¹ Baainta hika, tere ma ubara nini ararua nimitari nee kia kumi mintia terabe. Iro bobano kumi mintirera bira tinabu Kotira abuta bainti baibo, bira Ihu Karaitera abu abu bainti. ² Karaitiba nai nai amira tinabu kumiara utiraro Kotiba tinabu bitairera aii'a bira kia tinabu'ai haube. Kiabe. Bira eka battai haina bainti nahenti. ³ Bii ararama tenabu bira tabe. Bira lo ko'e make abatarera. ⁴ Bainti bobano tiharo, "Tere Kotira tabauro," iro biba kia Kotira lo abatairera, bira una' ara bainti kiabu u'a uba bano bira ira baiba. ⁵ Tabae Kotira uba abatairaba, bira Kotira antu'ara bano bii baintira atama barianaro. Birama tabenara tenabu bira batake tatau buainara. ⁶ Bainti bobano tiharo tere Kotira ata tatau buro tirera, hobe, biba Karaitira bo'ara kero nuaire. ⁷ Ata bakauka, bira kia araka lo auma araruba nimitauro, Kiabe. Naru bai lora iribariana birama. Bira narua Io uba iriana. ⁸ Imanta tere araka ioma nii araruanimitauro, bira Ihurai hairo tubiroma nini bibo. Bira mintia kero baibo, konkira bano bibo aii'a atama bibo. ⁹ Bainti bobano tiharo, atahira atama nibauro, ibo nari ata bakara nabutai'a mitero, bira biba konkira ima a'ima bairo. ¹⁰ Aii'a bainti bobano nai ata bakara antu arirera, bira baireba biba atahira atama bairo aii'a bira kiabuma bohika bano bira hi'iruaka naro kumi ira. ¹¹ Bainti bobano kiabu nai ata bakara antu arirera, biba a'ima konkira ira baiharo a'i bira irama nibairo. Nai kiabuma tabero tainie bibaira, bira nanarae, konkira bano bira abu impama kero. ¹² Tere ma ubara baintinima araruro, Kotiba nii kumi Ihu Karaitira autu ata bi'uma nimitaibo. ¹³ Tere ma ubara oka baraini araruro, bira nanarae, nee tabatabo haru bariaka. Tere nii ubara baintini bata araruakau narabe, bira nanarae, nee satara atara kabo. Nii baainta hikaini bata aii'a ararua nimitauro, bira nanarae, nee Kotira tinabu Ora tabamatabo. ¹⁴ Ma arara aii'ama nii okabara ararua nimitauro, bira nanarae, bainti haru bariaka bika nee tabamatabo. Arakauka nee aikaro batakabe, Kotira uba banora nii ira kekauma kero baikabe, mintimanta nee satara atarakakabe. ¹⁵ Nee kiabu bo'amake battai haina hikara antu aruate. Aii'a bainti bobano battai haina hikara bo'amakero antu arirera, bira biba kiabu ma Kotira antu ariro. ¹⁶ Eka hika battai hainara baireba, arara uri himpi bai okara bata aii'a abu auri ra'itara bata aii'a hahu'aruara bira kia Orai hairo tubiraube, ibo bira battai haina okarama. ¹⁷ Batta maba nai ora okara bata ora antu'a batakero ekama tai'a buanaro. Ibaro bainti bano Kotira antu'a abatairaba bibama airu enta barianaro. ¹⁸ Tiri baaintitibe, bateta ekara enta baibaro bira iriabo Ihu Karaitira nabuta bano tubuainara. Bateta bira obarama bibo, minti manta tenabu tabauro bira ekara entabe. ¹⁹ Bika tinabu ke buabo, ibaro bika bira kiabu tinaburaukaube. Bika bira tinaburauka ibera, bira tinabu batakema baiba. Imanta bika biha, bika kiabu tinaburauka bo'ariabo. ²⁰ Imanta nee barabo Kempuka Aiho Bainti Kotibi naihairo tubira, aii'a nee u'a uba tiara tabatabo. ²¹ Kia bira tee ma ubara ararunara bira kia nee u'a uba tabamanta haube. Imanta tababo kiabu una'ara u'a uba ira baira. ²² Una'ara bainti bika tiha Ihu Karaitira bira kiabu Kotira Baainti be? Bainti biba Ihu Karaitira nabuta banobe, mintibo biba kiabu Kotirara bata Ihu Karaitrara bata tiba nimi baibabe. ²³ Bainti Ihu Karaitira tauba'a utu ami tiha bira kiabu Kotira Ma'u be tiaka bika kiabu Kotira tababo. Bainti taukae Ihu Karaitira bira Kotira Ma'u be tiaka bika Kotira u'ai ake tababo. ²⁴ Nee haru iri ubara birama iriate, kekauke nenta ira. Uba haru iriba kekau biro nii ira bairera, bira nee kekau bima Ihu Karaitira ira bata Kotira ira bata baiba. ²⁵ Ma kempuka ubara biba tinabu timira bira aiho airu enta ko'ebi baira barera. ²⁶ Ma ubara nee kekaubi bariatera ararua taunarabe, bainti boka nee mara ura Ihu Karaitira ira utu taira orai'a keborabe. ²⁷ Nee Norai hai Kempuka Aiho barabo, aii'a biba nii ira baibo, minti manta kiabu ma bainti boka nii tiba nimibabe. Ibaro Kempuka Aiho bano eka hika abu abu ira birama tiba nimia naro, aii'a kiabuma una'ara tiano, mintua kero naru Ihu Karaitirara nii tiba nimura. ²⁸ Mintibo baainta hikabe, nee Ihu Karaitira ira kekaubi baiha aii'a tenabu kiabuma kaurirabe biba tubina ata himpirera. ²⁹ Nee bira tabaibo abu abu bainti bairera, bira nee tabate bainti taukae eka abu abu okara mintuaka, bika Kotira baaintiti bariabo.