¹ Agripa ba Porura tiba amiharo tiharo, "Nena uba ti'e iriare, Poruba nai kau'u bini'a kero tiharo. ² "King Agripa, tee wahauro tinta uba aii tiba amirera Juda batana tini uba batara, bira nanarae, ³ Are ko'ekerama Juda okara taba tera bika irarahika bata, minti mantama aii iraira ko'ekera tii uba irianera be." ⁴ U'ai akebe, eka Juda tii tababo tere ubara tenta ma'a bauna bata Jerusalem mini bata. ⁵ Haruhai tii tabatarabe minti manta ma bika tiriara tiha are bo Farisi banobe tiabo, bika bira kempuka i iakabe tinabu mono ira. ⁶ Tere bateta ma'ata himpura tii ko timiara bira nanarae tee rantake tabauro Kotiba promis tibataira tinabu na'u tato ka'ata. ⁷ Bii okarara 12nabu Israel Kotirai mono iha kuari'a bata enta'i bata bekai iha bii haikara rantake tabareka, King Agripa, ma bii okarara ma Juda tii ko timirekabe. ⁸ Bira nee nana okararae mintiake iriabo Kotiba kia ma utubuaka himpikano? ⁹ Hiniki entaba aitaraibo, tee mintiake irunabe airu haika ora hika mintiha Ihu Karasira Nasaret bainti autu orai'erera. ¹⁰ Tere ho'iraika Iatapris ahi bare Jerusalem orai'a kaunabe, tee airu mara ura utuaka wata bare karabusi'i, aii'a tee e'o ura hinikiaka aru utikara. ¹¹ Tere eka mono nabu irai oru orai'i ora uba tiha bika hahu'ari. Tee bikara arara'itai banta bika abata bareha bo nora tauni irai bata bibauna. ¹² Tee bii okarara minti bauro, iatapris tii e'o tibake baraka manta Damaskas ni bun. ¹³ Tee bibauro, ara abutana belo kuari tee oba bo kempukai akero itaira tabauro kuari bata atarakaiba narubai hairo biabi itero tii bata tii batake buaka babama kero. ¹⁴ Tenabu eka batai hi'iribi, tere iruro Hibru uba ihairo bainti bobano tiriara tiharo, "Sol, Sol, bira are nanarae tii orai ibariarao? "Kiama ho tii baramuntubi kenabe. ¹⁵ Aii'a tee bira tibamiha, "Nora baubo'o are tababe? Nora bano tii tiba timiharo tiharo, "Tee Ihukabe, are tima orai ibariarao. ¹⁶ Are nena ai'u'a uri himpuane, tee aini obaruna bira nanarae tee aii kubaike tii kai'a bainti barianera minti manta ma bateta nanahika tabaina bata aii'a nantiara umi'aina bata, ¹⁷ tee aii bainti nahenti bokiaka abutanahi bitema aii barakaira bina, ¹⁸ bika abu rampai kaira bika oba tabe konkira tutera, satanira kempuka tute Kotibinai anira, aii'a Kotiba bika kumi bi'u nimitano, bika hiniki haikarama bareba bainti tenta kubai urauka, bainti taukae tini mara ura utika. ¹⁹ Mintibo king Agripa ba, tee kia taira bo'ara narubai hairo tini tubira rauhe, ²⁰ tere Nora uba tiha bainti nahenti arara tuantaratera, okara bainti arara tuantaraka okara mintia tera, Damaskas ninane uba tiba nimi Jerusalem mini bii Judia bii aii'a hinikia bainti nahenti. ²¹ Ma bii okararama bika tii watabare mono nabu'ihai arukareka autibai. ²² Kotiba tii kaha'imanta anima bateta himpi bainti nahenti autu bataka kia autu bataka abutana tiba nimi Moses ba bata profet bata tiba taura obariaina, ²³ bira mintia kero bairama Ihu Karaisiba mara barero utiro himpiro obara ma tiano Juda bainti nahenti nane biro ma hinikiaka ianai. ²⁴ Poruba nai uba tai'a kaibo, Festus ba naberai tibakero tiharo, "Poruba are warai amama buarao, are airu skul tihara iararo biba ma aii bara werai akaibo. ²⁵ Ibaro Poruba tiharo, "Nora bainti Festus o, kia tere werai'i, tere abu abu akema bohika nora hikara turo. ²⁶ Kiniba bihaikara taba taimanta ma turo, tere tabauro kiama bohika biraini kuke'ano, bira nanarae ma bihaikaba birai bonai kia kuke'aira ²⁷ Poruba irero, "King Agripa o are Profet uba mara urai'ae iarao? Tee tabaura are mara'ura utirama. ²⁸ Aii'a Agripa ba Porura tiba amiharo, bateta marau'i aii are tii bara kristen akarebabe?" ²⁹ Aii'a Poruba tiharo, " Tere Kotirai nunamu turo, avo kuari abue o bukai kuari abu tee antu aruna are bata eka ma'ata baiha taukae iria manta tee uba tuna, nebata homa tii bo'arama biba, bira karabusi seni tutera." ³⁰ Kiniba bata gavanaba bata Benisba batake eka taukae o'ubuaka himpi, ³¹ Bika ruba'uara ihai bebare biha nariara tiha, "Ma baintiba kia bo mara mintibo karabusi aee iano o utuano. ³² Aii'a Agripa ba Festus ra tiba amiharo, bira Sisaba kia bira irero ko ata aniane, biba homa kia mara bai baintira bo'ara bitiri."