¹ Ma bihaikara obarira bira Apolos ba Korin batuka baibo, Poluba batuka bunto hanta aibiro nora tauni Efesas anura, mina hinikia disaipel tabaura. ² Poluba mintia kero tiharo, "ne mara ura utiha, ne Kempuka Aiho Bainti bare'e o kia'e?" bika tiha, "Kiabe, tenabu kia boru bata Kempuka Aiho Bainti tabauro." ³ Poluba bika irero, "Ne nantia ke'e namai barabo?" Bika tiha, Joni Baptais ba tinabu namai a'u timitai bo." ⁴ Poluba bika tiba nimiharo, "Joni ba bainti nahenti namai a'u nimitero arara tu'antare Kotira abatatera. Biba bainti tiba nimiro bainti bo tiri nantiara anina ata mara ura utuate, bira Ihura ata mara ura utuatera. ⁵ Bainti nahenti bi ubara iri, bika Nora Ihura autu ata namai baraura. ⁶ Bira nantiara, Poluba bika iata ata kau'u batai manta, Kempuka Aiho Bainti bano tubiro bika rahampata baimanta bika bo batana bo batana uba tiha ai'a nana hika nantiara obariaina bata tibaura. ⁷ Aumai ake 12-bainti eka namai baraura. ⁸ Poluba juda mono nabu'i biro kekau kero himpiro bainti nahenti abu ato kanko kero u'a ubara bata Kotira kingdomuara bata tira, eka 3-tora nabu ira. ⁹ Imanta hinikia Juda batana bikoka kekau bimanta bika kia uba iriara, bika ora uba tiha Ihura abate baria okarara bainti nahenti airu abu ata. Mintibo Poluba bika kero disaipel bita barero Tairanus skul biro bika Kotira uba eka enta tiba nimi baura. ¹⁰ Biba bi kai'ara tara ihi ira baraira, imanta bainti eka Esia bariaka Nora uba iriara, bira Juda batana bata Grik batana bata. ¹¹ Kotiba airu nora kai'a ko'e kai'a Polurai mintira. ¹² Poluba ina raba'era bata ina uta ba'a wataira bika bare buru aiha baraka ata batamanta bainti bika ho'i, iamanta ora aiho bano bata bainti tuta kero bira. ¹³ Hinikia haba-heba bainti baiha bika bi batukara niha ora aiho bano bainti'i baira a'ini barake bariara. Bika Nora Ihura autureha kekau bareha ora aiho atitareka, bika tiha, "Bi Ihura autu'a Poluba tibaira, te kekauke niara turo ma baintira tutake tubitarate." ¹⁴ Bainti 7-nabu bi okarara minti bariaka, bika Juda iatapris bainti baaintiti, bira autu Skiva ra. ¹⁵ Ora aiho bobano bika nai tiba nimiharo, "Te Ihura tabe, aii'a Polura bata tabauna be, nee taukae?" ¹⁶ Ora aiho bano korumpu rero haba-heba bainti ata, bika kekau bara muntubi kero, bika utaba'a raperi kero ora kabu bika arimanta, nora aiha birara bare bi nabura a'irake binuara. ¹⁷ Eka Juda batana bata Grik batana taukae Efesas ni bariaka bi ubara iri, bika bo'ake ete, aii'a bika Nora Ihura autu bara bini iara. ¹⁸ Airu mara ura utua bainti ka ani nai kumi bata ora okara mintiara bata tiba o'ai iara. ¹⁹ Airu bainti haba-heba mintuaka nai buku bare biri eka bainti nahenti abu ata iha warakara. Bi bukura nora monu maki baireba 50 000 silva koins. ²⁰ Mintibo Kotira uba bano nora kekau bata kero eka batana bira. ²¹ Poluba nai kai'a Efesas ni tai'a kero, Kempuka Aiho Bainti kekau'a biba Masedonia biro Akaia biro Jerusalem ni bireba iri taira. Biba tiharo, "Jerusalem ni baima aii'a Rom ni bata ma buaina be. ²² Poluba tara kai'a bainti Timoti ka Erastus ka Masedonia nitita kero, bika hanta bira kai'a kaha ibariaka. Ibo nai Esia mini bo'a hanta