¹ Kotiba tinabu antu arira tenabu bira tabatai tinabuara Kotira baaintiti be tiate, minti'e tenabu Kotira baainti ma bairara. Bii okarara, ma bataihaina bainti kiama tinabu tabeba bira nanarae bika kia Kotira tabaka. ² Mintira atabakauka be, tebabu Kotira baaintiti bauro biba kia tinabu umi'ero nana hikae nantiara oba riaina. Ibaro Karaisiba o'ai abina ata tenabu bira tabe ma ai'a tenabu bata bira bo'arama buaina. ³ Mintira eka bainti nahenti Karaisira tabareka bekai ibariaka bika nai bara hi'eha bika kia kumi mintiha bira Karaisiba bata kia kumi mintiba. ⁴ Eka bainti kumi mintiaka ibe, bika Kotira uba rauhe bariaka. ⁵ Tenabu tabauro Karaisiba o'ai ama biro kumi bare haro kia kumi minti baiba. ⁶ Kia bainti bobano Karaisira ata tatau biro ai'a kumi mintiano bira nanarae kiama bainti kumi mintiba Kotira tabanaro. ⁷ Tiri ina baainti be, kia nee kaibo bainti bobano nii hampi iaire. Bira bainti bobano abu-abu okara mintiro, biba abu-abu bainti bano ma boha ara kero Karaisiba bata abu-abu abiro baiba. ⁸ Iro bainti bobano kumi mintirera biba Satara antu ma baibo, nai naru hairo kumi minti baiba. Bii okarara, Kotira Baainti bano o'ai abiro Satara ora kai'a bara orai'a kaira. ⁹ Bainti Kotira baainti abi kiama ai'a kumi mintiba, bira nanarae, Kotiba bika ko'ai ama taika Kotira uba banorama bika ira baria naro. ¹⁰ Bii okarara, Kotira baaintiti bata Satara baaintiti o'ai ama biba. Bainti bobano kia Kotirai haina okara mintiba, biba kia nai atabakauka antu aruano. ¹¹ Naru nee ma bi ubara mintiake iriara, tenabu bainti boka bo'ake antu aruare. ¹² Kia nee Keinira bo'ariate, biba satara okara abata kero nai atabakara arukaira. Bira nanarae nai atabakara ariro? bira nanarae, Keinira kai'a kia abu-abu ibo bira atabakara Ebolira kai'a bano abu-abu ira, mintibo bi okarara Ebolira arukaira. ¹³ Atabakauka be, kia ne airu abu ato barate, batai haina bainti kia nii antu ari bera. ¹⁴ Tenabu bira tabauro tenabu utira kempuka atarake tenabu aiho ma bauro bira nanarae tenabu bo'akeha atabakauka antu aruro. Bainti bobano kia baintiara antu arina umi airera bira biba utuma bibo. ¹⁵ Bainti bobano kia nai atabakara antu arirera bira biba bira aru utuma kero, mintira ne bira tabate bainti bano bainti aru uti baiba kiama aiho barano. ¹⁶ Karaisiba nai aiho kero tenabu ko'ai ama taira. Boha ari akarara, tenabu bata tenta nabu aiho kema bainti nahenti kaho iaina. ¹⁷ Mintiro bainti bobano airu haika batero tabairo bainti bobano ta'o iro ai'a birara kia umpo irera, bira nantia kero'e Kotira antu arira bano bira ata bariano? ¹⁸ Mintira tii ina baainti, kia bikara no'ahi ai antu aruare, kiabe okara ahi bata u'a uba ahi bata. ¹⁹ Bii okarara rama tenabu tabauro tenabu u'a okara batana bata ai'a tinabu bikoka bano bira bata kero baibo. ²⁰ Kia tenabu abu-abu okara mintiarera, Nora Kotiba tinabu auha irirahika tabaibo. ²¹ Atabakauka be, tinabu bikoka bano kia kumi bairera, tenabu nunamu tiha Kotira aumai iare. ²² Tenabu Kotira bohikara irairo, tenabu tabe bira tenabu baraina bairera biba antu ari lo ra bata okara bata abata. ²³ Bira lo mintua kero ma bairo, tenabu bira Ma'u Ihu Karaisira ata mara ura uti bokara antu aruare, lo biba tinabu timira. ²⁴ Mintiro bainti bobano Kotira lo abatairera, biba Kotira ata tatau bibo Kotiba birai baibo. Ma birara ma tenabu tabauro biba tinabu'ira Aiho ata ma baibo nai tinabu timira.