¹ Poruba nai boha kai'a baintia rabata nora tauni Ampipolisini bata Apolonia ni biro, aii'a bira nantiara bo nora tauni Tesalonaika Juda mono nabu bainai orunte. ² Poruba nai eka enta minti tekero Juda mono nabu'i biro, aii'a tarau bohau sonta biba Kotira uba bika tiba nimiro. ³ Poluba uba tiharo Karaitira ra mara baraire tiro, aii'a utubiro aii'a uri himpuaire, aii'a biba tiharo, "Ma Ihura nii tiba nimunara, bira Karaitira be." ⁴ Poluba tii ubara bainti hinikiaka Juda batana mara urai'iara, bika Poluka Sailasika batake ruba'i, aii'a airu mara ura utua bainti nahenti Grik batana bata aii'a airu autu bata nahenti Polura abataura. ⁵ Imanta bainti hinikiaka Juda batana Poluba tii ubara kiabu mara urai iara,bika auha maru iara, bira nanarae oora bainti nahenti Grik batana Poluba tii ubara mara urai iamanta. Minti manta bika maketi ira ori ete bainti hinikiaka ora bainti auha bara himpike airu uba tauni ira tura. Bainti bika bata Juda batana bata kante Jesenira nabu'i orubi, bira nanarae bika Poluka Sairasika bitabare bainti nahenti baunai tubireka. ⁶ Imanta bika tabamanta Poluka Sairasika kiabu baria manta, bika Jesenira bata atabakauka taukae Poluba uba timanta mara ura utuaka rarau bare, nora tauni iata bainti iara ata bii, bika tiba nimiha tiha, "Mauka airu mara ma eka batana mintua bo, aii'a bate bana aniabo, ⁷ Bainti taukae Jeseniba tinta buru batauka nai nabu'i, bika Sisara uba ma ra'abo, bika tiha, bo kiniba baibo, bira autu bira 'Ihura." ⁸ Bainti nahenti nora tauni iraka bata kaunisol bata bi ubara iri, bika nora auha marantara. ⁹ Ibo bira nantiara iata bainti bika Jesenira bata mara ura utuaka bata tiba nimi monu bare ani'e bika ko'ai akai buate. ¹⁰ Bi entara ira atabakauka Poluka Sairasika baraka manta Beria ni buara. Bikahanta mini bi, bikahanta Juda mono nabu'i ori'ete. ¹¹ Airu Juda batana Tesalonaika bariaka bika kia wahe Kotira ubara, imanta Juda batana Beria bariaka waheha ko'eke uba bare, ko'e bikoka ko'e irirahika batake, airu enta, bika Kotira uba ko'eke raireha aii'a ranta'i biha ma ubara bira u'a ubae o kiae. ¹² Minti manta airu Juda bainti nahenti bata hinikia Grik nahenti bi tauni ra'ira autu bataka bata bainti bata Ihura ata mara urai'i. ¹³ Juda batana Tesalonaika bariaka iriabo Poluba Kotira uba Beria ni tibau manta, bika Beria ni haina bainti nahenti buru tiba arara uike orai'ake. ¹⁴ Minti manta atabakauka totara Polura atita bara napisini ke Sailasika Timotika i a'i Beria baiha. ¹⁵ Bainti taukae Polura bite buaka bika Aten tauni niarai ake bi. Bika Polura mini buruke anireka iabo, Poluba bika tiba nimiro Sailasika Timotika tiba nimi manta totara teunanai aniate. ¹⁶ Poluba Sailasika Timotika Aten nini bekai iharo tabaibo nora tauni bira ira bobo una'ra kotiba pi'aibo bira bikoka marai'ibo. ¹⁷ Minti bo biba Juda mono nabu'i biro bika batakero buru irirahika ra'ake, aii'a bainti taukae Kotira ata mara urai iaka bata bainti nahenti taukae ruba'uabi bariaka. ¹⁸ Ibo hinikia irirahika bata bainti Epikurian bata Stoik bata bira tabe, bika tiha, "Ma una'ara bainti bano nanti tire babe? " Hinikiaka tiha, "Aira ma bainti ba bainti nahenti ara bare haro bo'ari kotira abatatera," bira nanarae biba Ihura ra tiharo biba matimati ihairo uri himpira. ¹⁹ Bika Polura bitabare Areopagusini bi, batuka bira iata bainti ruba ibaura'a, bika birara tiha, "Hoe are ma araka uba bira tinabu tiba timinabe, are tibarianara? " ²⁰ Bira nanarae tenabu iruro airuma bobo uba tinabu ato ira anibo ,Minti manta tenabu tabare be, ma bi ubara okara. ²¹ Eka Aten bainti nahenti bata bira ira bariaka , bike bo'a bata ato bate ko'eke araka hika iri. ²² Poluba Aten iata bainti abu ata himpiro tiharo,"Aten batana be, eka okara white tabaura ne mono bainti be. ²³ Tere niha, tabe ne mono iahikara, alta bo ranta kauna ara ruatara, tiharo ,"Ma altara bira bi kotira tenabu kia tabauna bibira be,"minti manta bi Kotira ne kia tabara, ai'a mono ira, bira ma bate tiba niburo. ²⁴ Bi Kotiba tabae bata bata eka hika birai baira mintira, bira Nora ma batai bata narubai bata, ai'a biba kia bainti kau'u nohai mintiata mono nabu'ira baiba. ²⁵ Kotiba kia antu ariba batai haina bainti nahenti nai kau'u ihai bira kaha ira. Biba kia bainti kaha irara antu ariba, bira nanarae biba nai mara ura, aiho, bata eka hika bainti nimi baiba. ²⁶ Bainti bohau ahiro, eka batana eka bainti nahenti, ma batara ata bariatera. Naru akero bika bariatera kubai taira, aii'a bika batta bata. ²⁷ aii'a bika Kotira ranta'i biha ma Bira ara tabeba, Ibo Kotiba kia niarai auma bairo. ²⁸ Bira ira ma tenabu aiho bai, aii'a tenabu niha ma batta ra'ata bai, bira ni'i hairo boru bano tiharo. Tenabu eka Kotira baaintiti be. ²⁹ Minti manta bi okarara ma tenabu Kotira baaintiti bai, kia tenabu mintiake iriha, Kotiba gold bo'ababe, o silva, o ori o bohika mara'ura, bainti nai irirahika nohai mintia tara. ³⁰ Minti bo Kotiba kiama bainti kumi bo'a makero tabero, haru enta ibo bateta, biba kekau kero ma bainti eka batana arara tu'antara tera tiro. ³¹ Biba bo kuari abu kubai makero, biba eka bainti nahenti ma battai hainaka raira inara nai abu abu okara nohairo, bainti bira Kotiba kubai taiba bainti nahenti numi'ero matimati ihairo uri himpi kaibo. ³² Aten bainti iriabo Poluba Ihura utira bata himpirara bata timanta, bainti hinikiaka birara naraihi. Imanta hinikiaka tiha, "Tee aii'a irirebe Poluba tira." ³³ Bira nantiara, Poluba bika kero bimanta. ³⁴ Hinikiaka Poluba tira mara'ura uti, Dionisius ba Areopagite nini haina ba bata, bo nahenti bano bata, bira autu Damaris ra, aii'a hinikiaka bika hampata bariaka bata.