¹ Mara tai'a bibo bira nantiara, Poruba uba bara kero disaipel bira ani tabatera. Biba bika kekau nimi tero bira nantiara ko'era be riba nimitero Masedonia bira. ² Aii'a biba eka batana niharo mara ura utua bainti nahentika kekauma nimitero bira nantiara Gris batuka bira. ³ Mini 3-nabu tora bairo, Juda batana bira nabutai iabo biba sipi barero Siria batuka bireba. Mintibo biba irirahika arohuma kero aii'a anirantero Masedonia bura. ⁴ Aii'a Sopeta ba Piras ra ma'u bano bata Aritakas ba bata Sekontas ba, bikahanta Tesalonaika haina mara ura utua baintika ma, aii'a Gaius ba Debi bainti bano Timoti ba Tikikas ba Trofimas bika bika Esia bainti bira batake Esia bura. ⁵ Minti manta bika abuni Troas batuka tinabu oru bekai ura. ⁶ Tenabu Filipai tutarera bred kia yis baira kuari abu iri aitarai manta botu bare 5-nabu entara tubi bare Troas ni tubuna. ⁷ Wiki abuhaina kuari abu, tenabu eka ani ruba uabi bred kuirera, Poruba mara ura utua bainti nahentikai uba tibaibo buru enta tabarai'ira. Bira nanarae biba bika kero hiniki kuari abu nantiara bireba. ⁸ Tainta nabu benta'ai tenabu ani ruba'i, airu oba(ramu) itebaira. ⁹ Poruba a'i uba tibaubo, bo bainti bira autu Yutikas ba biba windo bantarai baita abata biro. Poruba uba a'i bukai tibaubo, biba bera kanta'a nabu 3stori nahiro batai a'u biro utubira. ¹⁰ Ibaro Poruba otubiro bira ata baita biro bira tatau wata barero. Biba bika tiba nimiro, "Nee kia bo'ake bikoka marai iate, biba kia utibo, a'ima aiho baibo." ¹¹ Aii'a bira nantiara Poruba barirero bred oru bara kuikero nero. Biba bikai a'i uba tibaubo atita bibo, bika kero bura. ¹² Aii'a bika eka wahake boha bikoka baura ubara bainti bano aii'a aiho baumanta. ¹³ Poruba nantiara anireba imanta tenabu-nane sipi barebi Asosini, bini, Poruba tinabu batakero sipi irabarirano. Bira Porura irirahika ma bira nanarae, biba batabau bireba iritaira. ¹⁴ Biba tinabu Asosini ani tabaimanta, tenabu eka sipi bare Mitaileni ni bi. ¹⁵ Minihai tenabu botu ira barire, bi entara arara tenabu Kios ailen ata orubi. Bi entara nantiara, tenabu Samos ailen ata orubi, aii'a bira arara tenabu nora tauni Miretus orure. ¹⁶ Poruba biba aii'a botu ira bi Efesas batuka atara kare iritero bira nanarae, biba kia Esia baireba. Bira nanarae bira ho'irera, biba totara Jerusalemini bira Pentikos kuari abu enta tabareba. ¹⁷ Miletusini, biba bainti barai manta Efesas nihai mono nabu iata bainti bita bare bira ani tabatera. ¹⁸ Bika birai aniabo, biba bika tiba nimiharo, "Nenta tababo, abuni tere Esia ai'u bate nihampata bauna. ¹⁹ Tere tenta bara muntu bike au'uru batake Nora kai'a barauna, tere ora mara barauna bira nanarae, Juda bika uba rumpake tiri arireka. ²⁰ Nee nentama tababokia tere bohika orurante wataunabe bohika ko'e hika biba nini mintiai nahikara, bira nanarae tere batukai tiba nimi aii'a bohau bohau nabuni bata tiba nimunabe. ²¹ nee tababo tere Juda batana tiba nimi aii'a Grik batana bata Kotirai arara tuantare aii'a tinabu Nora Ihurai mara ura utuatera. ²² Bate tabate, Kempuka Aiho Bainti bano kaho imanta ma Jerusalemini buinarabe, ²³ Kiama tabauro nana hika bano tini obariano mini. Ibo Kempuka Aiho Bainti bano raurira uba tiba timibo, eka nana tauni ira seni bano bata mara bano bata tiri bekai ibaibo. ²⁴ Ibo tere tenta eruro tini ti mara uea bira kiamako'e haikamuntireia tere kekauke ma tenta kantara tai'a kara tere Nora Ihura irahi bare Kotira ha'uru itara ko'e rara. ²⁵ Bate tabate, tabaura ekaka abutana tere kindomu uba tunara, ne aiabata kiama tii biri tabeba. ²⁶ Minti manta bate kuari abu te nitiba nimuro, kiama tere bira bora nare mara barara biba kakakirera. ²⁷ Bira nanarae, tere kiama bira nanahika Kotiba nini mintireba ira boru bata a'i wate, bira ekama tiba nimuro. ²⁸ Mintira nee nentara ko'eke raikiha, a'iia Aiho Bainti bano sipisipi kubaima nii kau'u ira batainara raikiate. Nee ko'eke sipisipi Kotira mono nabu'ira bariaka raikiate, bika bira nai nare nohairo ko'ai atairabe. ²⁹ Tee tabauro tere binuairo, akau bairi bano nii abutana aniro sipisipi kiama biri a'ikanobe. ³⁰ Tee tabauro ninta abutanahi bainti hinikiaka bobo uba kia ko'e ira biri tiha disaiporu rarauribabe bika abatatera. ³¹ Mintira nee ko'ekema raikiate. Nee tababo enta'ibata atitaira ata bata, a'iia eka 3nabu ihi ira(krismas) eka, kia tere ana baraunabe au'uruara bata ekahika nii numi'aunabe. ³² A'iia bateta nii Kotirama amuro bira ha'uru itara uba ira, biba nii bara kekauma kero a'iia nii mintahika ma bara nimiano Kotiba kubaitai bainti nahentika abutanahiro. ³³ Tee kia silvara aba-auri ra'ite, goriara'e o bainti bora utaba'ara. ³⁴ Nee nenta tababo ma kau'uba kai'a baraira tinta kaho'iharo hinikiaka tibatake bariaka. ³⁵ Ekahika, tere nii umi'aunabe bainti kia kempuka bataika kaha iatera iha bii ubara Nora Ihu Karaitiba tibataira. "Waheharo bainti bano bohika bora amira biba atarama kaibo boraihai barara." ³⁶ Biba minti okarara bika tiba nimiro, biba nai biri bataini muntubi kero bikarahampata nunamu tira. ³⁷ Aii'a bika ani Porura watabare mo'eha i'iratara. ³⁸ Bika bo'ake umpo iara bika iriabo biba tiharo, kiama tii biri e'abata tabeba be timanta. Aii'a bira nantiara bika bira bitabare muntu botu ira kabo barirero bira.