¹ Bainti taukae Ihura ata mara ura uti birara Karaisira be tika, bika Kotira baaintiti, ai'a bira tabae Orara antu'ariba biba bira Ma'u bata antu aribo. ² Bi okara rama tenabu Kotira baaintiti antu aruro, bira Kotira antu ariha bira antu'a abatauna. ³ Tenabu Kotira antu ariha ma bira antu'a abate, bira nanarae, kia nora kai'a bairo bira antu'a abate bariara. ⁴ Eka bainti nahenti Kotirai bariaka batai haina aikaro atarama kabo. Ihu Karaisira aikaro ata homa tenabu batai haina aikaro atarakara. ⁵ Tabae ho'akero batai haina aikaro atara kanaro? Bainti nahenti tabaka Ihu Karaisira Kotira Ma'u be tiaka. ⁶ Tenabu Ihu Karaisirara iriare, Kotiba baraibo batai tubira. Kotiba kia namai ai umi'aira, kiabe, namai bata nare bata. Kotira Aiho bano tiba kero Ihura bira Kotira Ma'u be. ⁷ Bira nanarae, 3-nabu bano tiba o'ai akero Ihuba Kotibi naihairo tubira. ⁸ Kotira Aiho bano bata namai bano bata kero Joniba Ihura namai a'u amitaibo ai'a Ihuba katari ata hiri bibo bira nare bano hi'irira. Ma bira 3-nabu bano tinabuni tiba kero Ihurara Kotibi nai hairo tubirabe. ⁹ Tinabuni bainti uba tiamanta iruna, Kotira uba ma eka norai iro. Bira nanarae, Kotiba nai ma tiro Ihu Karaitira nai bira baainti. ¹⁰ Bainti nahenti Ihu Karaitira ata mara ura uti birara Kotira Ma'u be tiaka bika Ihura rama tiabo. Ibo bainti taukae kia Kotira uba mara ura utuaka tiha biba una'ara ma tibo, bira nanarae, bika kiama mara ura utua bo Ihura Kotira Ma'u. ¹¹ Kotira uba bano ma tinabu eka enta bai aihora timi bairo, be aihora bira ma'u Ihu Karaitira ira ma bairo. ¹² Aii'a bainti bano Karaitira ira tatau biraba aiho airu enta baira baireba. Iro bainti bano kia Karaitira ira tatau biraba kiama eka enta bai aihora barano. ¹³ Te ma arara arantuba taunara bainti Ihura ata mara ura uti birara Kotira Ma'u be tiaka eka enta bai aiho bareba. ¹⁴ Aii'a tenabu tabauro bohikara bira autu ata iraibo, bii haikara ma abu abu ake bareba. ¹⁵ Aii'a tenabu tabairo Kotiba tinabu irirera, nana hika tenabu bira iraina, bihaikara tenabu barauro. ¹⁶ Are tabairo bo atabakaba kumi mintiro biba kia bira aru utu kairera, biba Kotira nunamu ihairo irairo bira kaho'iai. Kia te bira bainti aru uti bai kumi rarauma ti. Bairoma bainti bara aru uti bai kumira kia te birara nunamu tiate hauma turo. ¹⁷ Eka okara kia abu-abu ira bira kumi ma, ibo bairoma kia bainti aru uti bai kumira. ¹⁸ Tenabu tabauro bainti bano Kotira baainti abiro, biba kiama kumi mintiano. Tabae Kotira baainti abiro biba naima nai ra'iki bairo sataba kiama bira orai'a amitano. ¹⁹ Tenabu tabauro tenabu Kotira ihaima obarima bii aii'a tenabu tabauro Sataba ma batta mara ra'iki tero. ²⁰ Imanta tenabu tabauro Kotira Baainti bano tinabu irirahika tubu timiro tinabuara Kotira tabatera bira u'a. Bira bata, tenabu Kotira bira u'a ata tatau bii aii'a bira baainti Ihu Karaitira ata bata. Bira biba u'a Kotiba aiho ko'ebi airu enta baira nimi baiba. ²¹ Tii baainti be, niarai abira una'ara kotikara bariane.