¹ Bihaikara enta nantiara, Poluba Aten batuka kero Korinini biro. ² Mini, Juda bainti bo tabero, bira autu Akuila ra, Pontusira kinti kainti, Itali batuka kero nai konta tiro Prisila ra, bira nanarae Klaudius ba eka Juda batana Romu batuka tutate timanta. Poluba bika tabareba bira. ³ Bira nanarae, biba bata boha ari kai'ara barai ba, biba bika hampata baiharo seli ha'irua kai'ara bareha. ⁴ Mintibo Poluba eka Sabati ata mono nabu'i tiba nimiharo Juda bata Grik bata abu ato kanko iharo. ⁵ Sailas ka Timoti ka Masedonia ke tubua bo, Kempuka Aiho Bainti bano kekau kero Polura ira kai'a baraibo biba Juda batana tiba nimiharo, Ihura bira Karaisira be. ⁶ Juda batana kia boha arara bate bira atia bo, Poluba nai uta ba'a ahiro konkoma rinta'ia bika abu'a kero tiharo, "Kaibo ninta nare bano ninta iata ata tatau ruaire. Bate, Te kia bo ora okara minturo. Batetahi, tere bainti nahenti boka ianai ma buaina be." ⁷ Bira nantiara, biba a'ira kero Taitus Jastus ra nabu'i biro, biba Kotira ata mono iba. Bira nabu mono nabu aumanto baira ⁸ Krispus ra, biba mono nabu'i abuni i haro Nora ata mara urai iharo bainti nahenti taukae bira batake bariaka hampata. Airu Korin bainti nahenti Poluba uba tira mara urai'i namai barara. ⁹ Nora bano taira ata enta'i Polura tiba amiharo tiharo, "Are kia etane, are bira tiane. ¹⁰ Te aibatake bauro, kiama bobano ai hahu arua naro, bira nanarae tere airu bainti nahenti ma nora tauni ma ra'ira batauro." ¹¹ Poluba mini boha ihi 6tora baiharo Kotira uba bainti nahenti tiba nimiharo. ¹² Ibo Galio ba Akaia iata baiharo, Juda batana Polura ati bira bita bare ko batuka ata ani. ¹³ Bika tiha, "Ma bainti ba bainti nahenti girisi iharo lo uba rauheha Kotira ata bo'arake mono iate." ¹⁴ Mintibo Poluba uba tireba, Galio ba Juda batana tiba nimiro, "Ne Juda batana, u'ai ake be, bira kia ko'e haika irera o lo rauha okarara irera, bira bo'a bata ko'era be tibatake abu-abu ibabe. ¹⁵ Ibo ma bira irara, bira baireba bira ninta autu bata lo batabe, nenta homa bira abu-abu ibabe. Kia te mara ma bira bara abu-abu ibaria bainti kaube." ¹⁶ Galio ba minti manta bika ko batuka ke buara, ¹⁷ Minti manta bika Sostenis ra mono nabu iata baunti bira ora kabu aruke ko batuka ata, lbo Galio ba biba kia bira nana hika mintiarara irira. ¹⁸ Poluba mini airu enta bairo bira nantiara, biba ata bakauka kero sipi barero Senkria bura Prisila ka Akuila ka bata kero. Senkria ni baiharo, kempuka uba tiba tero nai iata kahi to'ero. ¹⁹ Efesas ni biro, Poluba Prisila ka Akuila ka mini kero. Biba nai ai Juda batana mono nabu'i bika hampata uba tiro. ²⁰ Bika Polura ire bika hampata mini boru hanta bariairera, biba kiabe tiro. ²¹ Ibo bika kero bireba iharo, biba bika tiba miniro, ''Kotira antu'a irera, te orurante ni ianai a niana be. '' Bira nantiara sipi barero Efesas batuka kero bura. ²² Poluba Siseria ni oru biro, bira ahiro Jerusalem mono batana ianai orubiro, biba mara ura utua bainti nahenti kara ko'e enta be tiba nimi tero bira nantiara Antiok ni otubira. ²³ Biba mini bo enta nabu bari kero, aii'a bika kero Galesia bata Frigia ni bata eka desaipel muntu kekau ma nimitaura. ²⁴ Bainti bo Juda batana, bira autu Apolos ra Aleksandria naraEfesas ni hairo tubira. Biba ko'e kero uba tiharo aii'a ko'e kero Kotira uba taba taiba. ²⁵ Apolos ba ko'e skul uba Norai hainara baraiba. Wahara bata Aiho Bainti ihainara, biba antu'a batero bainti nahenti Ihura uba tiba nimiainara. Ibo biba Joni ba namai a'ura taba taiba. ²⁶ Apolos ba mono nabu'i ohara kero timanta, Prisila ka Akuila ka bira iri, bika hanta bira bite aubahini ake bira ko'e ke Kotira abate baria arara tiba amiara. ²⁷ Biba Akaia bireba imanta, ata bakauka birara ko'e uba tiba ke aii'a bo pepa ararua ke Akaia baria disaipel nimite bira bitatera. Biba biro, ko'e kero bainti nahenti taukae mara ura Kotira ha'uru itairara utuaka kaho ira. ²⁸ Airu kempuka bata kero, Apolos ba Juda batana bara muntu bi kero bainti nahenti abu ata Kotira uba nohairo tiharo Ihura bira Karaisira be.