V 1 Atabakau kabe, te nini uba tire hati'ama iainabe tabae Kotira aiho'a mpi'a bina anarake, ibaroma te nini uba tire bainti tabae harua arara batake baiharo tinte kema tirabe, inara bainti haika bo'ara Ihu Karaitira' ² Te ni namama nimi bauro, kia kempuka karaube, kia ne kempuka kara nareka heno iabo, bate bata kiama ne heno iabo. ³ Ne harua arara batake baria baintika bo'ara baihama ora irira hika bata uba kia iria okaraba ni hampata baima ne kia mara'ura utua bainti nahentika bo'ara bariabo? ⁴ Bo bano tiharo," te Polu rama abatauro, e'a bo bano tiharo te Apolosi rama abtauro."Kiama ne mara'ura utua bainti nahentika bo'ara bariabo? ⁵ Apolosira bira tarae? Polura bira tarae? Bi kahanta bata Kotira kai'a baintima bariabo ne bika hanta'ae mara'ura uti bariabo. Bira tara bainti Norabano kai'a nimi mantama bi kahanta bare bariabo. ⁶ Te kara utu tauroma, Apolosiba namai ami baiba iboma Kotiba naima kara obarai ibaiba baibo. ⁷ Boha ariroma baibo bainti bano kara uti baibae o bainti bano kara'i namai ami baiba kiama bi kahanta autu baibo. Kotiba kara aiho ibo umpi aiba biba ima Nora autu baraibo. ⁸ Tabae kara uti baiba bata namai ami baiba bata bi kahanta boha'ari kai'a rama barabo, bi kahanta nana kai'ae baraira bira ko'a bare barabe. ⁹ Tenabu Kotira kai'a bainti nahentima bauro, ne Kotira naho bata Kotira nabu batama bariabo. ¹⁰ Kotiba nai a'u rihitara ti timiro bainti ko'e irira hika bataiba nabu ka'ain tekero, te nabu ka'aina katarira batairo, bo bainti bano bira benta'a nabu ka'a tairabe. Ibaroma a'ira kai bohau bohau bainti bano ko'eke irikero nana ara'ae nabu bira ka'a narora. ¹¹ Kiama bo bainti bano katari e'a bo bainti bano bataina bara babi aratanaro bi baintira Ihu Karaitirabe. ¹² Ibaroma ta bainti bae katari kori'ae, siliva'ae, ko'e ori'ae, ahaka'ae, witi buhari'ae nabu ka'a tairaba, ¹³ Bira kai'a bano a'i ra'ama obarai abuanarobe, bira nanarae kuari atairaba nai kai'a bara a'i ra'ama kanarobe, bira kai'a bano iha batakero a'i ra'ama obarai abuanarobe.Iha banoma nana kai'ae bohau bohau bainti nahenti mintiaina unta keroma tabanarobe. ¹⁴ Ibaro ta baintibae kai'a baraina biba nai ko'a baranarobe. ¹⁵ Mintiro ihabano bo bainti kai'a ita kairera, biba ora hikama nai bata'a baranaro, ibaroma biba a'ima barianaro, biba iha ihairoma a'ini bebaranaro. ¹⁶ Are kiae tabaro are Kotira nabu bano bariar Kotira Aihobano ai'ira baibo? ¹⁷ Ibaroma bo bainti bano Kotira nabu orai'a kairo, Kotiba bira bata orai'ama kanaro, Kotira nabu atairo bairabe mintira ne bata atamabi bariate. ¹⁸ Bo bainti bano kia nai una arai'iaire. Ibaro bo bainti bano ni abutana hiro iriro tiharo te ekahi ma barai hainahika tabauro tiro, mintirera, "a'ira kaibo biba werai abuaire" e'a nantiara biba ko'eke tababarero u'a irira hika bataina baintira bo'ara buaire. ¹⁹ Ko'e irirahika ma batarai haina bainti nahenti batara Kotira abu'a wera okara bo'arama baibo . Aratanu bano Kotira ubara mantima tibo, " Kotiba baka tabama kaibo tau baintikae bora orai'a mitareka iri bariaka. Biba bi okarara minti baira bika nai bara orai'a katerabe." ²⁰ Kotira uba bano tiharo, "Nora bano eka irirahika bata baintika irirahika tabama taibo. Eka hika irite mintireka iba kiama obarai ianarobe. ²¹ Mintira kia hinikia bainti nahentika autu bini'iate, ekahika ni iarabe. ²² Polu bae, o Apolosi bae, o Kaiapasi bae, o bainti nahenti ma batarai hainau kae, o a'i mara'ra bai narae o uti narae, o ekahi bate ma bai haiakara, o nana hikae nantiara aniaina hikara. Eka hika bira ni iarabe. ²³ ne Karaiti bika bariabo biba nai Koti biba baibo