¹ Tii ara'o be, ne kia eka aiho ata mara urai iate, ira ne aiho rairake tabe ta aiho ba Kotirai hairo tubiro, bira nanarae airu una'ara poropeti eka batana nuabo. ² Bi okarara rama Kotira Aiho tabeba, ai'a eka aiho minti tibake tiha Ihu Karaisira bira Kotira Ma'u bainti bo'ara bira. ³ Iro kia eka aiho tiha Ihura bira Kotira Ma'u be tika. Bira bi aihoka Ihura nabuta nee iriara tubuano be tiara bira ma batai o'ai abibo. ⁴ Ina baainti be, ne Kotira antu ne bika atara ka bo, bira nanarae taba'e ni'ira baiba biba ma batai hainara atara kaira. ⁵ Bika ma batarai haina bainti be, minti manta ma bika ma batai hainara ra tiba ria manta bika bika uba iri bakiabo. ⁶ Tenabu Kotira antu be, ai'a eka bainti Kotira taba bo Kotiba tinabu uba irira. Tabae kia Kotira antu bano biba kia tinabu uba iribo. Bi arara atahi ma tabauro u'a aiho bata una'ara aiho bata. ⁷ Ara'o be, tenabu bo'ake bokara antu aruare, bira nanarae, antu aruara bira Kotirai hairo tubira, Kotira baainti taukae Kotira tabaka, bika antu arira ma umi'eba. ⁸ Kotiba tinabu antu aribo ai'a tabae kia antu arira umi'airera, biba kiama Kotira tabero. ⁹ Antu ari bariara, Kotiba tinabuni o'ai ama bira, Kotiba nai boha baainti Ihu Karaisira bara kaibo bataini tubira bira tenabu bira ihai aiho baratera. ¹⁰ Bii okarara Kotiba nai tinabu antu arira umi'aira, Tenabu kia Kotira abuni antu aruro, kia, Kotiba nane tinabu antu ariro nai Ma'u Ihu Karaisira bara kaibo tinabu kumiara tubu utiro tinabu ko'ai amataira. ¹¹ Tiri ara'o be, Kotiba tinabu bo'a kero antu arirera, boha arake tenabu bata boka antu aruare. ¹² Kia bainti bobano Kotira tabaibo, tenabu bokara bo'ake antu aruaina, Kotiba tinabu hampata bairo bira antu ara hika bano tinabuni baibo. ¹³ Bira rama tenabu tabe tenabu berai tatau buro biba tinabu ira bairo, bira nanarae, biba nai Aiho tinabu timira. ¹⁴ Bira bata tenabu tabe tunabe, Oba Kotiba nai Ma'u Ihu Karaisira barai bo eka bainti nahenti tubu ko'ai ama taira. ¹⁵ Bainti nahenti tiha Ihu Karaisira bira Kotira Ma'u be, biba Kotira ata tatau bibo Kotiba bikantiro baibo. ¹⁶ Ai'a tenabu bata mara ura uti tabe Kotiba tinabu antu arira. Kotiba tinabu antu aribo ai'a tabae bira antu ara'i baiba, Kotiba bikantiro ma baibo. ¹⁷ Bii okara rama Karaisiba tinabuni o'ai ama bira, minti'e homa tinabu bata nora enta Kotira ko atara ma kaina. Tenabu batai baiha Kotira ata tatau buro bira Karaisiba Kotira'i tatau bira. ¹⁸ Kiama tenabu Kotirara etara tenabu bira antu ariha, bira nanarae antu arua okara ba etara bano tinabu orai ireba ira a'inima bara kano. Ibo bainti bano Kotirara etairaba, kiama Kotira ha'uru itara'i baibo. ¹⁹ Tenabu Kotira antu aruna bira nanarae, Kotiba nane tinabu antu arira. ²⁰ Bainti bobano tiharo, "Tee Kotira antu aruro,"iro kia nai atabakara antu ariro, bira nai ma nai una'ara tibo. Mintiro bainti bobano kia nai atabakara antu arirera, kiama Kotira bata antu aruano, kia bira tabaira. ²¹ Bii lo ra Kotirai hai barauna mintia kero baibo, tabae Kotira antu ariba nai atabakara bata bo'a kero antu aruaire.