bata baira. ²³ Bira ahiro aniro bateta, kia bo mara'e o ina uba bata Efesas ira obariro Ihura abate bariara tintaira. ²⁴ Bainti bo baira, bira autu Dimitris, biba silva nohairo una'ara kot Atemis ra piksa minti haro nora monu mintia ke haro bainti taukae bira batakeha una'ara kotira piksa mintiaka nimi baira. ²⁵ Mintibo biba eka bainti taukae una'ara kotira mintia keha salim iaka ruba ira, bika tiba nimi haro, "Nee tabebe tenabu una'ara kotira piksa mintiha airu monu bare bauna be." ²⁶ Nee iri tabebe kia Efesas ni aii aube, eka Esia batana be bainti biba Poluba bainti nahenti bara arara tu'antara bo arana ma kaibo. Biba tiharo, kiama bo kotira baibo bainti kau'u ihai mintia tara. ²⁷ Kia tenabu aii auma piksa mintia keha monu baraina kara be, mono nabu godmeri Atemis bira ihai bika bata uminarai ama biba. Be kotira autu eka bainti Esia batana mono ibariara, biba tubi ma buano be. ²⁸ Bika bi ubara iri, ooraha arara ite naberai tiha, "Efesas ni hainara Atemis ra bira nora be." ²⁹ Eka bainti nahenti nora tauni irauka bira iri werai'i airu abu-ato bare kante bo nora nabu ruhara ira ori etara. Bika tara bainti Masedonia hai Polura batake aniaka wata bare, Gaius ka Aristakus ka. ³⁰ Poluba bira ira airu bainti nahenti bariara abutana ori etareba, imanta disaipel bira raba abuke. ³¹ Imanta hinikia Esia provins kai'a bainti bika Polura ara'o kempuka uba barake tiha Polura ra kia ruha nabura ira ori etaire. ³² Bainti nahenti naberai bobano bo uba tibo bobano bo uba tiha, bika werai iha airu abu ota bareha, aii'a airu kia tabarai nanarae ruba uara ata bika bi. ³³ Hini kiaka Aleksendar tiba ami, bainti bira Juba batana abuni bate eka bainti ruba ira ata buaire ra. Mintibo Aleksendar ba nai kau'u bini batero bainti nahenti kanko kero tiba nimi reba bika Juda kia bo ora hika mintia bo. ³⁴ Imanta, bika taba bo biba Juda batana bainti bano imanta, eka bainti nahenti kekau ke naberai tiha, "Atemis ra Efesas ni hainara bira nora be." Bika mintia ke naberai tara aua tiara. ³⁵ Bi tauni ra'ira kuskus bano naberai tia bainti nahenti ka raba-abu kero, bika tiba nimiro, nee Efesas bainti, eka bainti eka batanahi taba bo nee Efesas ma nahenti kotira Atemis ra mono nabu ra'iki tabo, ai'a taba bo una'ara kotira piksa narubai hairo a'u bira be. ³⁶ Nee bihaikara taba tara, minti bo nee bohika ora hika kia totara bikai mintiate. ³⁷ Bira nanarae bii baintika (Gaiyus ka Aristakus ka) nee bika hanta ko ata bitabare aniabo, bika kia tempolu ira muara bainti aube, ai'a bika kia tinabu nahenti kotira ra oora uba bata tiabo. ³⁸ Mintibo Dimitris ra batake bainti una'ara kotira piksa mintiaka bainti bo iakai uba baibera, bira ko antua bibo ko iriaka bata bariabo, kaira bika nai bora ora hikara nai ko abu ata tiate. ³⁹ Bira bohikara tireka ibera, bira nenta iata bainti oru tabe bika batake abu-abu iate. ⁴⁰ U'ai ake turo tenabu bate haina ruba irara uba ma batauro bainti arara ite iabo bateta obarira, kia okara bata bai kebura ra kiama tenabu umina abu-abu ake bi keburara kamani ba irai'e tiaina be. ⁴¹ Biba tiba kero, bainti nahenti ruba uaka atite kaimanta, bika bi batukara ke buara.