¹ Bainti tinabu tabareka Karaitira kai'a bainti tabate Kotira kuke'ara uba ko'eke ra'ikitate. ² Tenabu u'aiake baiha Kotiba tinabu kai'a timina barare, bira nanare, biba taberobe tenabu homa bi kai'ara barainabe ³ Ibaroma tere, ne ti raira nai inara hikai'ae ibo o ma batarai haina baintie ti rairabo. Bira nanare, kiama te tenta rairarabe. ⁴ Kiama tabauro bika nantiakee ti rairake barabo, iboma kiama te tiha te abu abu baintibe tirabe. Nora bano aima ti raira narobe. ⁵ Mintiboma kia ne bo bainti bo hikara ko amiate, Nora enta bano kia anira. Biba eka hika kuke'abi baina ataina'a baiteroma ekahika arara'i baina bata a'ira'ama batanarobe. Kotiba bohau bohau baintima uahara hika nimia narobe. ⁶ Batebe, ata bakauka aura nakauka, niaaro tima te hanta Apolosika ma irira hikara batauro, ibaroma tinabu'i haima uba okara barebabe, "Kia ne nana hikae ararua taira a'i atarate," mintira ne kia nenta bara'i uribiha butura bora bara muntubi kate. ⁷ Tabae ni tabaira bo'arabi boka abu'a bariate? Eka hika ne batara, ne a'i umina bara tarabe? Ne umina baraibera, ne nanarae nenta autu bini iha ne kia bohika obarai iaka bo'ara bariabo? ⁸ Ne ekahika nenta antu aruara barabo! ne airu hikama batabo, ne kinira bo'arama bariabo, kia tenabu ni kaha unabe! U'a, tenabu ne kinira bo'ara bariate turo, tenanbu bata kinira bo'ara ni hampata bairabe. ⁹ Te mintiakema iruro Kotiba tinabu kai'a baintiara nantiara bariatema tibo, tenabu ko bano utu buane ti baintira bo'arama bauro, Tenabu a'i ra'ama ma batarai haina baintika abu'a bata ankero abu'a bata. ¹⁰ Karaitira ima tenabu wera bainti bo'ara bauro, ibaroma Karaitira'i ne ko'e irira hika batakama bariabo.Kiama tinabu kekau baibo, ibaroma ne kekauma iabo. Ne nora autuma batabo, ibaroma bika tinabu autu bara muntubima kabo. ¹¹ aniroma ma bate anibo, tenabu narara bauro tinabu namariara aunta aha ru'aibo, kia tenabu uta ba'a batauro, bika tinabu ru'utuke batama kia tinabu nabu baibo. ¹² Tenabu kekauke tenta nabu kau'u ihaima kai'a bare bauro. Bika tinabu orai'a timita manta, tenabu bikara ko'ema uro.Bika tina buara orai iamanta, tenabu kempu kai'abima himpi bauro. ¹³ Bika tinabuni una'ara uba raponta manta, tenabu bikara ko'e uba ima turo. Tenabu ma batarai umina hika bo'arama bauro bainti popo hai manta a'u kanteke. ¹⁴ Te ma ubara ararua tauna kia ni kaurira hika nimi haube, mintima ni kaha'iai ti u'a baintiti bo'ara baria terabe. ¹⁵ Mintiro 10,000 bainti Karaitira'i ni'a ra'ikiate ti, kiama ne airu okabara iabo. Bira nanare, te Ihu Karaitira ko'e uba tuna'a te ni u'a oka bo'arama bauro. ¹⁶ Mintima te niara ti okara abatate turo. ¹⁷ Bi okararama te Timotira atitauro ni ianaini anibo, Noraini biba ti bainti bo'ara baima te bira bo'akema antu aruro, biba eka kai'a ko'eke barai babe. Biba ni irira hika uri himpi kaira te nana okarae Karaitira'i minti bauna tabebarabe,te ni mono nabu'i bata eka bantaraini bata tiba nimuna tekero. ¹⁸ Bate, ne nenta autu bini iha ne iri tiha kiama tiriara ni inaini anianobe ti. ¹⁹ Ibaroma, te totarama ni inaini anirabe, bira Nora antu a'a irera. Kia te bira ahu'ari baria baintika ubba irirerabe, iboma, te bika kekau tabarebe. ²⁰ Bira nanare, Kotira ko'e batuka bano kia bainti uba ahiroauma obaribo, iboma Kotira nai kempu ka'abe. ²¹ Nanahare ne antu aruabo? Te kabu batake anie ni u'aita karabe o antu arua mara'urara bata iha'ara okara'a batae?