Nora uba timanta, ibo biba minti timanta eka biraini naberai tiha, "Ma baintira bataini tai'akate, biba kia ho ma batarai aiho baria'ari babe." ²³ Bika naberai tiha konkoma bata nai utaba'a bini narubai a'iha, ²⁴ kepteni bano timanta soldia Porura otu bitabare soldia nai banisi'ira buruke. Kepteni bano timanta na'unta barake bira ariha ireha bira nana okararae Juda naberai tiha kekauke tiabo. ²⁵ Porura na'unta nohai aii'u kau'u rumpake iabo Poruba soldia aumantoka himpuaka ireharo, "Lo bano bira hobe'e tibo Romu bainti bo bira ko kiabu irirai bira aruara?" ²⁶ Soldia bano bii uba iriro, biba soldia raikirara buru tiba amiharo tiharo, "Are nanaha mintirebabe? Ma baintira Romu bainti be." v 27 Soldia raikiraba ani Porura ireharo tiharo, "Are u'a Romu bainti bano eh?" Poruba tiharo, "eoh." ²⁸ Soldia raikiraba tiharo, "Tere nora monu nohai ko'ai'ake Romu bainti unabe." Ibo Poruba tiharo, tii noba tii Romu bainti batataika." ²⁹ Soldia bira irarareti aniaka, bira irike a'irake buara, soldia raikiraba bata iriro Poruba Romu bainti bano ibo biba bata etero bira nanarae, biba na'unta nohairo Porura rumpaiba. ³⁰ Bo enta, soldia raikiraba tabareba nana okararae Juda Poruraini ora okara mintiara. Mintibo biba iata bainti bata kaunsoro bata nara ruba'ua kero. Porura bita muntu bika abutana kero.